كيف تعرف المنصوري

بماذا يمتاز المنصوري عن الاخرين او كيف تعرف المنصوري
1\ المنصوري دوما جاد في عمله
2\لا ينافق ولايجامل ويقول الحق ولو علي نفسه
3\صبور ومتفاني في عمله وكذلك مخلص
4\المنصوري شكله العام جاد( المظهر العام للوجه)
5\في العمل العام لايحب الوساطات
6\المنصوري سريع الكلام كما ايقاع المناصير
7\يتخوف من الاغراب ولايختلط بهم كثيرا
8\المنصوري لا يحب الدوبلوماسيه ويعتبرها نفاق
هذه اخلاق تربينا عليها والبعض يعتبرها اخلاق عفا عليها الزمن
الجماعه يفول لك خليك تفتيحه
انا قررت اكون تفتيحه بالله عليكم دلوني كيف السبل الى ذلك
بس ما تقول لى غير اخلاقك لاني ما حقدر
انا في انتظار ارائكم ومقترحاتكم لكي اصبح منصوري تفتيحه
بالله عليكم لاتبخلو علينا

5\

الاخ مصطفي التفتيحه خشم بيوت والمشهوره الان هي ان تستطيع ان تدقس الناس يعني تجيد فن الخديعه
وتكذب للحصول علي المال خاصه في كتابه الشيكات الطايره وان تدخل السجن ماهم المهم هو ان تجيب القرش بأ ي وسيله وهذا هو حال المجتمع اليوم بعد ان وصل مرحله في التردي الاخلاقي غير مسبوقه اما التفتيحه باالمعني التالي وهو انك تستطيع كشف هولاء من اول نظره وتبعد عنهم وانت يامصطفي حسب علمي لاتريد ان تكون من النوعيه الاولي واكيد انت من النوع الثاني باالتالي خليك كما انت لاتفتيحه ولايحزنون

المنصورى اخى مصطفى يحب ان يتعلم العوم دون ان يتعرض للغرق
المنصورى خوفا من قلنا وقالو يبيت بدون عشاء
المنصورى زمان يختلف عن منصورى اليوم فى القناعه والطموح
فان اردت ان تكون قنوعا فمعنى هذا انك لا تحمل طموحا
ولا يمكن ان تكون تفتيحه بلغه اليوم
وكلمه تفتيحه كما افهما انا هى ان تصل الى القمه باقصر الطرق دون ان تحدد نوعيه الطريق الذى تسلكه مع عدم اصطحاب مرافقين
ولو كنت تريد ان تكون منصورى تفتيحه يجب عليك ان تسافر عبر هذا الطريق دون ان نراك الا وانت فى القمه لنرفع لك رؤوسنا ونحيك وقوفا اين ماحللت

بعدالتحية التحية اخي مصطفى كذلك من صفات المنصوري
1/انه عجول في كل المواضيع
2/عنيد جدآ اذا أجبر على شيئ حتى لو في صالحه
3/المنصوري لايصبر ابدآ على الإبتزاز
لو قدرت إتخلصت من الصفات دي صدقني تكون تفتيحة لكن لو بقيت منصوري بالجد ألإمتحان صعب عليك

ياخوى اقولك حاجة ؟؟ الطبيعة جبل ؟؟؟؟ انت فاهم معاى ؟؟ وبعدين معاك ناس البايلوجى يقولوا :-----
البئة + الوراثة = سلوك الانسان ؟؟ فكيف انت تمرق من دى وتبقى تفتيحة انت ما بتقدر تبقى تفتيحة لانك ناس البايولجى جابو اخرك ؟؟؟ نحن نامت اتخرجنا من الثانوى نخاف من الاستاذ ؟؟؟؟ لكن تعال شوف الحاصل الان ؟؟ وبعدين اقولك يا مصطفى خليك من المنصورى الواحد كان انت فى نصف السوق العربى دا وشفت امراة وراجل كل اثنين ماشين سوى ؟؟ المنصورى والمنصورية يتعرفوا ؟؟ قول لى كيف ؟؟ تلقى يمشى ويتلفت لا وراء ويقولها يا مراه هوى امشى لاقدام ؟؟؟


تحياتى
ابو مصطفى

المنصورى جاد فى عمله و وفى نفس الوقت صعب

المناصير ظريفه شديد والحمدلله انا بقيت من القبيله ذات التاريخ التليد والفراسه

عشان تكون تفتيحة يامصطفى الا تعرس ليك شايقية عشان تخبرك درب التفاتيح

يا السر هو كان عرست ليك شايقية ما خلاص دا التفتيح دايربيهو شنو؟
كل الابواب المغلقة تفتح

مرحب بيك يامنال تاج السر بالمنتدى لكن ماكتبتيه اعلاه ليس هذا مكانه ويجب ان تكتبى ذلك ببوست الترحيب بالعضوية الجديدة وذلك حفاظا على النظام والترتيب والبوست هذا مفتوح من قبل صاحبه تحت عنوان معين لموضوع معين.

سلام للمنصوري الاصيل صوره وصوت مصطفي
وسلام لكل الاخوان من المهندس الجزولي لحدي ابن مربي الاجيال تاج السر
اول تبادي ابومصطفي كلامو زي خلف الكيي فوق الكيي
وجاتني ضحكه نامن اشتهيت لي شاي صاموطي من كلام احمد الخبير
المنصوري ياجنا الله لايرميك فيهو يسويلك حشك الصليعي في الاستباله اذا بقيت خاتي عليهو
مره جو نفرين من البلد قالو شغلة الطين قروشه ممحوقه دايرين نتوظف
والمناصير عندهم سبر مش في خدمة الطين بس القروش ممحوقه ؟ في اي خدمي تشتغلها وانت ماشي لي وراء ( يعني ود القبايل يقصد لمان الوسطا يبني في الساريقه مو قاعد يمشي بي بصلبو ؟ اه دي قروشها ممحوقه وكذلك بوقة المسور موزي القمح كاشانه لي قدام كسرتو طاعمي وقروشو حاضري ومبروكه
عشان ما اسولع النضم الجماعه وقفوا قدام المسعول بتاع الشركه وقال ليهم نحن دايرين ناس تمام انتو نفركم شنو ؟ شغلنا دا بيتقددروا عليهوا ولا ساكت تسولنا ضربوا رماهو
وقام اللولاني قاليهو : الجنا دا نار بس ونجيض نجاضا يولعوا منو النار ؟
ضحك المسعول وقالوا اه انت كيف ؟
قالوا انا ( اتلفت جاي وجاي وصنقر ودنقر )
قالوا انا :: انعل امك انت القاعد قدامي دا ؟؟
انت ياود القبايل قبصتها ما قلت الكلام القالوا بالضبطي المنصوري الاخير
ياجنا امبقيت قلتها ناس المنتدي من بكره يرفتوني
دحين ياجنا المنصوري ماتصاقرو
بس اتواتاه من بعيد
ومتعسف شديد للطويل والبهديل والتلتيل بتاع النضمي دا

: وووو

شكري الخاص لكل الاخوه المتداخلين
الذين اضافو للبوست اضافات حقيقيه
فلكم مني الود والتقدير

تاج السر جبريل عثمان كتب:عشان تكون تفتيحة يامصطفى الا تعرس ليك شايقية عشان تخبرك درب التفاتيح

انت ياجماعة اخونا تاج السر ده معرس شايقية ولا شنو؟؟.

الاخ الكريم تاج السر
علي قول الفنان عادل امام
اشرح افصح ابن
كيف يكون ذلك
بالعربي عرس الشايقيه كيف يخليني تفتيحه
واكون شاكر ومقدر

تاج السر جبريل عثمان كتب:مرحب بيك يامنال تاج السر بالمنتدى لكن ماكتبتيه اعلاه ليس هذا مكانه ويجب ان تكتبى ذلك ببوست الترحيب بالعضوية الجديدة وذلك حفاظا على النظام والترتيب والبوست هذا مفتوح من قبل صاحبه تحت عنوان معين لموضوع معين.

مرحبا اخ تاج السر وانا آسفه مع فائق شكري وامتناني

لك تحياتى الاخ مصطفى:
فى كلام الاخ الخبير(كل الابواب المغلقة تفتح ليك) ماخلى لى شئ اقولو من بعدو

جبريل عبدالرحمن كتب:

تاج السر جبريل عثمان كتب:عشان تكون تفتيحة يامصطفى الا تعرس ليك شايقية عشان تخبرك درب التفاتيح

انت ياجماعة اخونا تاج السر ده معرس شايقية ولا شنو؟؟.

ياريت ياجبريل ماكان دى ليلة القدر وجاتنى

منال تاج السر كتب:

تاج السر جبريل عثمان كتب:مرحب بيك يامنال تاج السر بالمنتدى لكن ماكتبتيه اعلاه ليس هذا مكانه ويجب ان تكتبى ذلك ببوست الترحيب بالعضوية الجديدة وذلك حفاظا على النظام والترتيب والبوست هذا مفتوح من قبل صاحبه تحت عنوان معين لموضوع معين.

مرحبا اخ تاج السر وانا آسفه مع فائق شكري وامتناني

بعد اذنك صاحب البوست اخى مصطفى والاخوة المتداخلين:
شكرا منال على تقبل التوجيه فهذا مانفتقده نحن السودانيين فى هذا الزمن فالكثير يعتبر ان التوجيه منقصه فى حقه فلك الاخت منال منى كل التحية والتقدير.

دى روشة عشان تبدا خطواتك للتفتحة
اول حاجة لوقال ليك منصورى انا جايك فى البيت بات معاك او جاب ليهو زول عيان من البلد تتزاوق وقول اى حاجة مسافر كورس- وديت الاولد لى امهم - اى حاجة المهم تزوق
تانى حاجة قصة دة اداك كرت وعندو مرطبات فى ""نادى العمال مثلا" دى تنسها نهائ ولو زنقوك قول والله ماجانى او قول جيرانا كان عندهم عزاء
تالث حاجة ماتشتغل بى اى زول او امنظر اوتتاثر بالمواقف مثلا سمعت ان فى طلاب جدد من المناصير عندهم مشكلة فى الداخلية ودايرن مساهم "تتطنش" اوفى زول اساء ليك بس عندك معاهو مصلحة عادى تتضحك ليهو وتنسى لانو الدم الحار ده بتاع المناصير دة زاتو بجيب ليك حمى
ديل ثلاثة حاجات وبتم ليك الباقى بس....لو؟؟؟؟
نسيت ....
ومسحت ..
وشطبت ....
اسمك
من تاريخ اعز ديار
ولو اقتنعت انك ماحتقول تانى
منصورى موقد نار انا ...
انا من اعز ديار انا
وسمى نفسك اى حاجة
وقول
انا اى
حاجة او اى جنس :""تفتيحة ""
بس اوع تقول انا
منصوووورى

الاخوه المتداخلين لكم الود والتقدير
لقد سعد جدا بمداخلاتكم الجميله التي اضافت للبوست
طعما ورونقا خاصا

طبعا انا كتبت هذا البوست لانه في كثير من الاحيان الواحد
يشعر بان ما يحمله من اخلاق رصينه وعفة لسان ونظافة يد
وصدق في الحديث والمشاعر واهتمام بكل شئ ونقول للاعور اعور
هي اخلاق جميله لاشك لكنها في الزمن الخطا لان من تتعامل معه
يعتبرها عواره او كما المصريين يعتبرونها طيابه
بعد مرات انا اكون قاعد مع نفسي اقول اهلنا ربونا خطا
لان ما نحمله من قيم غير موجود البت
لذلك جاء هذا البوست وهو تفكير بصوت عالي وانتم ايضا تحملون
هذه القيم والاخلاق
نحن ما عاوزين نتخلي عن اخلاقنا لكن برضو عاوزين نجاري هذا
الزمن الصعب يعني دايرين توليفه وهذا هو هدف البوست

الاخ الهمام ابو مصطفي
نحن واقفين دقري وكلامنا سمح وزين وكله طيبه وحسن نيه ديل نحن المناصير
ما حاولنا ان نقوله باننا مختلفين عن الاخرين في القيم والاخلاق والطباع
والعزه والكرامه والمروءه والشهامه واغاثة الملهوف وكل السمح
ولكن للاسف الزمن غير ذلك
لذلك اخي العزيز ابومصطفي جاء هذا البوست لنؤكد من خلاله باننا لن
نتفير ولن نحيد عن مبادئنا وقيمنا واخلاقنا وان اعتبرها البعض سذاجه
ولكننا نعتبرها اصالة المنصوري
لذلك اخي نحن من موروث واحد لذلك براحه علينا
ولك ودي وتقديري مع امنياتي الصادقه لك بالصحة والعافيه
وسوف نظل علي ما نحن عليه من اخلاق وان اعتبرها البعض سذاخه

الاخ العزيز ابو مصطفي
لك الود والتقدير
وجزاك الله خيرا