/عاشقه النيل / محاوله شعريه كتبت في عام 2002 في جامعه النيلين

مدخل/ماكلنا ذيك برضو نعاني/ من نفس الأشكال الجاري/اه منك اه/ نص/ عشانك أكون بين رموش عينيك زهر@ واحلم بشمس مضيئه واصيل عز المطر/رموشك ضاربه في التاريخ معلم/ ذي بعانخي في وسط الرماح/ بعرفك/ بعرفك من خدودك البتشرق عند الصباح/عيونك مستحيل اوصفه /جنه الرضوان ب حور المباح/ ومن يوم داك كتبتك غنا وشيدتك حروف ورسمتك علي قدر الذمن أحرف تايهه في التاريخ/ب تحكي ابن خلدون في روايتو وتضمنا في مجد العروبه/ واعود من تاني احكي عن ذولي البريدو والمس حنان ايدو /وإخط بشعر منساب مضامينو / يانغم بلسم جراحي وياذهره جروف شري الحبيبه/ بحلم دايما اكون معاك/حتي الخيال يجمعني بيك/عشان نفرح ونمرح في ظلمه ليل قمريه /نلعب نلهو نردد قصه حسن الشاطر /ونحلم بألف ليله و ليله/وكلو عشانك /يالجايه من ديار منصور رفعه/مرويه من بيل الغلابه/من عزه التاريخ مداره/يالشاربه من مويه النيل/مآكله من مدينتو ومشرقا/مشتاقين والله ياأماني/مشتاقين لشوفتك عند الشروق ياشروق /ومع الأصيل جم المغربيه/ياعبير راس الجزيره/ يا الشايله منك كل البلاد معزه/بنادي عليك /وسط التلال /عبر الغمام/وكل الدروب بمشيها لو جوه في قلب الحنايا اللسه ماعرفوا الغرام/وكيفن ل زولا جاييك الليله شايلاهو بوادينا وجمال خضرتو/ ورنه طمبور مع العصريه/ ومويه نيل خريرو يسوي السي/سي سي.

الدقيسابى ماهو هين

سلامنا كتير أستاذ عباس ، والمحاوله حلوه ولاباس ، وتتضمن الكثير الذى يدور حينها فى خلد كاتبها
فبداية كهذه فى ذلك الزمان ، يحق لكاتبها الآن أن يشار له بالبنان .
مع خالص تحياتى وسلامى وكل عام وأنتم بألف خير ...

لك التحية الدقيسابي والشعر ده نحن عودنا فيه عود مرة وكانت بداية جميلة. ولكن السؤال أين أنت الآن ؟ لم نر منك شيئا.

شكرا استاذنا مصباح ود الخاله الفكي وشاعرنا ومبدعنا عباس علي المرور والله ياأستاذ مصباح نحن جاهزين للنقد الادبي البناء وابشر تب جاييك الشعر ذي الدفيق

وكما ذكر أستاذنا المشرف عباس ، حق الدقيسابى ماهو هين ،
واكيد كان ده فى الزمن داك ، حيكون الآن شب عن الطوق ،
عليه دايرنك تغرف لنا منو ، باقى الساحة عطشانى ...

يا الدقيسابي لك التحية الدفيق ده مر شديد عاوزين شعر زي رطب ود لقاي الملقي.

يابا وراق انا جيت أذور/ شيل مني الوردي اللابدي من دهور/ ونصح قلبي من عشق البدور/وياود غلام في بسوي ضاوي نور / بتين أرجع للبلد أذور / وأملأ عيني بشوفه ولاد منصور/في الحاره تلقاهم جبل طور/وكتين العدو يبادر بالكجور /تلقاهم شيوخ وعمد شباب وبدور /نار الله الموقدي بي تنور/ @@@@@ وين نلقي متلك شبيه ياحبيبه/ادب واخلاق سماحه ذوق تهيبه/قوام وجمال اصلو حاجه عجيبه/ياشتيله المشرق الرطيبه/داير أغنيكي أغاني الشوق اللهيبه/الزمن ياغاليه دفعني الضريبه/ولسه في حبك اصارع دفه الموج الصعيبه/أتخيلك واتوه في عيونك ياطبيبه / بتين يالله أخوجل فوق سهيبه/وامتع عيني بي شوفتك يارهيبه/@@@@@@@@@

فوقك يشع القاف ضي/ياذهره الفريق حي حي/أصلي وراكي ان بقيت حي/اندهلك في الفيافي الصي/ وفوق البحر والمي / حروف اسمك موشحه لي/دعاش طلتك علي/جهجهني خلاني جني/يابا وراق حبها كواني كي/يا رجال الله في البحر والصي/ود دقيس ليكم مادي اليدي/البنيه شوتني شي/

مساء الخيرات أها يامصباح شتيله المشرق الرطب دي كيف ولا نديك من السهل الممتنع اب راس ود لقاي

حقيقه الدقيسابي ماهو ساهل ذي ماقال عباس وين الشخصية دي اريت تعاود اسلوبك جميل جدا نتمني ربنا يوفقك اكتر واكتر