يا أخوانا السودان ده إجتماعياتو إتغيرت جنس تغيير لاحولا.. نحن المغتربون نلاحظ ذلك!!!

أيوه يا حمود بدأت تتغير للأحسن. لكن ذهبت بأخلاق الرجال... والما ذهبت بي أخلاقو بقى مشغول شديد.. نادر تلقى زول عندو زمن ليك
أنا طبعاً تحدثت عنها في البدايات1989 و1990 و1992 وكدة
لكن لا تزال بعض الناس جعانة لامن عيونهم منططة من الجوع
وناس شبعانة لامن جضومهم منططه من الشبع.. حايمين يفتشوا في كيك عيد الميلاد بي هلتون هوتيل وروتانا هوايل وقصر الصداقة هوتيل..
كل الناس كدة!
معقولة بس، في زول كدة!

الاخ الفنان الرايع صديق
طبعا حصل تغير كبير ما في ذلك شك
اخي ايقاع الحياة اصبح سريع جدا في الخرطوم الواحد يطلع الصباح قبل الشروف
ويرجع بعد المغيب وقت العصر اصبح مافي
تخيل الضغط النفسي والمعاناه وطلبات الاسره التعليم الصحه والمرتب البسيط
المعادله صعبه جدا
لذلك كان التغير والكل عازر بعض قصة اللوم الكتير الناس خلته
لكن مازلت الدنيا بخير وكذلك النتاصير في حاجتين مازال الناس متمسكينبهم
(1)زيارة المريض في المستشفي تجد كل المناصير هنالك بس بعد مرات عدم
السمع من البعض لكن البيسمع كلو حضور
(2) في المقابر كل عيال منصور هنالك
والله يا صديق الكل يحب المواصله الرسول (ص) يوصينا بذلك
اخي صديق جدي الحسن ود عثمان كان يحوم كل المناصير بحمارته وكل الناس
اهله وعشيرته وهو محل للترحيب اينما حل
انا اود ان اكون مثله ممكن
طبعا لا
لكل تلك الاسباب المزكوره انفا
الاخ صديق والله نود ان نكون كما تحب
لكن الظروف والحال الردئ
رجائنا تقبلنا كما نحن وعلي علاتنا
تاكد مازال الجوهر والمضمون كما هو
لك ودي وعاطر تحياتي

الاخ صديق سلامات والتحيات الزاكيات للقامه بروي
لقد قرات قرات كل ماكتبت اعلاه وتشكر فقد شخصت العله تماما حين قلت( ذهبت باخلاق الرجال) هذه هي الحقيقه المره التي يتواري خلفها الكثيرين ؟ الفقر وماتمخض عنه هو"
قله الوازع الديني والشفقه والملق
استشرت بصوره تحير ياهندسه وكمان طالت هذه الخصال المعلمين في منطقتنا واصبح الطالب متلقي لهذه الصفات كتبت انت في احدي البوستات سيولدون مناصير غير اولائك الذين نعرفهم كنت حصيفا وصادقا فيما ذهبت اليه ؟
حدثني صديقي وقال لي قابلت صديق لي في محطه الكاب وقد تباعدت السنينين بيننا زمنا وكنا وقتها لانتفارق اعرفه واعرف اهله كانت لنا ايام جميله مع بعضنا الغربه بعادت بينا وفجأت وبينما اسير في محطه الكاب ومع مجموعه من الناس قابلته بالاحضان فاذا به يمد يده لي كالمتافف من ملاقاتي وقد قتل تلك اللوعه في داخلي واصبت بالحسره والخيبه من مقابلته ولم يناطقني بحرف واحد غير السلام ؟
ذهبت الي الصهريج بتاع المحطه وسالت الذي يرافقني " الم يكن ذاك فلان ؟ قال نعم هو هو؟ اه يازمن واه يابلد ؟ ياربي الحاصل شنو ؟
قال عدت راجعا وبينما انا سارح في تلك المقابله اذا بصاحبي الذي قابلني بذلك البرود يعانقني ويعاود السلام وبحراره حتي ذهلت وبدأ البرود في سلامي وقد احسه هو؟
فسالته ماااالك الحاصل عيك شنو ؟
قال لي ( هو طبعا معلم )
ليته لم يقلها ولم اسمعها انا شخصيا منه
كلمات تدل علي الانحطاط والملق والجبن ووالضعف الديني
تلك هي حاله معلمي بلادي
شاءت الاقدار ان اوفد الي بعض الدول العربيه وقد احسست بذلك الشعور في تلك
الدوله العربيه بين افرادها ( الخوف من مجهول ) وعدم الثقه بين الناس
لي عودة لك ولكلماتك الرائعه التي دائما ماتنقر في الاوتار الرقيقيي الحساسه

العم صديق وكل المعقبين اعلاه ,,,, رغم اتفاقي معكم في تدهور الاجتماعيات عموما كسودانين , والموضوع ده ذي ما قال عمنا صديق والذين عقبوا علي الموضوع , داير دراسه مطوله ولكني اري ان بني منصور لسه بخير ومحافظين علي علاقتهم الاجتماعيه رغم هموم الحياه التي ذكرتها , والله شاهدت كثيرا من حالات الوفاه وفي اوقات حرجه فتجد الصفوف ماشاء الله , وبعد داك كلوا الماحصل الدافنه زعلان ليه ماكلموه , او اتصلوا به .
الشهامه موجوده وكتير جدا عشرناهم من الاخوان والابناء والاعمام شايلين هم اسر باكملها وماشاء الله عليها , والله التكافل الموجود عندنا , والعلاقات الاجتماعيه نحمد الله عليها كثيرا , فنادرا مانجدها في اي قبيله غير( بني منصور) ومشاهد كتيره لتواصل في العزاء وحالات المرض وحالات السراء , والله نحن لسع بنعمل الكشوفات بتاعت العرس في نادي العمال في السوق العربي بالخرطوم , حتي اعتقد ناس نادي العمال ان هذا النادي حصريا علي المناصير , ومرات كتيره تسمع بمرطبات اي زول وبدون ان تسأل من العنوان تمشي لنادي العمال , والمناصير ماشاء الله عليهم أماكن تجمعات واقامه مرطبات العرس معروفه في الخرطوم ( الكلاكلات , ام عشر , ام بدة , الثورات ومرزوق , السامراب والدردوق والدروشاب , الحاج يوسف , الخ ) .

العم ...
المتفرد ..فى كلماتك
كل مرة اقعد اقرى فى المواضيع الكتبتها
اللهجات ... شرى ...حسين السيد.......و..و
مواضيع كتيرة
اتكيييف وانا بقرا
ذى البحضر لى فى فلم عديل
فلم لو الواحد شال قروووشو ومشى
اى مكان ولا سنما مااابلقاهو
واحب اعلق فى مواضيعك
بس اقول احسن اقعد اقرى
واتم الفلم
بس افلامك مابتنهى
وكل فلم احلى من التانى
تعرف حاجة فى موضوع تغير الطبع فى الناس
اسع كدى شوف زمان
مازمان شديييد نحنا قدر اولادكم
زمان كان واحد بس بشتغل فى البيت
والباقين يا عاطلين يا قاعدين يقرو
والامور ماااشية
اسع البيت كلو شغال الابو والام والبنت والولد
وبرضها ما مقضاهم
شنو الحصل ؟
زمان نرجى اعمامنا المغتربين
حتى مغتربيت ليبيا
عشان الواحد يطلع بى جلابية ولا فتيلة ريحة واى شى
اسع المغترب من يرجع ربنا يقدرو يحل مشاكلو
ويقدر يلف سلاامات ساكت على الناس
الا من رحم ربى من المغتربيت المتمكنين الراكزين
شوف
الجامعات زمان قااااالو
تقعد فى الداخلية تاكل وتاكل اخوك
اسع وين
الشغل مافى
الاغتراب قالو مانافع
الزول يسوى شنو؟
بس فى حاجة
الشغلة دى ماكانت كلها بركة
واسع
بركة مافى
يقين مافى
الناس من شدة الشفقة
على الرزق
تبيع ضميرا
واخلاقا
وحتى شرفا
والمجاملات بقت تكلف الناس زمن وقروش
زمن احسن يستفيدو منو فى اى حاجة تجيب قروش
حتى لو بيع شرف
بس فى حاجة المناصير
برضو احسن كتير
رابطم رابط الدم
لانو مااتخلطت ذى التانين
وفاة مابخلوها
عرس لو ماجاة اسمو فى الكشف فى
والعيان دة لازم لازم يزروهو
غيتو ربنا
يسبت النفوس
ويكضب الشينة
طولت فى الكتابة فى موضوعك مش؟
ما انا قولت ليك لى زمن بحضر فى افلامك
المابنشبع منها
ليك تحية تانىى
العم
ابوحنة

مره اخري عمنا صديق
نسأل الله أن نحافظ علي هذه الاجتماعيات الموجوده .
السؤال الذي يفرض نفسة مادورنا في المحافظة علي هذه الموروثات الجميله ؟؟؟؟؟.
ماهو دورنا ( الاباء , الاعمام , الاخوان ) حتي الاشبال ؟؟؟؟؟؟

والله يا أسامة ما عارف أقول ليك دورنا شنو؟؟؟
صعبة شديد نرجع للحالة الأولي ديك؟؟؟
بس حقت علينا نذارة النبي عليه أفضل الصلاة وأتم التسليم
( كل عام ترذلون، حتى قيام الساعة)
أو
( خير القرون قرني هذا، ثم الذي يليه، ثم الذي يليه، حتى قيام الساعة)
أو ( آخر الزمان، القابض على دينه، كالقابض على الجمر)

ماهذا الاحباط عمنا صديق !!!
لم نعهدك كهذا من خلال كتاباتك !!!
* الحلول كتيره بس دايره تفكير وشويه حركة وبركة ,,,
* بما ان الدور رهين لدي الشباب فلقد جربنا ان نجتمع مع شباب منطقة محدده ( شري , كبنه , شرري مثلا ) في رحلة منتظمة ونسوق معانا ناس الجامعات والثانويات وماقبله , وتكوين روبط اجتماعيه تتعاون مع بعضعها في السراء والضراء جربت ذلك فعلا ومازال كل واحد يتفقد الاخر في كل مناسبه ( اهم حاجه ان تتعهدهم بالرعايه ) .
* اقتراح اجتماع كل الاسر في الاعياد في بيت كبير العيله , فكل راس شجرة عيلة يجتمع لدية كل افراد تلك الاسر ويتفقدون بعضهم البعض .
* تفعيل دور الروابط والصناديق في المناطق والاحياء , وهذة حقيقه ان كل منطقه حتي يومنا هذا تمتلك لجنه او صندوق اورابطه اي كان المسمي فمازالت كل منطقه لديها اصول ثابته لاقامه الافراح والاتراح ( الصيوانات, معدات مياه الشرب والغسيل , الكراسي , الترابيز , وغيرها , وهذه حقيقه يجب ان نقف عندها ونفعلها ) .
* كثير جدا من الاقتراحات والبرامج موجوده اصلا بس دايره الزول يرعاها ويتبني النواقص فيها باستمرار .

أكيد سوف تنفرج الحالة يا ساري الليل بجهد المخلصين