عشرين مليار خوخت فى البنك

من المعروف والمؤكد ان هناك عشرين مليار كدفعه اولى نزلت فى البنك تعويض المناصير . والمطلوب من الولاية وهى الجهة المناط بها التعويض . نشر السجلات النهائيه بعد الاسئناف وقيله الضغط على المستشاريين للاسراع فى اصدارها . والوصول مع اداره السد لحل لتمليكها المعلومات .كل ذلك والولايه منذ عشره اشهر خلت نايمه لى حدو القروش خوخت (المستفيد الوحيد طبعا البنك ) وتقول اهلنا مربوطين فى حلفا.والوالى حايم من الموسياب الى شندى .

مشكور نادر نور الهادي
لكن القصه خرجت نمله وشالت حبه وخرجت ؟
ام كيف ياالاخ الرشيد الا تتفق معي في هذه المقوله ام ننتظر شويه ومافي داعي للاستعجال ؟؟؟؟
علي العموم هو مسلسل مكسيكي جيد الاخراج

ولك الله يادياري
حازم

الاخ نادر تحياتى مشكور على هذا النشاط ما شاء الله منور المنتدى من جميع الجهات
اخونا حازم لاول مرة اتفق معك فى ان هذه المسألة قد طالت ورأى الشخصى حقا تحرسوا ما بجيك على العموم الحكاية داير ليها حركة من جميع الاتجاهات بس انت ما تصوب مدافعك تجاه اللجنة فقط المسئولية عامة جماعية وكل زول يشيل شليته .

شكرا حازم والرشيد على المداخله .انعدم الضغط انعدم التقدم للامام فى قضيه المناصير فالوالى هو عقلية امنيه ويتعامل مع كل القضايا بهذه العقليه .نحنا فقدنا اهم عنصر فى قضيتنا هو الضغط الشعبى فالحكمومه استطاعت قتل جزوه النضال حتى فى مثقفينا وصارت اللجنه تقاتل لوحدها .اما النائب.......................... واما المعتمد لاحوله ولا قوة له فهو معين . التحرك فى كل الجبهات لانقاذ ماتبقى من المناصير .

الاخ نادر (الخل عادة قلت سعادة) المماطله شيمه من شيم المؤتمر الوطني.أما العقليه الامنيه فالدوله كلها تدار بعقليه أمنيه وده سبب معانات كل اهل السودان. اتمنا ان يدرك الجميع ذالك بدل اتهام بعضنا بالباطل.ودمت

[quote="الرشيد طه"]الاخ نادر تحياتى مشكور على هذا النشاط ما شاء الله منور المنتدى من جميع الجهات
اخونا حازم لاول مرة اتفق معك فى ان هذه المسألة قد طالت ورأى الشخصى حقا تحرسوا ما بجيك على العموم الحكاية داير ليها حركة من جميع الاتجاهات بس انت ما تصوب مدافعك تجاه اللجنة فقط المسئولية عامة جماعية وكل زول يشيل شليته .
ليتني اقتنع اخي الرشيد ان المسؤليه جماعيه
مشكور نادر الهادي الذي قارب الرشيد للصف المناهض للتسويف والمباصره المافي محلها
ولكم الجميع الشكر
حازم

شكرا الاخوان جبريل وحازم وابوحجل . نعلم بأن المماطله تتم فى جميع انحاء السودان المعاها مامرتاح والمعارض مارتاح وهى اكتسبت خبره كبيره ذلك ( سياسه كسب الوقت حتى يضيق الناس زراعا ببعض فيقتتنون ويحملون المسؤليه لجزء منهم وانها لعمرى نجحت فى ذلك نجاح تحسد علية ) نحن لم نكن فى يوم مصدر قوه وكنا نعتمد على وحدتنا وتماسكنا فى جميع الاحوال لا على قوه لجنه او مجلس . تحياتى

نادر أخوي ... شكرا ليك ...
حقوق ما في !! المليارات دي تخدير !! وانتظر يوم أن تعلن اللجان نتائج الإستئناف نفس الطريقة .. قطعة + قيمة .. وما معروفة وييييين ؟ والقيمة كم ؟ وناس بيت بلا تمر وناس تمر بلا بيت !! وناس تشطب ... وناس جلد وغرامة !! و ... و ... وو ... وا قدساه !!

ابوحجل كتب:االاخ نادر من قبلها 160 مليار راحت للمشاريع المصاحبه للسد ونحن لاحقنا دايرين يدونا وكمان يفوزهم ياترى متى توضع النقاط على الحروف واهلنا كلهم اياديهم لامست القسم؟

يا حليلك يا ابو حجل جملة ما تم صرف على المشروعات المصاحبة يزيد عن 2479500000000 بالجنيه (قديم )
التافهه بتاعنا يا اخى والله انتو ما جابين خبر ساى - كبرى كريمة مروى 39 مليون دولار كبرى عطبره ام الطيور 38 مليون كبرى
دنقلا السليم 41 مليون دولار شندى المتمة 39 مليون دولار و 200 مليون دولار لرصف الطرف فى محلية مروى ومبنى للموتمر الوطنى
بمروى 1ونصف دولار ومستشفى مروى حتى الان بلغت تكلفتتها 59 مليون دولار وطريق عطبره مروى مش عاررف بى كم لاكن بيكون باكثر
من 250 مليون دولار بحساب تكلفة مليون دولار للكيلو متر الواحد ...

يا حليل المناصير
صوتنا بح من الكلام وبرضو يا الرشيد تقول ما تشتم اللجنة وينها هى اللجنة ؟! يا الرشيد والله حالتك تحنن لجنة قال لجنة
اللجنة مش خلت قضيتنا وقالت بعضمة لسانه فى القصر الجمهورى وقالت انها تفرغت لمشكلة اوكامبو .. وملاءت ساحة القصر
الجمهورى شعرا وثورية .. وبايعت الموتمر الوطنى واصبحت هى واسامة عبدالله فى جز واحد وموقف واحد ؟

اخ اخ قلبى على المناصير

عبد الواحد ابراهيم محمد كتب:

يا حليل المناصير
صوتنا بح من الكلام وبرضو يا الرشيد تقول ما تشتم اللجنة وينها هى اللجنة ؟! يا الرشيد والله حالتك تحنن لجنة قال لجنة
اللجنة مش خلت قضيتنا وقالت بعضمة لسانه فى القصر الجمهورى وقالت انها تفرغت لمشكلة اوكامبو .. وملاءت ساحة القصر
الجمهورى شعرا وثورية .. وبايعت الموتمر الوطنى واصبحت هى واسامة عبدالله فى جز واحد وموقف واحد ؟

اخ اخ قلبى على المناصير

الاخ عبد الواحد
سلامات
اولا : نعم اقول لكم لا تشتموا اللجنة يا اخى ابنوا فى ما بدأته وتحركوا فى سبيل استرداد حقوق الاهل بعيدا عن القيل والقال وكثرة السؤال اللجنة موجودة فى الساحة رغم كل ما يقال .
ثانيا : كثر الكلام عن مسألة قول اللجنة ان القضية حلت فى القصر الجمهورى نوضح هذا الكلام للجميع عشان ما كل يوم يجينا واحد بهذه الاسطوانة المشروخة نعم اللجنة وكل العالم قال ان قضية المناصير خلاص اتحلت ليه ؟ لان رئيس ورأس الدولة وجه بتنفيذ مطالب المناصير هذا رئيس الدولة اما مسألة عدم التنفيذ فهذه ليست مسئولية اللجنة ومن كان يدرى ان قرارات الرئيس لا تنفذ !!! عشان كده يا عبد الواحد اخوى اللجنة عندما قالت هذا الكلام قالته فى زمن وظرف معين وعندما تأكد للجنة ان القرارات لم تنفذ وجهت خطاب مفتوح الى رئيس الجمهورية نشر بالصحف المحلية والمواقع الالكترونية .
اخ اخ ثم اخ وقلبى على المناصير وانتم تتركون العدو الظاهر وترمون برماحكم وسهامكم صوب اللجنة يا للحسرة .

[quote=
[/quote]
الاخ عبد الواحد
سلامات
اولا : نعم اقول لكم لا تشتموا اللجنة يا اخى ابنوا فى ما بدأته وتحركوا فى سبيل استرداد حقوق الاهل بعيدا عن القيل والقال وكثرة السؤال اللجنة موجودة فى الساحة رغم كل ما يقال .
ثانيا : كثر الكلام عن مسألة قول اللجنة ان القضية حلت فى القصر الجمهورى نوضح هذا الكلام للجميع عشان ما كل يوم يجينا واحد بهذه الاسطوانة المشروخة نعم اللجنة وكل العالم قال ان قضية المناصير خلاص اتحلت ليه ؟ لان رئيس ورأس الدولة وجه بتنفيذ مطالب المناصير هذا رئيس الدولة اما مسألة عدم التنفيذ فهذه ليست مسئولية اللجنة ومن كان يدرى ان قرارات الرئيس لا تنفذ !!! عشان كده يا عبد الواحد اخوى اللجنة عندما قالت هذا الكلام قالته فى زمن وظرف معين وعندما تأكد للجنة ان القرارات لم تنفذ وجهت خطاب مفتوح الى رئيس الجمهورية نشر بالصحف المحلية والمواقع الالكترونية .
اخ اخ ثم اخ وقلبى على المناصير وانتم تتركون العدو الظاهر وترمون برماحكم وسهامكم صوب اللجنة يا للحسرة . [/quote]
ياالرشيد هى وين اللجنة اصلا؟ نحن طبعا لا نتحدث عن تحركاتنا لكن خطنا واضح ونعتقد ان اهلنا بفهموا جيدا ما يصلحهم وما ينفعهم .
بالله عليم هى اتحلت فى القصر الجمهورى ولا قاعة الصداقة وقاعة الشارقة ؟ يا دى بيعة وان جزء من اللجنة انتو بعضمت لسانكم
قتو خلينا قضيتنا وتفرغنا لقضية اوكامبو وياريت تورينا علمتوا شنوا فى قضية ازكامبو؟ وهى اللجنة تقول كلام لى شنو؟ واصلا لم تصل الى حلول
ياسيدى الرشيد اسلوب عمل اللجنة اسلوب لا يتناسب وحجم القضية وانا هنا اقصد اناس بعينهم لانى ادرك ان ثلاث افراد منها هم يتصلون
بجهات الاختصاص فى الدولة ولا يسمحوا لاى كائن من كان ان يتفاوض دونهم لان هناك حسابات خاصة ارجو ان تدركها يا صديق .
المهم انا برجع ليك

[quote="عبد الواحد ابراهيم محمد"
ياالرشيد هى وين اللجنة اصلا؟ نحن طبعا لا نتحدث عن تحركاتنا لكن خطنا واضح ونعتقد ان اهلنا بفهموا جيدا ما يصلحهم وما ينفعهم .
بالله عليم هى اتحلت فى القصر الجمهورى ولا قاعة الصداقة وقاعة الشارقة ؟ يا دى بيعة وان جزء من اللجنة انتو بعضمت لسانكم
قتو خلينا قضيتنا وتفرغنا لقضية اوكامبو وياريت تورينا علمتوا شنوا فى قضية ازكامبو؟ وهى اللجنة تقول كلام لى شنو؟ واصلا لم تصل الى حلول
ياسيدى الرشيد اسلوب عمل اللجنة اسلوب لا يتناسب وحجم القضية وانا هنا اقصد اناس بعينهم لانى ادرك ان ثلاث افراد منها هم يتصلون
بجهات الاختصاص فى الدولة ولا يسمحوا لاى كائن من كان ان يتفاوض دونهم لان هناك حسابات خاصة ارجو ان تدركها يا صديق .
المهم انا برجع ليك[/quote]
اخونا عبد الواحد
سلااااااااام
كلامى عن قول اللجنة فى القصر الجمهورى واضح وصريح كلام قيل فى زمن معين وظرف معين وده كلام ما داير تعقيب والحديث عن اوكامبو انا اعتبره كلام انصرافى ما فى داعى ليهو هنا . اللجنة يا عزيزى وحدة موجودة فى الساحة وتعرف عملها كويس جدا .
عبد الواحد يا اخوى زمن التفاوض ده راح زمااااااااااااان نحن الان فى مرحلة تنفيذ قرارات موجودة على الورق وحكاية ثلاث افراد او حتى فرد يتصلون دى مسألة طبيعية وعادية جدا لان ما تعنيهم لهم علاقات ومعرفة شخصية بالمسئولين فى الدولة اما حكاية الحسابات الخاصة لم نسمع او يصل لعلمنا انها تتم خصما على حقوق وقضية اهلنا .
برضو برجع ليك

[/quote]

عبد الواحد يا اخوى زمن التفاوض ده راح زمااااااااااااان نحن الان فى مرحلة تنفيذ قرارات موجودة على الورق وحكاية ثلاث افراد او حتى فرد يتصلون دى مسألة طبيعية وعادية جدا لان ما تعنيهم لهم علاقات ومعرفة شخصية بالمسئولين فى الدولة اما حكاية الحسابات الخاصة لم نسمع او يصل لعلمنا انها تتم خصما على حقوق وقضية اهلنا .
برضو برجع ليك [/quote]
بالله يالرشيد ورينا نفذوا كم فى مرحلة التنفيذ دى اشان ما تاكلنا حنك ساى يعنى شنو موجودة على الورق ؟ اهو حل الدولتين موجود على الورق
بالنسبة للفلسطنيين من ايام كلينتون 1993م وحى الان موجودة على الورق ولا دولة فلسطنية قامت ، بعدين من القال ليك اهلنا بيحبوا الورق للدرجة
دى يا اخى .
لاخظ انت قت حكاية فرد او ثلاثة يتصلوا بالدولة واجهزتها مسألة طبيعية يعنى انا مثلا وقد كنت عضو فى المجلس ولى علاقات بناس كتار فى
الدولة المهببة دى يعنى لو اتصلت ببعض منهم مسألة طبيعية مش كدة او حتى لو قمت بالاتصال انت برضو مسالة طبيعية
كدى خلينا نثبت دى اولا.
بعدين بنجى حكاية الحسابات الخاصة

الاخ عبد الواحد
كيف حالك
انا بقول فى حقائق موجودة نفذوا كم ما نفذوا دى ما بتغير فى الحقائق شيئا الحقائق دى مثبتة بقرارات اصبحت حجة ووثيقة قانونية تقدر تحاجج بها فى كل المحافل وده يخيل لى انتصار ما بعده انتصار انا عندى قرار من رئيس الدولة بقيام الخيار المحلى بكل ما يلزمه من مشاريع وخدمات وغيره انا عندى فى وزارة العدل ما يثبت ان لى حقوق بغض النظر عن ما ورد فيها ده كلو وتقول ورق فى ورق طيب لو فرضنا انو الورق ده ما فى بماذا اتحجج الافضل ياتو .
نعم انا قلت اتصال فرد او اثنين مسألة طبيعية وانت زاتك فى اللجنة ولا ما فيها لو عندك علاقة شخصية بالمسؤلين فى الدولة المهببة دى يجب عليك تسخيرها لخدمة القضية وانا وغيرى ينطبق علينا نفس الفهم دى حاجة طبيعية واكثر من طبيعية لسهولة الاتصال والمعرفة يعنى انا الرشيد ما عندى اى علاقة او معرفة شخصية باى واحد من هؤلاء وان شاء الله ما تكون لو داير اقابل اى واحد منهم حا اقدر طبعا لا لكن من يعرفهم ويعرفهو يستطيع مقابلتهم فى البيت فى المكتب ان شاء الله حتى بالتلفون ده القصد
تحياتى

سلام نادر وينك ووين وثايقك السرية

خوخت عشان الجماعه نايمين