ياوردة عاشق من صباى/اغنية عزاب من المبدع عيسى بروى

م بروي كتب:فضي شنو يا حازم ياخوي
ده المفروض يكون ذهبي ونص
وياريت يسمعنا خالد ويشيل
الألقاب دي ولا فرق بيننا فالكل هنا
من دهب وإن جرت العادة في كل المنتديات بمثل هذه الألقاب... والله كم تمنيت لو كان محل اللقب ده حلة كل واحد فينا لكن نسوي شنو كمان مع المستعارات
ما قصدتك يازعيم فأنت شمسناً المضيئة وقامة بلادنا الشامخة ولا قصدت مونتاري فقد علمنا سبب التسمية
شكراً مونتاري الظريف

حازم كتب:سلامات قامة بلادي الرائعه وين انت ونحن منتظرين جيتك
وربنا يجيبك بالسلامه
وبعدين الحموريه الزايدي دي جاتك من وين ؟( نحن اصلنا خاتين في راسنا خضره اخوالك البعاد ديييييك)ياربي دي الغربه
لكن مايهم بقدر ماتهم كلماتك السامقه واشعارك الرائعه التي تجزرت في نفس (ونفس ) كل منصوري واصبحت عنوان وسلام جمهوري (زي ماقال اخونا الحاج شرف رد الله غربته )
أتصلت علي الاخ عيسي عند حضوره الخرطوم وقلت له أنا يادوب لميت في الاخ محمد بروي ولكن لسع مااتعارفنا عديل . بشرني خيرا وأنه سوف يقابلني ولكن ظروفي وظروفه اتفقتا علي التأجيل . تلك اراده المولي والقدم ليهو رافع
وربنا يرجينا جيتك ونحن وانت متدثر بثياب الصحه والعافيه
والسلام حازم