قضية المناصير .. حجوة أم ضبيبينة (2)

تذكير بمساهمة فاتح الموضوع :

اولا استاذن ابو الكراي لاستعارت العنوان
_قصة غربية جدا ..قصيرة جدا ..ما نختم به
اجتمع المتسابقون هذه المرة بحماس الكل يريد الفوز الكل يريد الجائزة الكل يريد ان يشترك الكل ذهب الي مضمار لا يعرف حوافه وحتي نهايته لكنه ذهب لانه يؤمن بالفكرة ,ومن اشترك اشترك بفهم وتفرج تفرج بفهم ايضا ,ليس من اشترك هو الفائز حتما وليس من تفرج هو الخاسر ايضا.
وعلي حافة الميدان اتلملمنا كم منصوري ومنصورية...قلنا نناقش لقضيتنا...قمنا مشينا هناك جلسنا ... محل الموت بالعين ينشاف يومي طعيم المر ينضاق ... لكننا ما اتزحزحنا ...اتاججنا واتلاججنا وزين كوركنا ...وفي الختام علي اسم شئ ما اتفقنا .

طيب يا حاجة نفرض كونتوا كل اللجان ما هي الخطوة التالية

_اولا سوف نرسل خطاب للوالي

السيد والي ولاية نهر النيل

اولا نهنئكم بزواج ابنك وبنتك اللذان كانت مناسبتهم مع مناسبة عظيمة وهي تحرير هجليل

مما يدل علي لانه كان فأل حسن لكل اهل السودان

نعلم انك قريبا سوف تكون جد وتتذوق حلاوة الاحفاد ولكن تذكر اننا لنا ابناء واحفاد يقاسون في الحر والسموم والكتاحة وعليه

نرجوا الالتزام بمدة تسليم البيوت في الثلالثة شهور المتفقع عليها

توقيع

الحاجة بخيتة

الخطاب الثاني لادارة السد

الاخوة في ادارة تنفيذ القدود اعني السدود

بناءا علي الاتفقات والتفاهمات مع الحكومة المركزية وولاية نهر النيل لقد فك الارتباط بيننا وبينكم

وعلية لا علاقة لكم البتة بكل ما يتعلق باعادة التوطين

حين يصلكم خطابنا هذا عليكم تسليم كل الملفات ورفع يدك تماما عن هذا الموضوع

والا سوف نتعامل معكم بكل حزم

توقيع

الحاجة بخيتة

ماشين في البلد انا معاي واحد من ناس اللجنة

انا اصلا دائما احب امشي مع الكبارات والناس الهاي هاي

المهم ماشين في الشارع في شافع جاري ويغني

*لجنتنا يا لجنتنا

لجنتنا اتناستنا وتركتنا

لجنتنا يمكن باعتنا

لجنتنا يمكن خلتنا

لجنتنا يمكن ما حاسة ان السموم حرقتنا

لجنتنا يمكن ما سمعت ان العقرب هلكتنا

لجنتنا يمكن اتفقت مع الحكومة لادبنا

*شعرت بصاحبي شعر بالحرج

قمت نهرت الشافع

الشافع علي طول تحول الي

رجال اسود ونمور ,,,وبنوت سماحة حور!!

قلت له كان احسن اللجنة!!

الحقيقة المرة التى يجب ان تصل للناس وكل المناصير ان اتباع الطائفة الترابية قد اضاعوا حقوق المناصير وهم يتسترون باسمى عاطفة دينية موجودة عند المناصير الكل ملام المشاركون فى هذه المهزلة او المسرحية التى انتجتها ادارة السدود والكمبارس من مديرى شركات الدفاع الشعبى واسكوفا وكل العقد الفريد من ابناء المناصير العاملين مع حكومة السجم والرماد تلك او الذين انعزلوا من المساهمة فى رفع الظلم عن اهلهم فتركوهم للذئاب البشرية المتمسحة بالدين فكانت نهاية قبيلة اثرت تاريخ السودان كثيرا وهذه عواقب الامور عندما يقود القوم الشواذ

عاد واختفي الحدوري

يبدو ان الحدوري سكن ريفي الناطوري

ويبدوا ان اللجنة ايضا سكنت ريفي الناطوري

اللجنة والناس والحدوري يحبون ان يلعبوا مع بعض دافوري

ما الناس يا اخي الحدوري متعودة تضرب علي راسها في الاخير يقولوا ليها (سوري)

اه والله يا الحدوري

في ناس اتعودت ان تعيش بموت الاخرين

وفي ناس تعودت ان تفكر بعقول الاخرين

وفي ناس تعودت ان تتسلق فوق كتوف المساكين

لكن بيني بينك الاخرين يستاهلوا

*ناس لا ترحم ولا تخلي رحمة الله تنزل!!

الكل ملام اخى عبدالواحد وقف المتعلمون منا يتفرجوا على هؤلاء العصبة وهم خائفون منهم وعلى دينهم وقد تذكرت مقولة لسيدنا على رضى الله عنة حنما اشتدت الفتنة الكبرى وطالبه ابنه محمد الحنفيه بالاعتزال فزجره وقال ويحك فما حجتى عند ربى فما حجة المتعلمون منا وقد صرف عليهم اهاليهم من عرق جبينهم لينفعوهم فصمت ابنائهم عندما حاكت باهاليهم الخطوب فتبا لابن عاق اكرمه والدية فخاف وجبن من ان يفقد مورد رزقه او يداهن فى حقوق اهله

ابتدا الفصل الثالث من الحجوة

والناس اتعودت علي تحميل المسئولية للغير

والفاشل في حياته من تربع وانتظر الغير والفاشل لا تنتظر منه شيئا

واللجنة اصبحت شماعة الفاشلين,يعلق عليها فشل الفاشلين

بعض الناس لو وجد احدا يؤدي الصلاة نيابة عنه لفعل

فصل****

والناس لم تستفد من دروس الماضي شيئا شأنها شأن جدنا علي بدري ,,قصة نحكيها

جدنا علي بدري رايته انا في هذه الحياه عمره تجاوز السبعين وحتي رحل من هذه الدنيا له غرفة وبرندة امامها من غير حوش

وبجوار بيته هذا كان له ذي ما تعرف بالمسطبة كان يضع فيها التمر حتي ينشف

مر عليه ذات مرة منصور ود كبجون

شكي له من الشفع بقوا يخربوا ويسرقوا تمره هذا ,وقال له لي داير دابي نجضت سوف اعلي الحوش للتمر

فرد عليه منصور

اذا عمرك دا كلو مانجضت عايز تنضج السنة الجاية ( خليك في نيايتك دي)

شتيلة اندلى بلاكشكيش اندلى اربط الحبل فى التيس اندلى هكذا صدح الاعرابى فى بادية المناصير عندما اغار علية البقارة فى الدولة المهدية بناية حتى تسرع الفتاة الصغيرة بالبحث عن من ينجد اباها من العربان مقطوعة مازالت متوارثة فى بادية المناصير وهى تذكر بالماضى الاليم للدولة المهدية هكذا يعيد التاريخ نفسة فى السودان وفى المناصير التى اخرجت هذا اللحن الجميل ان طائفة الترابيين تكرر التاريخ بمخرجات جديدة ولكنها بنفس الاسلوب اعتمرت الاسلام مخرجا لسرقة حقوق الناس وليس الله بظلاما للعبيد

شكرا الزعيم الحدوري

اصبحت اخاف منك انت والكليس لاني احتمال اصدقكم وارد

*حاجة بخيتة سمعت بالورشة

قالت لي تعال الورشة دي العملها منو

قلت لها ناس اللجنة

قالت ليه ,,استثمار ولا شنو؟

لا يا حاجة عشان القضية

ليه القضية بقت مثل العربات تتعطل

والله كلامك صحيح القضية اعطلت زمان صناعية كاملة ما تعالجها

قلت شنو تتكلم تحت تحت مالك

قلت ياحاجة الورشة يقدموا في افكار وحلول ومناقشة للمستقبل

يعني كلام

ايوة كلام

الكلام شبعانين فيه للكتفين خيلهم يقولوا لينا الكلام المفيد حقوقنا المن زمن الاعتصام قالوا جاهزة

والله حيرتونا

كلامك صاح يا حاجة والله حيرونا

ما نحنا قضيتنا صارت

تدخل في ورشة وتخرج من ورشة

ما الورشة اكبر بلشة

ناس عاملنها ونسة ساكت

وناس ليهم مصدر رزق ملية كرشة

ما نحنا اصبحنا ملطشة زي كورة

يشوتنا ود الطاهر يمررنا ود بشة

ما كلنا غرقي ببنادي

قالوا لنا اتمسكوا بالقشة

ماكنا مرتاحين عايشين

حياتنا سمنا علي قشطة

لكن فلان وفلان ديل باعوا القصة

يلا معاي نديهم هرشة

سايقننا لي وين مامعروف

مشوارنا طوييييييييييييييييييييل ودروبنا غبشة

ما نحنا في الاخرة نستاهل

وضعنا بنيانا فوق ارضا هشه

الناس بتوعظ في بعض

يا ليتها لنفسا اوعظت

ما حاجة بخيتة اتبهدلت واتبشتنت

واتحيرت

حاجة بخيتة خيرت

ما بين تموت با لانتظار

او تموت بين الجبال

او تموت بين التجار البي قضيتا تاجرت

حاجة بخيتة اتمحنت وغلبي الصبر

وكيف الصبر بدون امل ...امال عريض اتبددت

وكيف الصبر مع الفلس

ما سمعوا ابدا شمسك سخنت

حاجة بخيتة اتشهدت واستغفرت

خلت دنياكم وهاجرت

حاجة بخيتة ماتت بالانتظار

ماتت بالكجار

ماتت البوبار

لكنها لا نست ولا غفرت

دكتور عبد الواحد .....لماذا هذه النهايه المحزنه لحاجه بخيته؟؟؟
التفاؤل مطلوب لكي تعيد الحاجه بخيته شبابها وقوتها ؟.....ولماذا تتبشتن وتتبهدل اليس لديها اولاد غير البهدلوها؟؟
فالابن العاق لابد ان يكون له اخ بار....فالحاجه بخيته لم تتعب من شئ ولم يبهدلها شئ غير الكجار ...وانا اظنها في غرفه العنايه وتتنتظر الطبيب الماهر ..اين هو يا تري طال غيابه؟؟؟ولكن الي ان يحضر ستظل تحت عنايه هؤلاء الاطباء الذين لم يتركوها لحظه نهارا وليلا وفي كل الاوقات هم معها
تقبل مروري واحترامي

حاجة بخيتة يا كمين بشر ـ صحي النوم سلام ـ ما يغشاك شر

دكتورنا الراقي ـ عبد الواحد ..

حاجة بخيتة ـ مننا وفينا ـ حاجة بخيتة كلنا

واصل يا مبدع ـ حد السقيا والروي

الاخت ام وضاح مرورك فخر ودفع منوي لنا

لولا فسحة الامل لضاق العيش

لكن خليها حاجة بخيتة انا بدات افقد الامل ,,لان الحكومة مفلسة ليس لديها القدرة علي فعل شئ

عشان كدة قادر اتفهم الوضع الذي تعمل فيه اللجنة,,,ما نكتبه خلاف ذلك لايعدو يكون نوع من المزاح

الاخت ام وضاح مرورك فخر ودفع معنوي لنا

ولولا فسحة الامل لضاق العيش

لكن خليها حاجة بخيتة انا بدات افقد الامل ,,لان الحكومة مفلسة ليس لديها القدرة علي فعل شئ

عشان كدة قادر اتفهم الوضع الذي تعمل فيه اللجنة,,,ما نكتبه خلاف ذلك لايعدو يكون نوع من المزاح

الاخ ذو قلب بحجم قبيلة ود المناصير لك التحية حمدلله علي سلامة الرجوع

المنتدي اصبح لنا واحة نهرب بها من رتابة الشغل وندالة البنغالة

نلتقي فية بالطيبيين امثالك

كل ما اتمناه ان لايخرج كلامي عن الترفيه والمزاح وان كان بطريقة خشنة احيانا

لك الف تحية

ودعمى ما كنت ماشى كويس
شكلك كدا اشتقت للوليدات
شيل الصبر زى حاجه بخيته

حاجه بخيته خلفت العيال والخلف مامات.
حاجه بخيته صبر ممتدد
حاجة بخيته مدفع صد
حاجه بخيته امل وكفاح
حاجه بخيته غرس صالح
حاجه بخيت ربت صالح وطالح
حاجه بخيته ما مات
حاجه بخيته نامت
ماقبلها اهل الكهف كذالك
ستصحو حاجه بخيته بعد زوال الهالك
ما الظلم حتما هالك.

الاخ الثائر جبريل لك التحية

اذا وجد في الجيل الجديد شباب ثائر مثلك ممكن يلحقوا بنات حاجة بخيتة

اصلا هي الله يرحمها كان عندها ثلاثة بنات فقط

واحدة اتزوجوها و رحلوها الكحيلة

الثانية زوجها في الكابراب

والثالثة تزوجها ابن عمها لزم وسكنوا البحيرة

اتلملمنا من الخرطوم ,الكحيلة والمكابراب

مشينا البلد للعزاء في حاجة بخيتة

كل الناس اتلمت هناك الا ناس اللجنة

كتبنا لهم علي كرتونة مثل كتابة نقد

حضرنا ولم نجدكم

المهم وصلنا البلد وجدناها لسع ما دفنت

ناس الكحيلة والمكابراب قالوا لازم ناخذها وندفنها عندنا

قلنا ليه

قالوا انتو لسع ما عارفين راسكم من كرعيكم وما معروف تستقروا وين ومتين

واحد متطرف قال الحاجة حاجتنا انشاء الله نرميها في البحر

قلنا له ليه هي اسامة بن لادن

واحد كحيلي غيور

قال لازم ندفنها عندنا لاننا نحن اقرب ناس للاصل

واحد مكابرابي ثائر قال نحنا الاولي نحن اول اختيار ونحنا اكثر استقرار

قلت لهم عشان نحل هذه المشكلة لابد ان ناتي بدميتين ونعمل لهم كفن ونلخبط الجميع مع بعض

كل مجموعة تشيل بشكل عشوائي وتمشي تدفن

وتبقي ان ماتت حاجة بخيتة لم تمت وحدتنا

خطوة طريفة فى سبيل التوحد من اجل هدف واحد
ولكن هل حاجة بخيتة فجاة وجدت عندها سرطان
ولم يمهلها طويلا حتى ماتت

تقبل المرور

احترامي للحرامي

لم تعد السرقة عيب ولا من ضروب الاجرامي

صارت السرقة اعمال نبيلة كونو تسرق للقبيلة او بتسرق بانتظامي

زاد احترامي للحرامي

السرقة عندو دعنا نعيش

والحساب يوم القيامي

لا يسرق الا المغفل الما بينظر للامامي

من كدة كان احترامي

كونو تسرق الغلابا

او بتسرق التعابا

كدة ما بسموك حرامي

لما تقول داك الحرامي يبدأ فعل الانتقامي

لما تقبض بالحرامي

ح تكون انت الحرامي

منتدي المناصير بلدي والمصرييين

كان معي صديق وزميل دكتور مصري كنا جالسين في استراحة المستشفي

بجوارنا شباب سعوديين يتحدثوا عن الشعب المصري

قالوا والله كمية الشحاذين في مصر كبيرة جدا واحد قال اصلا الشعب المصري كلوا شحاذين

بعد قليل جاء مريض رجل كبير قمنا مشينا سويا انا والمصري لكنه كلام هؤلاء الشباب مزعلوا جدا

حين دخلنا الغرفة ورقد المريض لعمل موجات صوتية

قال الدكتور المصري مش حاجة تغيظ موجه الكلام لي

ولكن السعودي رد ايش هي

قال الدكتور الشباب السعوديين قالوا المصريين شحاذين

سكت السعودي ولم يرد يبدو انها صادفت هواه او انه يتفق مع الشباب فيما قالوا

بعد ما استلم التقرير حقه في يده

قال له والله انتو يالمصريين

تفلحون في الحكي بس!!!!

ثلاثة شهور الناس اعتصمت في الاخر ما لاقت مقصودة

والناس اتلمت تنفخ في قربة اتاريها القربة مقدودة

اتحولت القربة لجراب حوي دراهم معدودة

حتي هذه علي قلتها شالوها اصحاب الكرشة الممدودة

خموها ركبوبها عربات وبيوت ذات اعمدة مشدودة

كلما الناس طالبت بي حقها قالولا حقوقك موجودة

لكن يا السارق ليك يوم لكن يا الظالم والله معانا وقعتك سودة

اذا لم تخاف من الله للصفعة يدينا ممدودة

اخونا عباس يسألني هل الحاجة ماتت فجأة؟

الحاجة ما ماتت فجأة الحاجة ماتت بالهملي

الحاجة كانت منتظرة ,الحاجة للهواء منتظرة ,الحاجة في الشقي منظرة لامن روحا جات منسلي

الحدوري اقل اولادا عقوقا وقف بعيدا يلعب بلي

اما علي سارح في وادي براهو يصيح يمدح شيللي

اصحاب القصر العالي سلام ,اصحاب البنيان سلام ,اصحاب المقام السامي ما سمعوا بيك يتخيلي

لكن والله يا الحاجة ما قايلين بيناتنا وتنذلي

كنتي فوق ارضك عزيزة بي كيفك تطلعي وتندلي

ديل وزعوك غنيمة راجنك ترحلي تنحلي

كل يجمع لي نفسوا ما يهممو سفري محلي

برضو ام وضاح تسألني الحاجة ما لا ماتت فجأة؟

الحاجة ماتت فجأة الحاجة ماتت بالهملي والهملي تكتل الحملي

يا دكتور ... سلام

بس سؤال محيرني ...

الكوز ربطوهو في رقبة منو ؟

الاخ ود المناصير لك التحية

يعجبني فيك اختصارك للفكرة وتوصيل ما تريده بشكل مختصر

هاك دي:-

اتلمينا مو عشان نبكي حاجة بخيتة

اتلمينا عشان ما نبكي الناس الميتة وحايمة وطالع زيتة

نبكي الناس الراجية حقها ,وحقها راح في كيتة

نبكي الناس المنتظرة الناس,والناس مرووووقة تبني في بيتة

نبكي علي الناس الما هاميها تعب اهلها همها كلوا هيبة وظيتة

نبكي علي نفسنا لان نفسنا طلقت خيتة

كدة الناس حقها بيضيع وتقع في ليت وليتة

بعد اللقاء

مر بخاطري ذكري ما قبل سقوط الاندلس ,مجلس ابن زيدون وولاتة بنت المستكفي!!

ولينين لم يكن ذكي ولكنه كان يستخدم العقل اكثر من الازم!

بعد سنين من مرور العمر وصلت الي قناعة ان الشعب السوداني

يسمع باذنه

يري باذنه

ينام علي اذنه ,,,يتمسح باذنه

كيف؟

انظر الي الدعايات الاعلانية

المأكولات يروج لها بالغناء ,,,الاتصالات بالغناء,.,,,, الكريمات بالغناء,,,حتي غرف النوم و الاواني المنزلية بالغناء

يتنزه باذنه...

*زميلي عباس ماشاء الله مازلت شابا يبدو ان الزمن حين وطئ علي رؤوسنا تخطاك

صحيح طشينا يا عبد الاله

قالوا الخلا اصلو قديمو تاه

نحنا قديمنا تحت الموية راح

اما جديدنا عكشان للمياه

تسلم يارائع
لكن الشيب تملكنا كثيرا
فاين نحن من ذلك الزمن الجميل
الى زمن حاجة بخيته وساعة الدفن والعزاء

عزيري

اظنك تزعلين اذ وصفناك بنت هوي

وان قلت لما شهدتوا علي بذلك نقول ما كنتي تستترين حتي نشهد عليك نحن

اذا غطينا الراس منك انكشفت الارجل واذا غطينا الارجل انكشف الرأس لان اللباس قصير

كان من الفضل لباس التقوي لان كل الالبسة تتعرض لعوامل التعرية وتشف ما تحتها ان طال الزمن او قصر

عزيزتي:

كنا منتظرين ان تجعلي لنا كل قرية مدينة

وان تنتزعي لنا كرامتنا من ادارة السدود

وان توقفي صعاليك المدينة لا ان تتبعيهم

وفي الختام عزيزتي لي طلب شخصي

لقد عجزت عزيزتي من الراتب ان افعل شيئا ان ابني بيتا ,ان اركب سيارة ,ان اعيش مثل الناس

فهلا تفضلت لي بوظيفة عندك

حارس شخصي او حارس منظمة!!!

الايام دي اختلط علي الامر اقول ادخل منتدي المناصير بلدي اجد نفسي في الراكوبة!!
السؤال الغير برئ
ماهي مصلحة وسياسة منتدي المناصير بلدي في اتباع اسلوب الراكوبة ؟

حاجة بخيتة ماتت بالحسرة
كلما يجيئ يوم يقول ليها استني بكرة
اتاريهم ديل عاملين فكرة
وكل الفكرة منظمة جذورة عميقة مثل الشجرة
والناس منتظرين البقرة
والناس واقفة صفوف واحدين ماسكين في الناس الماسكين في قرون البقرة
اصحاب الفكرة حلبوا البقرة!!
البحيرة منظمة صغيرة فرضنا عليها تصلي جهرة
مالا الاخري تصلي في سره.....من الله السترة
خيل غيرو تجقلب شوف حماد كايس للشكرة
ما لاقين الناس دي اكثرا غافلة
لكن في الاخر يا اخويا
انا وانت طلعنا البقرة!!

(حدورى بعيد يلعب بلى)
دكتورنا الرائع عبدالواحد جبريل تحية طيبة لعل انقطاعى سببتة بعض الظروف واولها هم دولتنا ان تحد من انسياب المعلومة عن الناس وهو الدور الذى قامت بة فئة محدودة من ابناء المناصير حتى يتاجروا بحقوق اهلهم حدورى همه الاول ان يملك حاجة بخيتة من هوالذى الاسهم فى ضياع حقوقها تحياتى الى حدورى الصغير والاسرة الكريمة

شكرا الزعيم الحدوري علي المرور بعد انقطاع,,,,
علاقة حميمية تربط بين سمكة في البحيرة واخري في حلفا..
جيت ماري وجدت سمكتنا فاتحة الاسبيكر وتتحدث مع سمكة حلفا,,,وسرقت السمع..ما انا بتاع لمليم كلام,,
سمكة حلفا سكوتة وكلامها ماه كتير اظنها ساكتة علي فهم

..الاجواء عندكم كيف
-والله هادئة الناس تقول هجرت المنطقة
-المسميات الجديدة ما وصلتكم
-زي شنو
-لحس الكوع..شذاذ الافاق
-اييييييه والله عندنا شذاذ افاق بالكوم وشذاذ فهم وعديمي فهم وقصيري النظر واصحاب طرب!!
اما الكنداكة عندنا كنداكات ما عندهن حد
في كنداكة متناقضة مع نفسها وواحدة تغش في نفسها وكنداكة ما شاء الله عليها,,وفي كنداكة تخاف من العقرب وفي كنداكة تخاف من رايها
-اها يا اختي انت اخبارك شنو عاملة كيف مع ناس اللديرمية
-والله الواحدة زهجت وقررت تغترب
-الاغتراب شن فيو..والله انا اعرف واحد مغترب يصرف راتب اضعاف ما يصرفه علي عثمان وبيتو في الحاج يوسف ما قادر يكملو,,الراتب دا كلام فاضي
_طيب اعمل شنو
_اعملي منظمة
_المنظمة اجرائاتها وتصديقهاو...و
_لا اصلا ناس علي الكليس ديل عندهم منظمة جاهزة بس غلبهم يجدوا لها الدعم
-طيب انا بجيب الدعم من وين
_انتي امشي استلمي المنظمة وخلي الباقي علينا ..سوف نوريكي من اين يؤكل الكتف
وبعدها تقولي
اليوم ديك جوني ناس البلد هنوني شايقة وعرب
قالو لي مبروك خيرو جاك تلقي العمارات والدهب
يا دوب سعد السنين طلاق من بعد التعب !!!

حاجة بخيتة كيف تحلب ولو قطرة
اذا كان كل اولادا ماسكين في قرون البقرة
حاجة بخيتة ندمانة المابقت تقرأ
كان كل ما يجوا بي فكرةتجيب فكرة مضادة للفكرة
حاجة بخيتة اصلو ذكاها بالفطرة
لكن ديل يبعوا الحلبة في شطرة

عبد الواحد جبريل كتب:الايام دي اختلط علي الامر اقول ادخل منتدي المناصير بلدي اجد نفسي في الراكوبة!!
السؤال الغير برئ
ماهي مصلحة وسياسة منتدي المناصير بلدي في اتباع اسلوب الراكوبة ؟

سلامات دكتور

نقول : مسلم قالت جموعي و الباقي انت عارفو

[

نقول : مسلم قالت جموعي و الباقي انت عارفو[/quote]

سلامات شيخ حاتم
اختفيت فترة مما جعلي اشك انك عضو في اللجنة .
+نحنا الظالمين نفوسنا عشان عميانين بصائر

عبد الواحد جبريل كتب:[

نقول : مسلم قالت جموعي و الباقي انت عارفو

سلامات شيخ حاتم
اختفيت فترة مما جعلي اشك انك عضو في اللجنة .
+نحنا الظالمين نفوسنا عشان عميانين بصائر
[/quote]



ناس اللجنة احتمال خجلانين وماعندهم اليقولوا

لكن انا صمت عن الكتابة في منتدي القضية لان القضية بقت ما واضحة وتم بيعها

احسن الله عزاءك في الحاجة بخيتة

دى مش حجوة أم ضبيبينة.دى ضبانة حمير بس!!شغالة طططططططططططططططططططططنطنننننننننننطططططننننننننننننننطططننننننننننننطنننطططططططططططططططططن.

الله يصفى الضمائر .الله ينقى السرائر ..نغير ما بى نفوسنا وعلينا تهل البشائر .قول آمين يا على الحدورى.
بلد مجروح دمو ينزف غريق فى أحشاهو غائر..
منو القال البلد خيرة إتمحا البلد حوتا وناسا النضاف مسمحنها .النضاف ما الوسخانين الأكلو من قضية المناصير نحن حافظنهن اسم اسم ..والله لحدى أحفاد الأحفاد ما نخليهم ونلاحقهم بدعوات المساكين البريئين الطيبين..

البلد ما راضى الفراق وانت ما راضى غيرها مش
يا سلام سمحت بالغراق للجبال الامواج ترش
السمك راقد خربزيز التمر قنديلة وكرش
يا حلات العوم العصير نحن مافى حوجة لى دش

يا مآذن صوتكن علا سمعن للناس الطرش

الرجل المرهف الاحساس صاحب الصوت الندي علي الحمود سلام يا رائع مرورك بالخيمة شرف لها



-------لسع برضو الجاي جاي
------الساقية لسع مدورة

يا اخوانا مسؤ لين من الخير وين الدكتور عبد الواحد جبريل

وبالمرة ود الحمود وحاتم و ...

يا جماعه وين دكتور عبد الواحد عساه بخير

وما زلنا في انتظارك دكتور عبدالواحد
فحاجه بخيته زهجت وتعبت من عقوق ابنائها.....ما هو الحل
عاد الواحد يعمل شنو في جناهو ....الا يدعو الله يعدل حالو
تسلم دكتورنا وعساك بخير

نضم فى حلفا