من الاراضى المنصورية مليون سلام وتحية

شكرا خال أبرار علي هذه الاخبار المفرحه ولقد بدأت البشائر وكما ذكرت بدايه الغيث قطره كما ان الاهل تأقلموا مع الواقع الجديد والذي سوف يعطي خيرا ومستقبلا باهرا وبدايه حصاد التعب بدأت تتشكل
في كثره السمك الذي ذكرت ومشاريع البنيه التحتيه التي سوف تبدأ مباشره بعد العيد والمتمثله في الطرق
معلنه بدايه عهد جديد ومستقبل واعد ومشرق وعليه لابد من الاجتهاد للاستفاده من هذا الواقع المشرق ويكون ذلك بحسن الترتيب والتنظيم حتي يجني الابناء ثمره جهد وتضحيه الاباء والاجداد وهذا الواقع متمثل فيك شخصيا يا دكتور لذا شدوا حيلكم لتوصلوا الرساله الي من يليكم ونسأل الله الكريم التوفيق

خال ابرار
كل سنه وانت طيب
تستحق ان نشيد بك رئيس واعضاء هذا المنتدى وانت تقضى هذه الايام المباركات وسط الاهل بارض المناصير
كما ذكر الريس خالد هذا خبر مفرح وانت تتصفح النت من البلد
وياريت نجد فى معيتك الكتير وانت راجع للخرطوم

سلام يا خال
ليك وحشة شديدي
و المقداد برضو منقطع النظير
والله أنا كنت قايل السمك هناك(ملح)
بالله برضو يبيعوهو..
يعجبني الزول البشد الرحال للبلد
ويتواصل مع الأهل رغم صعوبة الطريق وما يلاقي من كبد

ترجع بالسلامة يارب

شكرا خال ابرار وكل سنة انتم طيبون في ارض المناصير
فهنيئا لك بهذا العيد الذي نحسدك عليه والله
وترجع بالسلامة

كل عام وانت بخير وسمعنا الخبر قالو بقيت خال ملازم اول كمان بدبورتين
التحية ليك ولكل الاهل فى الديار

شكرا خال ابرار كأول اداري واول عضو يدخل علي المنتدي من ارض المناصير
كل عام وانتم بخير وربنا يحقق الاماني وتحياتنا لجميع الاهل هناك
وبصفة خاصة لي ناس كبنة القرية من سربجي -ناس الوادى -العيساب -الحمداب -الحسناب - حتى النواوير وعل ما نسيت شيء

كل سنة وانتو طيبين يارب سعدت بمروركم جميعا"
باشمهندس هاشم:تسلم واراى هذا المستقبل يلوح فى الافق.
الريس خالد: الاهل بخير وانت موعود بفيديو صلاه العيد ووالدك يؤم المصلين وصور المدارس الجديدة

الحاج شرف:تحياتى واشواقى صاحبك تب متربع فى الضل وفاتح اللابتوب ويتصفح حاجة تبسط بالجد.
استاذنا بروى:منورنا والله وايه النور دا كلو الفى الصورة دى السمك والله قريب المجان والعيد هناك شى تانى رد الله غربتك.
الرشيد:تحياتنا واشواقنا وعاد مراسلكم بالسلامة للاستيديوهات.
عادل شررى: سلامات ياخى والعيد الجاى فى شررى بين الاهل.
مونتارى:مشتاقيين ياحبيب والله بقيت خال ملازم اول وعقبال تبقى والد ملازم اول.
منوفلى:اخبارك يا قريبى دا انت طلعت كبانى عديييييل

دكتور كل سنه وانت طيب وتحياتى للوالد .بالجد فكرتك رايعه وتانى اللابتوب مع العفش للماشى البلد ..

كل عام وأنت بخير أخى خال أبرار وربنا يتقبل الصيام والقيام وإن شاء الله من العائدين الفائزين وسلامة الأسفار _ أكيد العيد كان روعة بالبلد مع الأهل والأحباب _
لك تحياتى وتقبل مرورى ،،،