بدء صرف تعويضات الخيار المحلى

من صحيفة التيار اليوم
كشفت اللجنة الإشرافية العليا لتعويضات الخيار المحلي بمحلية البحيرة بولاية نهر النيل من أصحاب الحقوق والمتأثرين من قيام خزان سد مروي، كشفت عن اكتمال الاستعدادات لإتمام عمليات الصرف النقدي للمتأثرين بنهاية الأسبوع الجاري. وأكد د. السعيد عثمان الشيخ نائب والي نهر النيل والرئيس المناوب للجنة تعويضات الخيار المحلي على شروعهم فعلياً في عمليات الصرف لتعويضات الخيار المحلي يوم الخميس المقبل بمقار الوحدات الإدارية (بشري، الكاب، كبنة وبرتي) بمحلية البحيرة، وقال إن التعويضات تمثل الجزء الأول من استحقاقات متأثري الخيار المحلي. من جانبه أوضح اللواء عيسى أحمد عمر معتمد محلية البحيرة وعضو لجنة التعويضات أن عمليات صرف حقوق المتأثرين ستستمر لمدة ثلاثة أيام قابلة للتمديد معلناً عن اكتمال كافة الترتيبات الإدارية والفنية بمواقع الصرف الأربعة. وتشير المتابعات إلى رصد حوالي (12) مليار جنيه لمقابلة استحقاقات نحو (8600) من مستحقي الخيار المحلي.

كل الود عزيزي الرشيد
شايف موضوع المليون ونصف عجبك لكن ياعزيزي هل سالت نفسك ليه في التوقيت ده بالذات ؟؟؟ وبالمناسبه اخبار اللجنه شنو وموقعها وين من البيحصل ده وانا بفتكر انك عضو فيها

شكرا الاخ الرشيد وانت تناضل بكلمة الرصينة والقلم الشريف الذي لم تدنسه الاموال الحرام المنهوبة ظلما واجراما ولم تنضم الي مواكب الساقطين في مستتنقعات العمالة
دوما الي الامام

ايهاب احمد سليمان كتب:كل الود عزيزي الرشيد
شايف موضوع المليون ونصف عجبك لكن ياعزيزي هل سالت نفسك ليه في التوقيت ده بالذات ؟؟؟ وبالمناسبه اخبار اللجنه شنو وموقعها وين من البيحصل ده وانا بفتكر انك عضو فيها

والله موضوع المليون عاجبنى بالحيل مش عشانى انا فقط لكن عشان ناس كتار محتاجين ليهو فى النهاية دى حقى وما بخليهو للحكومة اما عن التوقيت انا اعرفه ولا احتاج للسؤال بالنسبة لاخبار اللجنة فتش فى المنتدى ده بتلقى اخبارها وبعدين يا ايهاب ما تفتكر ساكت انا فعلا عضو فى هذه اللجنة التى اتشرف وافتخر بالانتماء اليها .

ahmed alkhabir كتب:شكرا الاخ الرشيد وانت تناضل بكلمة الرصينة والقلم الشريف الذي لم تدنسه الاموال الحرام المنهوبة ظلما واجراما ولم تنضم الي مواكب الساقطين في مستتنقعات العمالة
دوما الي الامام

طبعا يا الخبير الرشيد راجل شريف ولم تمتد يده الى الحرام انا شخصيا متاكد من ذلك.
عليك الله برضو لزم تكشف لينا الساقطين فى مستنقع العمالة دى بالنسبة لى مهمة جدا
وبالنسبة لنا فى المناصيرولكل السودان فليذهب العملاء الى الجحيم ومادام عارفك شى
اخد الثواب من رب العباد واكشفهم قاتلهم الله .

جزاك الله خير الرشيد دائما كلامك مليان وفي المهم . ونشكر كتير علي التوضيح .

شكرا الاخ النذير اننا نقول فقط الحقيقة وان كنا لا نريد شكرا على الواجب لكن من لا يشكر الناس لا يشكر الله تحياتى