ان شاء الله القيامة تقوم --

كتب الاستاذ على الفكى فى كتابه (مكتوب لبلدى) وهو عبارة عن سلسلة مقالات صحفية نشرت فى صحيفة الراى العام (1997-2002 م) كتب موضوعا بعنوان –ان شاء الله القيامة تقوم—
وادناه مقتطفات منه--:
(اخونا الشاعر حسن الزبير له قصيدة اسمها –ان شاء الله القيامة تقوم –وعند قراءتها خطر ببالى لو استجاب الله عز وجل لدعوة الشاعر وعلم الناس بمواعيد القيامة–ماذا يحدث للناس –
ستجد جميع المساجد مكتظة بالناس ليلا ونهارا—
المحاكم اغلقت ابوابها لاحوجة للشكاوى والقيامة على الابواب –
اما الاطباء واصحاب المستشفيات الخاصة والتجار ستكون اتعابهم وسلعهم مجانا—
ستغلق السينمات ودور الرياضة والفنادق (منو البدخل السينما او دار الرياضة والقيامة على الابواب )
-اما الفنانون سوف يتجهون للمدائح بدلا من الغناء –
اما المشروعات تحت الانشاء فسوف يتوقف –مثل كبرى النيل الابيض الجديد وكذلك مصنع السكر الجديد—ولكن اخوانا الصينيون سوف يصرون على العمل-
وسوف تفرح الحكومة لانها لم تبدأ فى سد كجبار ---
واكثر انسان سيفرح هو وزير المالية لانه سيرتاح من مشاكل السودان الاقتصادية ويدعو لقيام القيامة-)
انتهى تلخيص المقال –وانتهى خيال الكاتب الواسع –
واليكم خيالى الضيق-
موضوع جميل –لو حدث ذلك فى هذه الايام :
فسوف تصرف الحكومة النظر عن انشاء سد الشريك –وكذلك يقف العمل بكبرى الدباسين وسوبا—
ونجد ان هنالك تحركات وسفر من مناطق التجهير للبلد وبالعكس للزيارات والمشاهدة بين ابناء القبيلة-واعتقد ان كل المناصير سوف ينتظرون القيامة فى البلد—
تقرر الحكومة وفورا صرف ال30% المتبقية وكذلك جميع الحقوق—وسوف يصدر ذلك بقرار جمهورى –لان الرئيس سبق ان ذكر فى الطوينى –مادايرين نظلم ونجى يوم القيامة شايلين المظالم (وكل شاة معلقة من عصبتا)—ويتحرك الملف لادارة السدود ومديرها (ياخدلو طنطينة) ويوقع عليه )-
وسوف يقول النائب ال30% بسيطة انا متبرع ب20% من مالى الخاص زيادة على ذلك –وسوف يبدأ الصرف بسرعة فائقة ولايكون هنالك تكدس وصفوف –وكل ناس الورثات يتعازمون فى ترك المبلغ لبعضهم البعض –ويفاجى ناس اللجنة اهلهم بانهم اتوا بالموافقة على مشاريع التنمية ويعقدون اجتماعات دون حضور الناس—فالكل مشغول بيوم القيامةٍ –
بالنسبة للمغتربين سوف يعودون وباسرهم –مثلا الاخ صديق عبدالله –الهادى—فارس –الفكى--native
على ابوشعر وغيرهم –اما الناس الفى السعودية –الخال مصباح والاخوان –ودبروى-ود-حسين –وعبد الغنى وغيرهم سوف يبقون فى السعودية ليقضوا معظم وقتهم فى الحرم كذلك لانو اهلهم سوف يحضرون اليهم –
اما ناس المنتدى هنا –ابو مصطفى اول المغادرين للبلد –والحاج سوف يغير الصورة الشخصية لتكون سبحة بدلا من الدولارات—وود القبائل سوف يفصح عن نفسه ويعرفه الجميع –سوف ترخص السلع والمواد الغذائية والمحاصيل خاصة (البلح )-وتتراجع الحكومة عن الزيادات—حتى المية الف سوف تتركها للعاملين –
وسوف توقف بطولة الامم الافريقية للمحليين—وسوف يعود ابوبكر كاكى واسماعيل وبقية افراد بعثة العاب القوى من اوربا بسرعة--
ويرجع معظم الجنوبيين للوحدة –وسوف تقف حرب دارفور-ويعود عبد الواحد وعلى الحاج وخليل وغيرهم للوطن--
على الصعيد الاقليمى سوف يرجع المصريون المعتصمون فى ميدان التحرير لمنازلهم قبل ان يعلن يعلن حسنى مبارك عن تنحيه عن الرئاسة—وسوف يرجع ابن على لتونس—
فى الختام هذا ياجماعة من المفترض ان يكون –وهو قمة الايمان بالله –
---انما علمها عند الله -----------
--اللهم احسن خواتيمنا---

سلمان سلام
اليوم اكيد فى واحد من الصارفين الملاييين بايت معاك
لا بديك ولا بخليك تنوم
يحكى فى قصه مسيره حياته وكل الاحداث التى حصلت وهو فى الصف فى انتظار الصرف
وانت ما كان عندك الا وان تتمنى القيامه تقوم قصيده لشاعرنا الكبير حسن الزبير صاحب قصيده مابنختلف وليس على الزبير كما ذكرت واكيد سمعتها وانت جالس مع ضيفك والشمس قربت تشرق
وانا متاكد ان الاخوان ح يعتبروها حساده منك ساكت لانك ماصارف وداير القيامه تقوم
انا ارجو ان تغير العنوان انشاء الله ال 30 تجى وناس الحكومه ينسوا انهم صرفو ال70 فى الميه دى ويصرفوها تانى
ويجوك النعوفاب بايتين ويقولو ليك فلان صرف تلاتين وداك خمسين وانت فاتح خشمك تنصنت ويقع عليك سهر وتعب والصباح تدى ام العيال القليلى عشان يفطرو
وانت راجع تجيب معاك بطيخه لزوم التبريد بعد الغداء عشان تانى فى باقى حلقات بعد الغداء لم تكتمل فى المساء

شكرا الاخ الحاج على التصحيح فعلا الشاعر هو حسن الزبير--عفوا للخطأ فى الطباعة-تم التعديل--
بعدين انا مازيك صارف الحمد لله -
لكن انت داير تعد ساكت بلا شىء--
انت ماتغير للسبحة بدل عد الدولارات--ما اصلها القيامة بين عشية وضحى --وانما امرها كلمح البصر --مامحتاجة لى زول يحمينى النوم اقوم احسد --لازم يكون ايمانا قوى نؤمن بانها قد تقوم فى اى لحظة --

اول ماخطر ببالي انو ناس البوليس والمرور حايعملوا حظر تجول للذهاب للمساجد ويكون للشخص الواحد عدد(1)رخصة في الاسبوع لصلاه واحده , وعندما يتازم الامر تتجدد الرخصة كل شهر لعدد صلاة واحده , وبعدين ترتفع اسعار الترخيص للذهاب للمساجد ,شكرا عمنا سلمان عقيد

انشاءالله ما تقوم
لحدى ما ناخد باقى الحقيقات
وبعد داك التقوم ياسلمان عشان الريس ما يسالوه من باقى الحقوق لانو فى ابو طوينه قال ماعاوز يمشى الاخره وفوق رقبتو دين

شكرا الحاج--شكرا الباشق--شكرا اسامة-
بعدين زى ماقلت يالحاج اكتر ناس حايرتاحوا ناس الهايص ناس الحركة حايخلوا القبيض والقطع --حيمشوا المساجد--
عشان ينظموا الحركة وفى بالهم الاجر وليس الايصال--برضو حتكون الرخصة خلال اسبوع وليس تلالته اشهر --
طبعا الطلاب سوف يتركوا الدراسة --الدارسلها شنو والقيامة حتقوم --
وناس الدهب يخلوا الخلا --ويجوا الى اهاليهم --ويمكن مافى حوجة للكهرباء --وتفتح كل بوابات وعلب سد مروى للابد وينزل البحر وتظهر الجروف من جديد (بعد ايه) نتمعن فيها كويس ونفارقا--
حركة الشارع فى الخرطوم تكون خفيفة --والبنات لابسات طويل وساتر --وحركة الطيران فقط للسعودية للمغادرة وللوصول من كل بقاع العالم--
القوى الاجنبية بما فيها امريكا واسرائيل لعدم ايمانهم مابصدقوا --ابيي --المجلد--البترول --الدهب ولسان حالهم يقول لو عارفين كده ماكان ادرنا بدقة عملية الانفصال --
-----شكرا للجميع----------

منتظرين الرشيد ياسلمان
سكوته يعنى صارف وماداير القيامه تقوم
وكذلك مجموعه امدرمان

ابدا يالحاج الزول اعتكف -اول ماقرأ هذه الموضوع قال الدنيا اصلا مافيها فايدى-وبقى من الجامع مابمرق--
قريشاتو جات الاسبوع الفات قال ليهم اتبرعوا بيها لاى جهة --
وكذلك اصبح قليل الدخول للمنتدى المنتدى--

عشان كده سكت السكته المنها ما سمعنا صوتو
انشاء الله يكون اتبرع بجزء منها لاوقاف الحاج يوسف

الاداره فى حاله انعقاد دائم
وترجو من الاخوان الاتصال بها فى حاله ظهور الاخ الرشيد

شكرا الحاج--
هو الرشيد براهو العالم دى كلها اختفت وقد يكون البعض اصيب بالذهول والبعض قد يكون الاحباط من خطاب مبارك والبعض من كثرة القروش التى صرفوها وما مصدقين ان تقتلع من انياب التنين--
اما الرشيد اعتقد من بين الذين اعكتفوا فى المساجد وطلقوا الدنيا --