نكات منوعة عن الرباطاب

منقولة:

رباطابي قاعد في مطعم وكلما حضر زبون يطلب حاجة صاحب المطعم عندو حلة واحدة
يفتحها ويغرف منها وتكرر المشهد عدة مرات ونفس الحلة عايز فول عايز كباب عايز
عدس عايز كبدة وبرضو نفس الحلة اخونا الرباطابي مشي لصاحب المطعم وقال يااخونا
حلتك دي فيها ادراج ولاشنو


رباطابي عنده فرن جاهو مسكين قال ليهو لي يومين ما ضقت طعم الرغيف الرباطابي
قال ليهو : ياهو طعمو زاتو ما اتغير

رباطابي راكب القطر وجالس جنبو واحد شايقي كل ماتجي محطة يقيف ويقول دي ما
ابوحمد؟ قاصد محطة الرباطابي وعمك ماسائل فيهو كرر الحكاية عدة مرات وبرضو عمك
ماهببو ليهو واخيرا جات محطة الرباطابي ولملم حاجاتو واستعد للنزول فقال ليهو
الشايقي دي ابوحمد؟ قال ليهو لا دي ابوظبي انزل اشتغل

قالوا رباطابي ولده أتفلق في راسه .. وكان الوقت ليل ساقوا وراح العيادة
الدكتور عاين ليه كده وقال ليه كان تجي بدري شوية ياحاج .. الرباطابي قال ليه
بدري متين قبل مايتفلق .

قالو واحد سافر لابوحمد واول ما نزل من القطر لقى شافع رباطاب بيببع في ليمون
قام قال ليهو يا ولد ليمونك ده فيهو موية قام الشافع رد عليهو بسرعة - نان
قالولك ساقنوا بالتيمم

قالو واحدة من حريم الرباطاب كانت بتبيع زلابية وطعمية للركاب في محطة ابوحمد
بعدين الايام ديك شغلو القطر الاكسبرس وكان ما بيقيف في اي محطة المهم الحاجة
دي القطر جا ماشي فيها بووووو وماباعت اي حاجة وقامت رجعت البيت قام الراجل قال
– ان شاء الله بعتي كويس الليلة قامت ردت قالت ليهو- بعت شنو الشئ ما جا ماشي
فيني زي ترجمة الفلم الاجنبي

قالو فى واحد رباطابي راكب القطر و شايل ديك و احد سالو ماشي تبيعو قالو لا
ماشي اغير نغمتو

ولد رباطاب سألوه في المدرسة .. قالوليه ابوك عمرو كم .....قاليهم : و الله ما
عارف لكن طول معانا .....!!!

مرة في واحد رباطابي جاء الخرطوم لزواج وفي الغداء هو بحب اللحمة شديد المهم
مركز في الصواني وعايز يختار واحدة تكون فيها ضلعة كبيرة المهم كل ماتطلع
صينية يشوفها يلقاها رقبة البعدها برضو رقبة البعدها برضو رقبة المهم حوالي
عشرة صواني وبرضو رقبة قال ليهم ياجماعة انتو ضابحين زرافة ولا شنو

قالوا فى جماعة بحفروا فى المقابر وعنقريب الجنازة جنبهم قاليك جا واحد مارى
وقال ياجماعة انشا الله خير بتحفروا مالكم.. الرباطابى رد عليهو قال ليهو خير
.. بس بنطلع فى صارقيل

رباطابي مرتو قالت ليهو اشتري لي قميص نوم قال ليها ليه اللابسا دا مساهر بيك؟

رباطابي جاء الخرطوم لحضور زواج وكان متوقع في العشاء مالذ وطاب من الصواني
الكبيرة زي مابيحصل في البلد المهم وقت العشاء عمك جابو ليهو صحن ورق وحاجة
باردة وبعد ما اكل لمو منو صحانة الورق فعلق علي ذلك قائلا العرس زي امتحان
الشهادة جابو الورق ولمو الورق


قالوا رباطاب قاعدين يحفروا في قبر في المقابر .. جاء واحد قال ليهم السلام
عليكم قالوا ليه عليكم السلام .. قال ليهم خير مالكم .... قالوا ليه عندنا
واحد مات .. قال ليهم مات هنا ولا خبر .. قالوا ليه خبر .. قال ليهم سمح
بتحفروا ليه ..قالوا ليه دايرين ندفن التلغراف .

قطار الوحدة كان قطر سريع بين الخرطوم وعطبرة له راسيين يصل عطبرة يقلب علي
طول للخرطوم الرباطابي شاف القطر قال ليهم دا شنو الزي شريط الكاسيت

* رباطابي قالوا له الدابي لمن يعضي زول بخلي سنونو في مكان العضة.. قال ليهم:
طيب وكان بعد دقيقتين لاقا ليهو زول تاني وعايز يعضيهو؟ قالوا له: بتكون قامت
ليهو سنون تاني.. قال ليهم: هو دابي ولا دباسة؟*


حمار اتعود يحك راسو بشباك فصل في مدرسة.. الاستاذ قال لي الطلبة: الحمار ده كل يوم بعمل كده عندو ود عم
هنا ولا شنو؟رد عليهو تلميذ رباطابي: والله ما بجي إلا في حصتك يا أستاذ.

[right][][b](وبالطبع معظمكم مرت عليه - والغرض منها للترويض عن النفس وخاصة الأخوة المغتربين أكيد حا تعجبهم- وبالله اللي عند حصيلة ما يبخل بها علينا).
ولكم الشكر[/b//right]

واحد عاوز يعرس مشي للنجار اتفق معاه علي الدولاب , النجار قال ليه اسبوعين بخلص منو , والعرس قرب , و صاحبنا مهموم , ابوه سألو : مالك يا ودو ؟ قال ليه النجار ما سلمني الدولاب و العرس باقي عليه 5 يوم .. قال ليه : ياخ النجار ده ,الوداك ليه شنو ؟ انا دولاب عرسي للان ما استلمتو منو !!! صاحبنا مشي علي النجار زعلاااان , النجار ...منشافو من بعيد , وقف ليه بره , و قال ليه : شوف .... شفقة ابوك دي ما تسويها لي .

واحد مسطول قال والله اليومين ديل من شدة الحر تفتح الباب تلقى الشارع قاعد في ضل الحيطة .

واحد شحات كسب فلوس كتيرة سألوه:-حاتعمل ايه بالفلوس دي؟ جاوبهم: حا ابني بيها مسجد واقعد اشحد فيه لوحدي... هاهاهاهاها .

تلاته مساطيل راقدين في الحوش قالو عايزين يحاكو المطره الاول حاكه صوت الرعد والتاني حاكه صوت المطره اششش التالت شال المرتبه ودخل جوه .

رباطابي عايز يسافر السعوديه مشي سودانير سألوهو قال ليهو ذهاب واياب؟ قال ليهم لا خروج المهزوم .

عملو برج لأريبا في سوق ابوحمد كل الرباطاب اشتروا موبايلات وحارسين الشبكة الليلة وبكرة في رباطابي زهج عاين للبرج وقال الضكر دا يفتق بتين عشان نقرع تمرنا دا

إتنين كانو بصلو الظهر جماعة إمام ومأموم وجاء واحد تالت وما عارف الإمام اليمين ولا الشمال فالصحيح هو أن يسحب المأموم ليرجع معاهو وراء ويبقى الإمام قدام ولكنه بدلاً من ذلك بدأ يسحب في الإمام يسحب يسحب يسحب والإمام واقف تُج وكان في رباطابي واقف بعيييييييييد ويشاهد في الموقف في النهاية صاح في الزول وقال ليهو
هوي الضلفة دي مقفولة جر التانية

نكاتك ظريفة وجديدة يا اسامة وننتظر منك المزيد

هاك ده يامصطفي محمد الحاج

واحد كسلان شديد شاف ولده بيغرق
ولده قال ليه:
أنقذني ياابوي
أبوه قال ليه :
ماداير تموت شهيد ياولد ؟

واحد مسطول ساق جدو المستشفي الدكتور ساله جدك ده عمره كم ؟قال ليهووالله ما عارف لكن من زمان معانا