حبيب بشير.... كبرياء البساطة

اخي الحبيب اليسع لدي بعض التصويب علي هذا السرد الرائع صحيح يا اليسع انتو كنتو اوعي مننا شويه بحكم السن ولكن اتذكر تلك الحوادث بتفاصيلها بل اتذكر اشياء وانا في عمر الرضاعه !!! فالعسكري كان مع جامعي العشور من الزراعه وجاءوا بعربه الحكومه حتي يخاف هذا الاعرابي وقد حكي بنفسه فقال لمان جو يدفنوا البيراول شئ جات عربيه الحكومه واللوري الفيه الناس اتأخر ورا وكانوا خايفين وكان عربيه الحكومه فيها اربعه نفر نزلوا من العربيه ووقفوا علي حافه البير وكنت انا اسقي في الشتل وما شافوني واحد قالهم العربي دا الحمد لله ماهو في (وطبعا هم يعلمون ان الاعراب مسلحين) وفجأة جيتن وسلمت عليهم وكانوا خايفين ومبهوتين ووقفوا يعاينوا للبير واحد قال والله ياحبيب ما شا الله مليانه مويه وجدع فيها حجر وانا وقفت في نصهن بيني وبين العسكري واحد والعسكري ماسك بندقيته ويعاين وفجأة جبدت البندقيه من العسكري وكانت كلاش
.والعسكري وقع علي قنقرة ضنيبه وقالي يا عمي عليك الله أديني بندقيتي ناس الحكومه برفتوني قتلو البندقيه اللت الحكومه وانا بسلمها ليها وفي اللحظه ديك اللوري وصل مليان رباطاب وجريت التعميرة وفكيت طلقه في الهواء وقلت لهم انزلوا حرم الليلي كلهن أخليهن عزبات (اشاره لموتهم جميعا) ونزلوا وقلت لهم: اسوسلوا اللعدكن(اي اقيفوا صفا واحدا حتي أعدكم وفعلا وقفوا صفا واحدا وعداهم وقال : لقيت عددن مائه وعشرين راجل وعندما عرفتهم واحد واحد قتلهن: اركبوا ..وجروا أررر ركبوا في اللوري وقلت للسواق دور وحرم واحد يتلفت الا أيتم وليداته لحد ما تصلوا البحر ورجعوا حتي أختفوا في لمحه بصر. وشال البندقيه وسلمها المحكمه في الشريك ...وقد قالت بلاله في عرس التجاني ود عبد القادر في بلال لها في القعيدة :
دايراك متل ود عمك حبيب الهزم القبيلي الجاتو
وسلاحوا المعاهو عصاتو
من الخلا ساعتو ومن الجدع نعلاتو
(اشاره الي الجعلي ود خلف الله الذي وقعت منه ساعتو الجوفيال وخرساني عبد الوهاب الذي جري حافيا)
والقصه معروفه ومما سارت به الركبان ولكن اظنك يا يسع لا تريد ان تحكي هذه التفاصيل حفاظا علي ود بيننا وأهلنا الرباطاب ولكن يا أخي ان هذا أصبح تاريخ والتاريخ يجب ان يكتب بصدق لانه ميراث للاجيال القادمه أما الرباطاب فقد اصبحوا نسابتنا بعد ذلك فقد تزوج شقيق حبيب بشير عمي علي بشير السارة بت حاج حمد من أعيان الرباطاب وأنجبت بنتا تزوجها أبن حبيب بشير!!! وحبيب بشير مدرسة في الشجاعة والفروسية فهو الذي سلم بندقية الخبراء والتي قال فيها عمنا ابراهيم ود جني منافحا عن أخواله الهبارمة
وكت الدقير ختيناهو في الزنزانة
حبرا وحمامير زقهن رشانا
ولي عودة أنشاء الله


ملحوظة:
حاولت عدة مرات الدخول للمنتدي ولكني لم أستطع الدخول أنشا الله المانع خير يا ...

اخي الكريم ود حبيب
حمدا لله الشفنا صوت حروفك طيب
وتلك الايام نداولها بين الناس
فقط انا اردت ان اوثق لاحد فرسان المناصير
وكتابة التاريخ عندنا كما تعلم قمة في البرجوازية ولا تغشي الا صاحب سلطة او جاه وتلك مصيبتنا
اتمني ان تستمر في لملمةشعر المناسبات ويبدو انك تملك كثير ممافي الصدور
لك ودي والاحترام

رائع يادكتور ورائع يامحمد حبيب
وياريت تتواصل الكتابات

الهبارمة مدلوقة فوقهم الشجاعة

أخي الباشمهندس صديق كيفنك ...والله أنا لمان كنت ما قادر أدخل هذا المنتدي متقريف لي قراية كتاباتك الرائعة دي وما شاء الله موسوعة ربنا يخليك لينا لتوثق لهذا الجيل ما فات من تاريخ اجداده القرييييب دا..لمان تكتب أي منصوري يحس في كتابتك نفس حلته مع انك تكتب عن الشرايه الا اننا نحن نا س الجماميع نحس بانك تكتب عن حلتنا ذاتا..لك وودي وشكري........واعجابي