الشاعر : الكبير خلف الله على محمد كباشى

شكرا الاخ الطيب
ومزيدا من التوثيق لشاعرنا الكبير الاستاذ خلف الله كباشي
ربنا يديهو الصحة والعافية

طبعا الراجل ده ما ساهل وانا جالستو كتير واخر مره لاقيتو فى البص وهو فى طريقه الى الخرطوم وشلت منو ديوانو هو واللهيفان

أبو مصطفى والله الليلة كمشتك مرقت ليها عضماً غليد من الحلة.. ده زول ما ساهل.
تأريخ ميلادو.ز طبعا الحكايي كلها تسنين. لكن خلف الله أكبر من كدة شوية بي سنتين تلاتة اربعة.. يعني موش 1955.. هو كان ثلاثة دفع قدامنا في مدرسة ابوحمد الوسطى...
من ناس كبنة هو دفعة: موسى محمد أحمد عابدين
ومن عصمة هو دفعة سليمان حسن موسى
ومن شري: هو دفعة سليمان محمود توم
ومن الكاب: دفعة ناس مرضي.. من أم بلجي أو أم سيال
هو زول زكي جداً.. وزول حقاني وأخو أخوان بالجد..
وخالتو طوالي متزوجنها ناس سلمان عقيد في النعوفاب
ما قلت ليك يا الطيب نحن ناس الجزاير ما بنقدر منهم( يا دييسة شلال دماج.. روحت وأدتنا العجاج)
إنت عارف يا الطيب جاييك لسه؟
بنت خالي طوالي معرسنها في الدباب قصادكم.. أولاد اللغا.. خالي محمد ود حبيب
وخالي التاني متزوج من ناس قمر ود البيشاني.. الصقير
وبت خالتي بت الفكي متزوجنها جنب بحير الحارة في أوس
وبت أعم مرتي متزوجنها ناس ود عميري في أم جغور..
واقربانا ناس عسكوري ود عسكوريي قاعدين في جزيرة ( دنكو) جنبكم..
حكايتكم شنو معانا ياخ

الخال صديق كل سنة وانت طيب هذه الايام مشغول شديد شديد نظرا للميزانية وتقفيل الحسابات الختامية لكن بجيكم راجع بعد شهر فبرائر ؟؟؟



تحياتى
ابو مصطفى

تحياتى ابومصطفى
شكر ا لك على هذا الابداع فقد اظهرت شاعرا كبيرا تعرفه كل البلد هناك
وقد وثقت له ديوانه بمسمى غزل النجوم مع رفيقه عمر لهيفان رحمه الله
فالاستاذ خلف الله شاعر متمكن التمست ذلك من غزل النجوم ذلك الابداع المتفرد
فنطلب منك اعاده كتابه هذه القصيدة فى البوست المخصص له من قبل الريس خالد
تقبل المرور المتؤخر