نصيحه عند دخولكم الفيس بوك

علي وزن بوست ابو مصطفي
وضعت حلتي علي النار واملي ان تكون مسبكه شديد تعجب ناس البيت فتحت الكمبيوتر وانا اتصفح الفيس بوك وفي غمرة ذلك ضرب جرس الباب طلعت افتح الباب واذا بي اشم رائحة حراق منبعثه من المطبخ قفلت البوتجاز ومشيت فتحت الباب وجدت ولدي اتي من الامتحان للفطور ومراجعة مادة الزراعيه معي وفي النهاية فطر ولكن لم اراجع معه اتي قبل قليل ولديه خمسة اخطأ كنت متذكره اركز معاه بعض النقاط ولكن اصبح ليس لدي زمن عشان كدا بنصحكم تظبطو منبهاتكم عندما تدخلو الفيس بوك والا الفشل سيلازمنا جميعا.

صدقتي يا عازه....ا

قايتو انا ايام الامتحانات اجتهد مع نفسي لابعد من الفيس وبعد ما ينتهو العيال من المذاكره ويخلدو الي النوم اجري اقوم كدي علي الفيس ويكون الوقت متاخرا واخاف ان يصحي احدهم ويلقاني جالسه في اللابتوب تقوم تحصل مشكله ..لا تنهي عن خلق و...لاني محرمه عليهم السهر امام الكمبيوتر.......قايتو يا عازه يا اختي الله يستر علينا من المصيبه الاسمها الفيس دي؟؟؟؟؟؟؟؟؟؟

نحن ماقادرين نتحكم في نفسنا يارب كيف هم ؟ والبلد كلها منتظراهم محتاجه للعقول التي تفكر بعمق وكذلك محتاجه للايدي المنتجه والعمل المتقن بالجد لم استغرب عندما كتب نور الهادي ان ارباح زين تفوق ارباح شركات التعدين باقيه علينا نحن السودانيين ضياع قروش وضياع زمن الاثنين مع بعض ونحن مامشكله اصلا لانو حققنا اهدافنا المشكله الجيل القادم شئ انترنت وشئ تلفزيون ورقي في الموبايلات اليوم كلو وليه مايضيعو زمنهم اذا كان 50 جنيه فقط تكلمك شهر كامل ومعاها نت كمان رخصه شديده في اغلي مانملك وهو الزمن ياريت لو فرضت الحكومه ضرائب باهظه علي المكالمات ودعمت بيها المدارس والمستشفيات

الفيس لما نستثمرو صاح في الوقت الصاح اكييد ما حيكون مضيعه للوقت