بسكـــــــــــــــــــــــــويت الشـــــــــــــــــــــــــــــــــاي

أين البسكويت الذي يعطي شاي المغرب نكهة وشاي الصباح حلاوة ؟

البسكويت موجود يا مصباح وعشان عندنا شيئ لازم خاصة الصباح نزلت هنا عشان الحريم ما ينسوه
مع ايقاع الحياة السريع زي ما انقرضت اختو الزلابية
مع انو متوفر في الافران والمحال جاهزا لكن يبقى حق البيت هو الاصل وله نكهته الخاصة
تشكر على المرور - تحياتي للعيال

شاي الصباح ياحلاتو ××× المابضوقو السودي جاتو

هكذا كان يتغني بعض أهلنا في المناصير وفعلا كان بعض الشباب يتحينون المناسبات مثل فراش البكاء عشان كل زول يجيب شايو من بيتو ولازم الناس تضوق شايو عشان كده الواحد يمكن يشرب أكثر من خمس كبابي لكنه شاي لبن وحليبه طبيعي لبن ضأن وفيه شوية حرجل أو محريب وأصله مابيضر وربما كان علاجا للهبوب كما يسمونها وغيره.

بالمناسبة كان البيجيب شايو أول طبعا هو الفائز وكان عبارة عن مسابقة عديل والبجيب شايو متأخر طبعا الناس يضحكوا فيه كثير ويقولوا زوجته خمله وربما لم يشرب أحد شايه عادات منصورية كانت تحث الناس على القيام مبكرا

أيوة يضحكوا فيه يا مصباح
يقولوا مرتو خملة
لو جاء شايو متأخر؟

اليومين ديل محتاجين للبوست دا

ايو ه يا سهام   الما بتسوي البسكويت مرا خملة -بس  وين  البتي فور 

خلاص رمضان ولى ونسال المولى ان يتقبل الصيام وصالح الاعمال   واقبل العيد  نتمنى ان يجد كل من احببنا  بخير وسعادة
وكل عام واهلنا بالف خير

شفتي يااميره كلمة مرتك خمله دي خلت اغلب رجال المناصير يعرسو علي ضوء بت فلان حشاشه دوعاله عرسي ياولدي طبعا يااميره شكلك مره ست بيت وصفه البسكويت تمام التمام الله يديك العافيه وكل سنه وانت طيبه

دوعاله

سهام قالت كدة

مالك خوفتني بت الخرطوم الشليقه دي نطقتا غلط والاشنو .مالك ياصديق رادارك لمن يلقط ماتورينا الغلط وين.اسع اميره تجي شايله عكازا تقول هرستو لي بسكويتي.لكن ياصديق اكتر حاجه كانت تعجبني في البلد هو شاي اللبن بتاع حبوبتي ياااااالله

لالالالا ماكي ساهلة تب يا سهام
بس عجبتني كلمة دوعالة
 يعني فلانة تدوعل الخرفان وكدا
أنا لما ألقى كلمة منصورية زي دي ؟ كأنك أهديت لى وجبة دسمة
......
ندخل في موضوع البسوكيت يا سهام قبل ما تجي أميرة زي ما قلتي تقول هرستوا لى بسكويتي.
أنت منصورية قلبك حار يا سهام وبخاف أنا على الناس الزي ديل يحبطوا في منتدانا ده! لأني شايفك بي هناك تكابسي في بوست ونسة للأعضاء الجدد وفي بوست التعريف برضو؟
يا حليل المناصير الزمان يا  سهام؟
 الخزان قسم الناس وصارت هنالك مآرب لا تخطر على بالك مهما قالوا ليك.
 بعض الناس بيجو يتسجلوا عشان يقروا بس ويزوغوا... يمصوا المكتوب ويزوغوا
وبعضهم يتسجل لمآرب أخرى لاتخطر على بالك.. أنا بحسي أعرفها كلها.. وأكاد أعرف كل زول
اتسجل عشان لو ما تسجلت في أقسام في المنتدى ده ما بتقدر تقراها..
يعني جايين يمصوا ما تكتبيه أنت فقط ويزغوا
لادايرين تعارف لاغيرو
في ناس معذورين يمكن في وظائف حساسة ما عايزين يظهروا عن أنفسهم. لكن عاجباهم حكاية المنتدى والكلام المنصوري؟ طبيعة عملهم تمنع التعارف
وفي ناس زي ما قلت ليك مادارين تعارف وجايين لمآرب قد لا تخطر على بالك..
وأنت زولة منصورية صميمة متعلمة قلبك حار موقدي نار وكدا
 عايزك تصبري معنا هنا . أنت بالذات مهما كانت الظروف؟
وعندك مثال على ذلك
من بناتنا هنا الصميمات في المنتدى
كتار هن.. وشخصيتهن قوية شديد. قد تكون أقوى من شخصية الرجل المنصوري
يعني يناطحن الحجر
ويناطقن الجن

لاحول ولاقوه الابالله دا كلام كبار كبار *لكن تصدق ياصديق انا هدفي الدخلت عشانو المنتدي هو رتق النسيج الاجتماعي*والنيه رامله سيدا *وكمان رفوف دكتور مصباح موجوده

لاحول ولاقوه الابالله دا كلام كبار كبار *لكن تصدق ياصديق انا هدفي الدخلت عشانو المنتدي هو رتق النسيج الاجتماعي*والنيه رامله سيدا *وكمان رفوف دكتور مصباح موجوده *وخلاص البسكويت اتهرس نرجا الراجينا من اميره *طبعا يااميره صاحبه الشليقه خبزت من اول يوم في رمضان عشان مايقولو عليها خمله واسع لازم تخبز تاني

نعم النية زاملة سيدا
وهدفك رتق النسيج الاجتماعي، دي أهداف سامية ربنا بيعينك عليها، والنبي صلى الله عليه وسلم قال: ( إنما الأعمال بالنيات، وإنما لكل امرئ ما نوى)