قضية المناصير .. حجوة أم ضبيبينة (2)

تذكير بمساهمة فاتح الموضوع :

اولا استاذن ابو الكراي لاستعارت العنوان
_قصة غربية جدا ..قصيرة جدا ..ما نختم به
اجتمع المتسابقون هذه المرة بحماس الكل يريد الفوز الكل يريد الجائزة الكل يريد ان يشترك الكل ذهب الي مضمار لا يعرف حوافه وحتي نهايته لكنه ذهب لانه يؤمن بالفكرة ,ومن اشترك اشترك بفهم وتفرج تفرج بفهم ايضا ,ليس من اشترك هو الفائز حتما وليس من تفرج هو الخاسر ايضا.
وعلي حافة الميدان اتلملمنا كم منصوري ومنصورية...قلنا نناقش لقضيتنا...قمنا مشينا هناك جلسنا ... محل الموت بالعين ينشاف يومي طعيم المر ينضاق ... لكننا ما اتزحزحنا ...اتاججنا واتلاججنا وزين كوركنا ...وفي الختام علي اسم شئ ما اتفقنا .

حاجة بخيتة مساء الخير...

حاجة بخيتة شوية اصبري..

شيلي همي فوق هما عليك جربي يمكن تقدري

متل التقول ناقصانا موية مالماء كتيرة مطفري

الناس حفرت ثلاثة آبار امشي معاهم واحفري

يمكن يطلع بئر بترول ..والخير يجيك فوق عنقريبك تتحكري

تجيبي العمالة من بنغلاديش ..تتمشي فوقم تنهري

ليك يمتد حبل السعد وش العناء تمسحي

كل الظلمك زمان تدعي ليهو وتغفري

حاجة بخيتة كان كمل الصبر ..عليك الله شوييييييييييييييييييييييييييية اصبري

*الحراشين اشتغلوا,,,

حاجة بخيتة لا تغفري

حاجة بخيتة كيفن تغفري لي من يبيع في حقك ويشتري

خلي كل الناس في عذاب الساكن جوة الكجاج او حتي ساكن في شري

كان تغفري كل البجيك تستاهلي

كل السرق علي كل مليم تحاسبي

كل الضرب تجيبي هنا وتضربي كل الغرق في البحيرة تفطسي

حاجة بخيتة قالت وقلت ...........امين

قالت ..........وقلت امين
ٌقالت ....

دعاكي سرا لا تجهري

حاجة بخيتة كل الحصل لك

والله ما تستاهلي

والله ماتستاهلي......

من طرف **عباس محمد** الثلاثاء 03 أبريل 2012, 1:53 pm

صديقى عبدالواحد ماشاء الله
شعررمزى وحلمنتيشى رائع يذكرنى بالمستعرب الخلوى والمتجهجه الاممى
تقبل المرور ياصديق بخيمتك هذه

شكرا صديقي عباس علي مداولة زيارتنا

+الفكرة ليست نبش الماضي ولكن اعادة طرح الماضي باسلوب هزلي حتي يسهل سحب الناس لتجاوزه والتعامل معه بطرقة عادية

حاجة بخيتة ماها بخيتة

سألوه اضانك وينا ؟

قال ها دي ؟

عنوان البوست ح يبقى جد جد يادكتور

[quote="حاتم طه الافندي"]حاجة بخيتة ماها بخيتة

سألوه اضانك وينا ؟

قال ها دي ؟

عنوان البوست ح يبقى جد جد يادكتور

الله يكذب الشينة

بلا بخت من وين يجيها البخت!!!!![/quote]

صاحبنا المجنون من رجع من الدامر رجع صامت لا يحدث الا نفسه

شغال اوعك تقبض ولد السمكة عشان ما يجينا جفاف وتصحر

_البارح شاف حاجة بخيتة وجري عليها وقال لها

ضيعوك....ويييييه ضيعوك

وغرقوك . وشتتوك ...وبهدلوك وفي نص العقارب وضعوك

استغلوا الطيبة في قلبك وباسم........

خدعوك

الله يأخذ ليك حقوقك ويجازي الظلموك

_رد ليه الحاجة

قالت له

اه حرشوك

انت مابتعرف صليحك من عدوك

الله ياخذ ليك حقوقك ويجازي الحرشوك

قال لها:

نفس الجماعة الجماعة الحرشوني هم الجماعة الخدعوك ذي ما ضيعوني بضيعوك حاجة عووووووووووووووووك

قالت له

الزلط ...الكهرباء ...المشاريع الزراعية....الاجتماع في الدامر..بيوت الطوينة..

كل ديل ما عجبوك

قال لها يا حاجة انت عايزة تعيشي لي متين

ما قلت ليك يا حاجة عوووووووووووووووك

وييييييييييييييييييييييه الحلة خربت ,, الحلة خربها بنوها

الحلة خربت لان الناس فيها لا تنتمي للحلة تنتمي لاشخاص في الحلة اذا رحل فلان رحلت نصف الحلة خلفة والنصف الاخر ينتظر فلان

_خربت الحلة لان المعايير فيها مختلة والناس فيها تريدنا ان نعرض عقولنا للبيع ...ورفضننا

+العقرب تصبح حكاية مخيفة ومنذ ان ولدنا نحن والعقرب موجودين لا احد رحل الاخر

+حكاية الهروب من الاصل مدثرة بلباس اخر هو احد عوامل خراب الحلة

+الحلة خربت لان الناس فيها تحولوا الي عقارب كل يلدغ الاخر

+الحلة خربت لان الكل عاوز يطلع فوق كتف الاخر ليري ماذا خلف الجدار

+الحلة خربت لان خرابها ساااااااااااااااهل

حكى لي احدهم ان امام مسجدهم الذي كان حكم في كرة القدم وانا اعرفه
انه ذات مرة وهو في صلاة المغرب توقف عند اية وغلبه يتم الاية
فقام احد المصلين بتمامة الاية ولكن الامام اصر ما يواصل.
المصلي يقرا له الاية والامام ساكت
في النهاية الامام اتلفت علي المصلي وقال ليهو يااخي بتمها براي

لولا حاتم كان الخيمة عاقبتها وخيمة...

-الحلة خربت لان سكانها مثل الحسنوات يطربهن المديح ويفزعن من الزم والنقد

-والعقرب تصبح مثل يوم الفزع الاكبر الناس امهاو ابوها في البلد وتريد الهروب منها وكأن من عمره تقدم عليه ان يموت باي وسيله

-من زرع القمح في الفداء حصد ومن اعتصم في الدامر ينتظر الوعود!!

-والناس تحدثنا عن نفسها باعجاب وتقول لنا من الحديث ما لم تصدقه اذننا ولكن يمكن للاخرين يصدقوا

- الحلة سوف تخرب لان افرادها دائما ما يجربون المجرب.....

والساقية لسع مدورة

من طرف **ود المناصير** الإثنين 09 أبريل 2012, 2:44 am

التوقيع الأخير لود المناصير

الما بيعرف شيلك يملخك

رايك يا دكتور ؟

أمن بعد هذا الشيل الغلط شيل ؟

أم أن التعود علي مثل هذا الشيل يجعلنا ندمن المليخ ؟

وما هي تداعيات المليخ ؟؟

وليه .. نسكت .. نصمت .. نكسح .. نعقد واطة .. حتى نثير شفقة الغير ؟ ويتم بعد ذلك المليخ ؟؟

قالوا : كان يدينا من المسك تتملخ

السماء يتكئ وجلد النمل يسلخ

ود المناصير يسألنا ؟

ونحن نقول اننا اصبحنا مثل مريض العناية المركزة يحيط به الموت من كل جانب وما هو بميت

+ وهو في هذه الحالة غير مهم بالنسبة له ان تعتني به السستر او عامل النظافة

+وخطت اذابتنا داخل الحكومة اتت بمفعولها وبعضنا اصبح الناطق الرسمي باسم حكومة نهر النيل وبعضنا اصبح.....للحكومة وبضعنا كان ومازال ....للحكومة

_والخطة هذه هدفها ان نضيع حقنا بانفسنا فاذا غضبنا غضبنا علي انفسها وان اعتصمنا لا شئ نحصد غيرنا يزرع ويحصد ونحن نضيع زمن بذلك...

+والعقرب والحاجة بخيتة يعرفن بعضهن منذ زمن بعيد والحاجة بخيتة لدغت الف مرة ومازالت حية!!

حاجة بخيتة لم تكن مصفحة

نرجع لود المناصير

نسكت لاننا لم نتعلم الكلام بعد

_نصمت لاننا نجيد السماع للاخرين

-نكسح لان في عمودنا الفقري عوج

-نقعد واطة لاننا ولدنا فوق قمم الجبال والان نريد العيش بين الحفر

-نثير الشفقة لان جسمنا النحيل يوهم الاخرين

-يحدث المليخ لاننا نريد ان نسلخ جلد النمل!!؟؟؟

.كلام

ليست المشكلة في الخطأ الذي ترتكبه ولو كان جسيما
ولكن الخطأ كله أن يتكرر ولو كان صغيرا .

السااااااااااااااااااااااااااااااااااااااااااااقية

حلتنا لسع مخربا

والساقية لسع مدورة

صوت القواديس والمياه......طلعت مشت متحدرة......

مد البصر

حول الجداول اسورة

نعسان خبارك جيتنا كيف...

رغم الغصون متكسرة......

مد الخااااااااااااااااااااااال

رقصت مدن

غنت مدن

عاشت مدن (ام حراز وام سرح)

نامت مدن

عاشت ليالي مخدرة

(نحن مثلها ايضا(

*عشان كدة يا حاتم الساقية لسع مدورة

يحكى أن غابة بها حمار وأسد وثعلب

الأسد - كالعادة - ملك الغابة وكان جائعاً

وكان معه الثعلب الذي لا يفارقه في
حله وترحاله وكأنه رئيس وزرائه.

قال الأسد : يا ثعلب احضر لي طعاماً وإلا اضطررت لأكلك!!

قال الثعلب: تأكلني لا لا ، الحمار موجود سأحضره لك حتى تأكله.

قال الأسد : لا تتأخر عليا

ذهب الثعلب في زيارة مكوكية إلى الحمار

قال له: انتبه إن الأسد يبحث عن ملك للغابة فاذهب معي حتى تتقرب منه

قال الحمار: هل أنت متأكد يا ثعلب؟

قال الثعلب: نعم

'وأخذ الحمار يفكر بالمنصب الذي ينتظره فرحاً بفرصة عمره

وأخذ يبني شكل وهيئة مملكته وحاشيته من الأحلام الوردية التي حلقت به في فضاء آخر

طبعا وصل الحمار عند الأسد وقبل أن يتكلم قام الأسد وضربه على رأسه فقطع آذانه،

ففر الحمار على الفور.

وهكذا فشلت خطة الأولى....

قال الأسد: يا ثعلب احضر لي 'الحمار' وإلا أكلتك ؟

قال الثعلب : سأحضره لك ولكن أرجو أن تقضي عليه بسرعة.

قال الأسد : أنا بانتظارك.

راح الثعلب للحمار مره ثانيه وقال له:

صحيح انت حمار ولا تفهم، كيف تترك مجلس
ملك الغابة وتضيع على نفسك هذا المنصب،

ألا تريد أن تصبح ملكاً؟

قال الحمار : العب غيرها يا ثعلب تضحك على وتقول أنه يريد أن ينصبني ملكا، وهو في الواقع يريد ياكلني .

قال الثعلب : يا حمار، هذا غير صحيح هو حقاً يريد أن ينصبك ملكاً ولكن تمهل ولا تستعجل!!.

قال الحمار : إذن بماذا تفسر ضربته على رأسي، حتى طارت أذناي؟

قال الثعلب : أنت غشيم يا حمار، كيف ستتوج وكيف سيركب التاج على رأسك، كان يجب أن تطير أذناك حتى يركب التاج على رأسك يا حمار!!

قال الحمار : هه صدقت يا ثعلب، سأذهب معك إلى الأسد الطيب الذي يبحث عن السلام!!

رجع الحمار برفقة الثعلب إلى عرين الأسد مره ثانيه.

قال الحمار : يا أسد أنا آسف ، فلقد أسأت الظن بك

قام الأسد من مكانه واقترب من الحمار ثم ضربه مرة ثانيه على مؤخرته فقطع ذيل الحمار،

ففر الحمار مرة أخرى.

قال الثعلب : أتعبتني يا أسد!!!

قال الأسد متذمراً' :احضر لي الحمار وإلا أكلتك!!

قال الثعلب: حاضر يا ملك الغابة.

وهكذا تكون قد فشلت الخطة الثانية

رجع الثعلب للحمار وقال : ما مشكلتك يا حمار ؟

قال الحمار: أنت كذاب وتضحك علي ، فقدت آذاني ثم فقدت ذيلي، وأنت لا زلت تقول يريد أن ينصبني ملكا، أنت نصاب يا ثعلب!!.

قال الثعلب : يا حمار شغل عقلك، قل لي بالله عليك كيف تجلس على كرسي الملك 'العرش' وذيلك من تحتك ؟

قال الحمار : لم أفكر في هذه ولم تخطر على بالي..!!

قال الثعلب : لهذا ارتأى الأسد ضرورة قطعه.

قال الحمار : أنت صادق يا ثعلب، أرجوك خذني عنده لأعتذر منه وحتى نرتب الأمور

أخذ الثعلب الحمار معه إلى الأسد مرة ثالثة.

قال الحمار: أنا آسف يا أسد، ومستعد لكل الذي تطلبه مني.

قام الأسد وافترس الحمار من رقبته والحمار يصيح

'أين أضع التاج..أين أضع
التاج..أين أضع التاج'

وعند ذلك لفظ الحمار أنفاسه الأخيرة.

قال الأسد : يا ثعلب خذ اسلخ الحمار وأعطني المخ والرئة والكلى والكبد.

أكل الثعلب المخ ورجع ومعه الرئة والكلى والكبد .

قال الأسد : يا ثعلب أين المخ؟

قال الثعلب : يا ملك الغابة لم أجد له مخاً!!

قال الأسد : كيف ذلك ؟

قال الثعلب : لو كان للحمار مخ لم يرجع لك بعد قطع أذنيه وذيله .

قال الأسد : صدقت يا ثعلب فأنت خير صديق .

وهكذا نجحت خطة الثالثة.

يا حاتم الحق حاجة بخيتة++

حاجة بخيتة بكت وبكت وبكت حتي اتنخجت

حاجة بكت وقشت دموعها ومخاطها علي ثوبها

حاجة بخيتة بكت علي هجليج

بالرغم من انها زعلانة من الجماعة السرقوا البلد وضيعوا البلد غرقوا البلد حرقوا هجليج

لكنها لا ترضي الحقارة اشد ما احزنها وابكاها منظر ابنائها الذين عرضوا اسري في قناة الجزيرة وايديهم علي رؤوسهم

حاجة كانت تتمني ان تموت قبل ان تري هذا اليوم الذي يهين فيه العب سيدو

_حاجة بخيتة لا تخاف من العقرب

حاجة بخيتة تخاف ان يضيع وطن باكمله

من طرف **عباس محمد** الإثنين 16 أبريل 2012, 4:45 pm

صديقى عبدالواحد اكن لك الاحترام وارفع عن نفسى
حاجب الدهشة بدخول خيمتكم التى يمتد دعاشها باسلوبها الهزلى الذى يريح البال
الاخ حاتم الافندى انشاءالله الحمار دا مايبقى ينطبق على ناسنا الهناك فى المحلى
حيث انهم وقعوا ثلاثة اتفاقيات حتى الان مع الحكومة التى تمثل الاسد فى هذه الحاله ان صح التعبير
تقبلوا مرورى مرة اخرى

زادك الله تواضعا صديقي عباس....

والناس كلها لا تقدم علي خطوة حتي تعرف اين موطئ قدمها ومصلحتها الشخصية فيها

حاجة بخيتة ليس لديها قدمين حتي تبحث عن موطئ لها

-والمركب بدات تغرف والتيار جارف وبعض الناس تعرف كيف تعوم مع التيار

-الحاجة بخيتة غرقت في الماء الراكض

-وبعض الناس تسير علي غير هدي حتي قالوا اطعنا سادتنا وكبرائنا والنتيجة معروفة وحتمية

-حاجة بخيتة تعرف من الاتجاهات القبلة فقط ورب الكعبة وتملك سلاح الدعاء فأحذروه

-حاجة بخيتة قالت من يخشي العقرب عليه ان يختار خيار غير المحلي ويصمت عنا ولا يتحدث عن قضيتنا قبل ان يحل مشكلته مع العقرب

-حاجة بخيتة صابرة وليست ساذجة تعرف كيف تفرق بين من يعمل لمصلحته ومن يعمل لمصلحت القضية

_حاجة بخيتة تنظر وتنتظر.....

والساقية لسع مدورة......

من طرف **عباس محمد** الثلاثاء 17 أبريل 2012, 6:14 pm

حاجة بخيتة بت احمد بصبرها وثباتها على ترابها الغالى
وبما تملك من جراة تعينها على نوائب الزمان سيأتيها الخير الذى تتطلع له
ولو بعد حين طالما ان لها رب قدير تلجأ اليه بسلاح الدعاء

حاجة بخيتة بجيك راجع******

*واحد من المجاهدين واصيب بطلقة في الراس وفقد بعدها الذاكرة

فشلت كل العلاجات والعمليات من ارجاع الذاكرة له

الاسبوع الماضي فجاة رجعت له الذاكرة

سمع الاستنفار ,, قال وصلنا الميل كم من نمولي

قيل له قول هجليج,,,,قال هجليج شنو,,, الدنيا صار فيها شنو

جوبا سقططت

لا انفصل الجنوب

بالقوة ,,,لا بالعافية كدة

وقرنق ,,,قرنق جاء الخرطوم هنا في الساحة الخضراء

الله اكبر جابوا حي

لا جاء بمحض ارادته,,,,,هسع وين ,,,مات

مات كيف ,,,سقطت طائرته,,,, الله اكبر اسقطوها

لا مثل طائرة الزبير وطائرة ابراهيم شمس الدين وطائرة... نسال الله لهم حسن الخاتمة ونسال الله له سوء الحساب

الشيخ كان رايوا شنو

الشيخ منو,,,, شيخ المنشية

الشيخ رأيوا حلايب مصرية وهجليج وابيي جنوبتان

الشيخ ده جني

لا انت الكنت في غيبوبة!!!!!!!!!

[quote]احد من المجاهدين واصيب بطلقة في الراس وفقد بعدها الذاكرة

فشلت كل العلاجات والعمليات من ارجاع الذاكرة له

الاسبوع الماضي فجاة رجعت له الذاكرة

سمع الاستنفار ,, قال وصلنا الميل كم من نمولي

قيل له قول هجليج,,,,قال هجليج شنو,,, الدنيا صار فيها شنو

جوبا سقططت

لا انفصل الجنوب

بالقوة ,,,لا بالعافية كدة

وقرنق ,,,قرنق جاء الخرطوم هنا في الساحة الخضراء

الله اكبر جابوا حي

لا جاء بمحض ارادته,,,,,هسع وين ,,,مات

مات كيف ,,,سقطت طائرته,,,, الله اكبر اسقطوها

لا مثل طائرة الزبير وطائرة ابراهيم شمس الدين وطائرة... نسال الله لهم حسن الخاتمة ونسال الله له سوء الحساب

الشيخ كان رايوا شنو

الشيخ منو,,,, شيخ المنشية

الشيخ رأيوا حلايب مصرية وهجليج وابيي جنوبتان

الشيخ ده جني

لا انت الكنت في غيبوبة!!!!!!!!!

دى بالغتا فيها عديل كدا
بس بعدا نكتب ليك مسافر ليه
البركه فى المنتدى الخلانا نشوف ابداعك

حاجة بخيتة عندها راي .....فاسمعوه

؟؟؟ظ؟؟؟؟؟؟

دخل طفل صغير لمحل الحلاقة

فهمس الحلاق للزبون :هذا أغبى طفل في العالم ...انتظر وأنا أثبت لك

وضع الحلاق جنية فى يد و25 قرشاً فى اليد الأخرى

نادى الولد وعرض عليه المبلغين أخذ الولد ال25 قرشاً ومشى

قال الحلاق: ألم أقل لك هذا الولد لا يتعلم أبدا...

وفي كل مرة يكرر نفس الامر

عندما خرج الزبون من المحل قابل الولد خارجاً من محل الحلوى

فدفعته الحيرة أن يسأل الولد، تقدم منه وسأله لماذا تأخذ ال25 قرشاً
كل مرة ولا تأخذ الجنيه ؟؟؟

قال الولد: لأنه فى اليوم الذي سآخذ فيه الجنيه سوف تنتهي اللعبة!!!!

سلام حاتم يا رايق

حاجة بخيتة قالت لك بعض ابنائنا يظنون فينا مثل ظن الحلاق في الطفل

ونحن نراهم بعقل ذلك الطفل!

_حاجة بخيتة قالت يدسترها الراجل الحداث مو سواي

-قالت يلبشها الراجل البسمع كلام النسوان و يجري فيه

-قالت يجننا الراجل الماعندوا راي كل يوم يجييك بي راي

-قالت مطمم عليها الراجل الخارج البتبطح في الضللة ومابيعمل

*قالت مكشنة المرة المسترجلة

*قالت بري من المرة البتهمل اولادها وتتبع الفارغة

*قالت اه من المرة البتدعي الحنكشة وماها اهل لها

وقالت

سمح الخمج الفوق اصحابوا

وسمح العز المن اجدادوا

*قالت الوالي مسخ علي الفرحة بهجليج الناس في شنو و والينا في شنو

حاجة بخيتة قالت لي اين وضعت نفسك تجدها

فاقعد في مكان واحد او اختفي,,,

حاجة بخيتة قالت انت الرشيد ده يختفي وين فجأ يظهر!!!

من طرف **الرشيد طه** الأحد 29 أبريل 2012, 1:06 pm

عبد الواحد جبريل كتب:

حاجة بخيتة قالت انت الرشيد ده يختفي وين فجأ يظهر!!!

د . عبد الواحد تحياتي لك وللحاجة بخيتة وقول ليها ياني وليدك العارفاهو

شكرا الرجل النشيط الرشيد ..شايفك حتي الراكوبة احيانا تاخذ فيها جلسة ...لك التحية...

_حاجة بخيتة تجحي احفادها

قالت الوليد داير الحليب ...والحليب عند البقر

والبقر داير العلف ,,,و....

-حاجة بخيتة شالت قفتها واندلت

في الضل مجموعة من الشباب علا صوتهم

القضية وما القضية

ياولاد القضية دي مني

قضية المناصير

قضيتم مع منو

مع الحكومة

يا حاجة باختصار قضيتنا هي حقوقنا

حقوقكم عند منو

عند الحكومة

اصلا المشكلة الصنعها منو

صنعتعها الحكومة

الان المشكلة دي الحا يحلها منو

تحلها الحكومة

طيب المشكلة وين

المشكلة عايزين حقوقنا حقوقكم دي شني

البيوت ..المشاريع ...الزلط ..الكهرباء..و...

دي الحايعملها منو

الحكومة

وانتو دوركم شنو

دورنا بعد تخلص الحكومة

اذا الحكومة ماعملت لكم

نشكيها للحكومة

سوف تنتظروا لي متين

حتي تفضي لينا الحكومة

حاجة بخيتة تركتهم وتردد

حظ الحكومة ....حظ الحكومة

من طرف **عباس محمد** الخميس 03 مايو 2012, 1:47 pm

شكرا صديقى عبدالواحد
يعنى حاجة بخيته قعدت وفكرت وحللت
على انها سوف تكون فى انتظار ممل من اجل حقوقها
وفى النهاية سوف تجنى السراب
ويكون فى فى بخت الحكومة
ولا نملك الا ان نقول للحكومة
فيعلم الذين ظلموا اى منقلب ينقلبون

فتعويضنا سنجده من داخل ارضنا
تقبل المرور بهذه الخيمة مرة اخرى

لا يا اخي عباس حاجة بخيتة مستغربة في اولادها المربعين يدينهم

ومنتظرين الحكومة والحكومة عشان كدة ماخدة راحتها

عشان كدة حظ الحكومة ,من طيابت هولاء

اه يا حاجة بخيتة

وشنكوكة قرية كانت امنة مطمئنة تذهب الي رزقها كل صباح وتعود في المساء حامدة شاكرة مقتنعة

وفار التنور في ذلك اليوم واصبحت تحت الماء

وصاح سادية اسامة اركبوا معنا

ركب البعض وقيل لمن لم يركب انت عمل غير صالح

وقال ساوي الي الجبل ليعصمي من الماء

قالوا لا عاصم اليوم من الماء

وطلع الناس الجبل ووضعوا انفسهم في جبل ليس ذي زرع ,ولا يوجد فيه شئ يدعوا الي الامل او التفاؤل او الحياة

ثم مرعلي الناس سنين جرداء فيها يغاث الناس وفيها يعصرون

ثم من بعد ذلك عرف الناس كيف يعيشون وانعم الله عليهم حين يرجع الماء من بصلها وطماطمها وعجورها وسمكها

ولكن الناس تنتظر حجوة ام ضبيبينة التي تجاوزها الناس كثير

ولكنها اصبحت عملا و رزقا للاخرين!!!

والناس تختلف علي لا شئ

الناس اتفقت علي لا شئ

الناس تحدثت في لاشئ

والناس صمتت من غير تفكير

الناس منتظرة شنو ....منو لا تعرف... لكنها منتظرة

يا حاجة بخيتة انت والله طيبة والناس المعاك .................................

من طرف **عباس محمد** الأحد 13 مايو 2012, 4:36 pm

سرد رائع حتى اننى تخيلت
انك جلست مع حاجة بخيته فى كل مراحلها
وليس بعيدا عنها فى دول المهجر
تقبل المرور بالخيمة

تحية لك اخي عباس

الايام دي عندي جلسات مع حاجة بخيتة

لقيت حاجة بخيتة قاعدة براها في ضل الضحي متمحني فوق سريرها

سلام عليك حاجة بخيتة مالك متمحنة كدي

اسوي شنو لا عندي غنم امشي احشلن ولا عندي زرع امشي ازرعوا مع الكرنكي ده والوحل مابقدر امشي

بقالك اسوي شنو متربعة وقاعدة ومنتظرة الهواء تراهم مسكونا الوهم والهواء وتركونا في السموم دي وقعدوا في المكيفات

_كدي اللقعد اتونس معاكي

لاتقعد كلامك المطلق داك والملولو لا مافهموا

-يا حاجة كلامي واضح لكن يصعب علي من يستعمل عقلوا اكثر من الازم

*كنا زمان صغار اتلمينا نحنا ولاد شنكوكة واشتركنا كورة

وكنا نمنع من اللعب في الصباح او العصرية بحجة دا زمن الشغل

بقينا نلعب بعد الفطور في السمش الحارة ديك

مة علينا مرة عمنا عبد الرحيم ود الجدي

قال يا جماعة انت ولاد شنكوكة الكدة دي جديدة عليهم ولاشنو!؟

فعلا كانت جديدة علينا

*قصتك جبتها لي شنو

*ياحاجة الايام دي انطلقوا الولاد والبنوت في الانترنت يبدو انو الانترنت ده مثل كورة ولاد شنكوكة!!!!

صباح الخير يا حاجة

صبحك الله بي رضاه

تعال هنا ماشي وين من الصباح

ماشي كدي علي منتدي المناصير بلدي

تعال وريني المنتدي ده شنو

ضلك سمح كدي زحي رجلينك اللجلس جنبك

*عارفة يا حاجة لما كنا صغار ,اظنك تذكري داك الزمن لما كانت المريسة حلال او لم يسمعوا بحرمتها

كان الرجال يجتمعوا من الحلة والحلال المجاورة كل مرة في احد الدواوين

حينما يهدأ الليل تسمع كل من بداخل الديوان يتحدثون في لحظة واحدة بصوت مرتفع لا احد يسمع الي الاخر

واظن مع هذه السكرة كل واحد يعتقد انه هو المهم وهو من المفترض ان يسمع له الباقين

_مرات تسمع صفقة وغني ومرات تنقلب الي شكلة ..وومرات تسمع صوت العكاكيز احيانا

*لسع ما قلت لي المنتدي ده شنو

المنتدي هو احد دواوين شنكوكة بالليل سابقا!!

سلامات دكتور

بس حكاية المنتدى ودواوين شنكوكة صعبتها شوية واحتمال تجيب كلام تاني !!

لكن سألت مجموعة من الشباب الذين يمموا للفيس وعزفوا ولم يشاركوا في المنتدي كان رايهم قريب من رايك

شكرا شيخنا حاتم علي المرور

*من المفترض ان يلتفت الناس ويقفوا وقفة تصحيحية

*انا كالاصلع لا اخاف من القوب!!!

1. ياحاجة بخيتة

ليت لى ازميل فدياس وروحا عبقرية

وامامى تل مرمر

لا نحت الفتنه الهوجاء فى نفس مقاييسك

تمثالا مكبر

وجعلت الشعر كالشلال بعض يلزم الكتفا

وبعض يتبعثر

وعلى الاهداب ليلا لا يفسر

وعلى الخدين نوراّ يتكسر

وعلى الاسنان سكر

وفماّ كالاسد الجوعان زمجر

يرسل الهمس به لحناّ معطر

وينادى شفه عطشى واخرى تتحسر

وعلى الصدر نوافير جحيم تتفجر

وحزاماّ فى مضيق، كل ماقلت قصير هو،

كان الخصر اصغر

ياحاجة بخيتة

ليت لى ازميل فدياس وروحاّ عبقرية

كنت ابدعتك ياربه حسنى بيدى

ياحاجة بخيتة

ليتنى فى قمه الاولمب جالس

وحوالى العرائيس

وانا فى زروة الالهام بين الملهمات

احتسى خمره باخوس النقية

فاذا ماسرت النشوة فى

اتدعى .. وانادى ..

يابنات

نقروا القيثار فى رفق وهاتو الاغنيات

لحاجة بخيتة

ياحاجة بخيتة

مالعشرينين باتت فى سعير تتقلب

ترتدى ثوب عزوف وهى فى الخفيه ترغب

وبصدرينا بروميثيوس فى الصخرة مشدوداّ يعذب

فبجسم الف نار وبجسم الف عقرب

انت ياهيلين

يامن عبرت تلقاءها بحر عروقى الف مركب

ياعيونا كالينابيع صفاء ونداوه

وشفاها كالعناقيد امتلاء وحلاوه

وخدوداّ مثل احلامى ضياء وجمالا

وقوما يتثنى كبرياء واختيالا

ودما ضجت به كل الشرايين اشتهاء ياصبيه

تصطلى منه صباحا ومساء غجريه

ياحاجة بخيتة

انا من افريقيا صحرائها الكبرى وخط الاستواء

شحنتنى بالحرارات الشموس

وشوتنى كالقرابين على نار المجوس

لفحتنى فانا منها كعود الابنوس

وانا منجم سريع الاشتعال

يتلظى كلما اشتم على بعد تعالى

ياحاجة بخيتة

انا من افريقيا جوعان كالطفل الصغير

وانا اهفو الى تفاحه حمراء من يرقبها يصبح مذنب

فهلنى ودى الا لهه الحمقاء تغضب

وانبئيها انا لم تحترم رغبه نفس بشريه

اى فردوس بغير الحب كالصحراء مجدب

ياحاجة بخيتة

وغدا تنفخ فى اشرعتى انفاس فرقة

وانا ازداد نايا مثل يوليس وفى الاعماق حرقه

ربما لانلتقى ثانيا

يــااا يـــاااا حاجة

فتعالى وقعى اسمك بالنار هنا فى شفتى

وو داعاً ياحاجة

أن تكون على حق ،
لا يستوجب أن يكون صوتك مرتفعا ..
مثل الياباني

مساء الخير ياحاجة

تعال هنا يا المطيميس غبت مشيت وين

قاعد يا حاجة الا كلامي بقي يزعل

كلامك العايز يزعل محل ماه واقف وينظرلي كلامك ,,والحرامي فوق راسوا ريشة

كدي النسمعك الكلام دا

كلام عديل ولا كلامك الملولو

كلام عديل,,,نحنا ساقيتنا دي مدور لي متين مامعروفة

تحت الهجير .. تحت الظلام .. تحت المطر
الساقيه لازم تستمر
الساقيه لسه مدوره
واحمد وراء التيران يخب
اسيان يفكر منغلب
مابين بكاء الساقيه
مابين طفوله بتنتحب
فى الى ماشين المدارس
فى المصاريف فى الكتب
فى الى ضاق عنوا المكان
وهسه سافر واغترب
لمدن بعيده تنوم وتصحى
على مخدات الطرب
والساقيه طاحونه الانين
طول الليالى بتنتحب
تحت الظلام .. تحت المطر .. عز الشتاء
الساقيه ثانيه تقيف تكون
امال عريضه مشتته
واكباد صغيره مفتته
تحت الظلام عز الشتاء
احمد حكى
وسد الراس الضراع والشوف
نواحى النيل تكا
وصانى ابوى
الموج بيهدم كل رخوى
شد الضراع
زى المراكبى مع الشراع
لازم تعرفو الظلم جاى
من وين عليك وافتح عينيك
على زهور الغابه والادغال
على الاطفال
وعشان يكون الحق ليك
تعبر بحور تهدم جبال
الحق هو النضال
والحق فى ساحة مجزره
والنصر للفاس والرجال
ولى سواقى مدوره

صبا ح الخير يا حاجة بخيتة

مالك اليومين ديل كترت الطلة

ياحاجة العيال سافروا السودان عشان كدة فاضي ليك للونسة

ها يا حاجة الخبر شنو ,واللجنة وصلت وين

اللجنة دي شني هم منو

اللجنة مثل الصلطة ,الناس تتعامل معاها جملة من غير ما تفكر في محتواها

الصلطة مثلا ممكن تكون متكونة من عجور وطماطم وبصل وحزر وشطة ,,ووو

ممكن تكون متكونة من بصل وطماطم وبرضوا تسميصلطةة

طيب علي الكليس ده موقعوا وين في الصلطة

علي الكليس مثل الشطة افيد شئ للذين (ليس في بطونهم مرض) والشطة مفيدة جدا لعضلات القلب ولكن ولكن لا يستحملها اصاب القرحة

المشلكة الان التي نعاني منها ان صحن الصلطة مكوناته ثابتة!!!!

اوصلت اولادي الخميس الماضي الي المطار

قالوا لي طيب لما نوصل السودان بيتنا وين

انتو قايلين ابوكم دا هين ابوكم مدين الحكومة بيت وحواشة

طيب بيتنا مكانو وين

مكانو في الطوينة ,اصلا ابوكم عامل فيها شاطر اول ما اعلن اسامة عبدالله انه تبرع ب 300 بيت قمت حجزت واحد قلت اضمن لي اسامة لانه عندو القروش

المفتاح نلقاهو وين

عند اللجنة

اللجنة ديل منو

دي الماعندي ليها اجابة

ما الفرق بين الصلصه،والشطه؟طبعا المسحون منها

كان للخيمة عظيم الشرف بمرور الشاب المتقد حماس جبريل

اما الفرق بين الصلصلة و الشطة

اما الصلصلة قليلة الفائدة والشطة المسحونة مضرة

حاجه بخيته تفتح زراعيها لاحفادها وابنائها وهي ملجا لمن لا ملجا له وسكن لمن لا سكن له.... فكل من تطأقدمه الطوينه ستقوم الحاجه بخيته بحضنه وضمه الي ابنائها
انشاء الله يجدوا اقامه طيبه بين الاهل والاحباب.....
واصل دكتورنا ..اصبحت الخيمه هي فاكهه المنتدي

تشكر ام وضاح

حاجة بخيتة هي البيت الكبير ,القلب الكبير

كان الليلة كان باكر سوف يعود للحاجة حقها وحظها

حاجة بخيتة تحب الناس تحب البعيد الجنبها

كل الحصل ده ما منها وما بيدها

لكنها تعرف كيف ومتين ترجع حقها

حاجة بخيتة

حظها

من طرف **حازم** الأربعاء 06 يونيو 2012, 4:46 pm

رائع يادكتور تسلم البطن الجابتك

من طرف **عباس محمد** الأربعاء 06 يونيو 2012, 6:58 pm

صديقى عبد الواحد جاك حازم بى حالو
اتحزم وشدحيلك فى مواصلة هذه الرمزية
التى اصبحت فاكهة المنتدى

شرف كبير لنا بمرور الزعيم حازم ,,شكرا لك

صديقي عباس لك التحية,,

+امس قابلت صاحبي المجنون جنب البحيرة

قلت له ارح كدة نتونس مع حاجة بخيتة

في الطريق قلت له بحكم انك دائما في البحيرة ما هو اشد شئ لفت نظرك

قال والله في سمكتين كبار هنا في البحيرة بقولن في كلام اقل وصف ممكن نقول (طلقن) في سمكة تانية انا من قابلتها عندي شعور انها عويرة كل هولاء ان لم ينتبهوا سوف يطفشوا السمك من البحيرة دي

وصلنا للحاجة سلام يا حاجة

اهلا شبهينا واتلاقينا جيتوا من وين

جينا نتونس معاك يا حاجة

كدي يا حاجة ما هي رؤيتك لحل قضية المناصير ؟

كانت متكئة فجلست وجرت بعصاها علي الارض

قالت كلام وقرارات خطيرة جدا سوف تسمعوها علي التوالي

قالت انتظرنا الرجال اكثر من عشرة سنوات وما زالت القضية في مكانها كدي النجرب النساء

جرت عصاها علي الارض شخطت شخطة قالت دا القرار الاول

*بسم الله الرحمن الرحيم

عملا باحكام الدستورية المنصورية اصدر القرار الاتي نصه:-

حل جميع المجالس واللجان والمفوضيات المتعلقة بقضية المناصير

علي الجهات الحكومية تنفيذ قرارنا هذا وعدم التعامل مع اللجان القديمة

صدر تحت توقيعي

حاجة بخيتة

جرت الجرة الثانية وقالت:

عمل بحكام الدستورية المنصورية فاننا نقرر الاتي :

تكوين لجنة طوارئ لادارة الازمة الي حين تكوين بقية اللجان من الاتي اسمائهم:

1_حاجة بخيتة رئيسا

2-نجلاء زمراوي نائبا للرئيس

3-الدكتورة عزة امينا عاما

4-انتصار حجازي مسؤول التطوير والتدريب

5-اميرة الحومري مسؤول الاعلام والناطق الرسمي باسم اللجنة

6-هويدا ابو شعر مسؤول العلاقة والتنسيق مع الدوائر الحكومية

صدر تحت توقيعي

الحاجة بخيتة

طيب يا حاجة نفرض كونتوا كل اللجان ما هي الخطوة التالية

_اولا سوف نرسل خطاب للوالي

السيد والي ولاية نهر النيل

اولا نهنئكم بزواج ابنك وبنتك اللذان كانت مناسبتهم مع مناسبة عظيمة وهي تحرير هجليل

مما يدل علي لانه كان فأل حسن لكل اهل السودان

نعلم انك قريبا سوف تكون جد وتتذوق حلاوة الاحفاد ولكن تذكر اننا لنا ابناء واحفاد يقاسون في الحر والسموم والكتاحة وعليه

نرجوا الالتزام بمدة تسليم البيوت في الثلالثة شهور المتفقع عليها

توقيع

الحاجة بخيتة