ياناس السعودية - رحبوا بخال أبرار

عبد الغني نصر الدين كتب:مرحب مرحب بك خال أبرار ... الدكتور محمد عيسى في أرض الحرمين الشرفين.. . والله نحن نفرح ونسعد بسماع واحد منصوري جاء للسعودية وخاصة الرياض.

خالد عابدين كتب:غادرنا في رعاية الله وحفظه يوم الإثنين الماضي متوجها إلى مقر عمله الجديد في منطقة جيزان بالمملكه العربية السعودية الأخ الدكتور محمد عيسى حمدانه - عضو المنتدى ومشرف المنتدى العلمي
نتمنى له التوفيق والسداد في عمله الجديد
وياناس الرياض  والجمعية حاولوا ألقو ليه طريقة نقلية من جيزان  يجي معاكم في الجمعية وتكون الشله قوية - ما أظن جيزان دي فيها مناصير ؟

الفكى احمد كتب:أهــــــــلا بالدكتور فى جيزان التى عملت فيها زمان والتى مازال بها الأخ ودالسيد عثمان .
وهى مدينه ساحليه فى أقصى جنوب غرب المملكة ، نتمنى له فيها إقامة طيبه ...

ابوصديق كتب:نتمنى للإبن محمد عيسى إقامة طيبة في السعودية وعملاً مستقراً
  ونسأل الله أن يجعل غربته في سبيله

النفر كتب:ألف مرحب بالدكتور محمد بأرض الحرمين الشريفين  .... نتمنى له إقامة طيبة فى مقر عمله الجديد ... كما أشار الأخ عبدالحفيظ  بأن جيزان مدينة وادعة  وتطل على ساحل البحر الأحمر ويوجد بها منذ زمن أخونا عثمان السيد وبها كم من الإخوة السودانيين وسوف نتصل بأخونا عثمان للترحيب به ومتابعة أخباره  _

نصرالدين ابوزيد حامد كرار كتب:نتمنى للدكتور خال ابرار التوفيق والسداد فى عمله الجديد بالمملكة وان يرزقة الرفقة الصالحة التى تعينة فى غربتة وبالتوفيق .

عباس محمد كتب:نتمنى له اقامة طيبة  وعمل موفق باذن الله
سافر قبل ان نقابله ونوادعه

مصباح محمد مصباح كتب:نتمنى للدكتور خال أبرار إقامة طيبة بمدينة جيزان وفي عمله الجديد وهي مدينة تشبه مدن السودان في مناخها حتى الكتاحة فيها زائدة ولكن كل شئ هنا عنده علاج نتمنى أن يتصل بنا الدكتور محمد عيسى لكي نعرف مكان عمله بالضبط وجميع التلفونات مسجلة بوست العناوين والتعريف ونحن من جانبنا في الرياض نتمنى أن يكون الدكتور عضو في الجمعية من الآن ونرحب به كثيرا.
نفكر في عمل بوست أو قسم خاص بالمغتربين نسجل فيه الأسماء ونتابع حركتهم ونطلب من سعادة الريس خالد مساعدتنا في الشأن، ونركز على المنتدى ونترك الفيس قليلا ويمكن أن نحدد أحد الإخوة لمتابعة أحوال المغتربين هاتفيا.

عادل شرري كتب:شكرا الريس
تصحبك السلامة الخال
نتمنى له اقامة طيبة 
ونتمني له التوفيق في عمله الجديد
ونتمني ان يكون سفيرا للسودان والمناصير
وما التوفيق الا من عند الله

عبد الغني نصر الدين كتب:مرحب مرحب بك خال أبرار ... الدكتور محمد عيسى في أرض الحرمين الشرفين.. نتمنى لك حياة موفقة واقامة طيبة والف مرحب بك في العاصمة الرياض. أولاً اتمنى ان تكون متعاقد في وزارة الصحة ... يعني مستشفيات وليست مستوصفات. لأن ناس المستوصفات حا يجننوك.. ويشغلوك 24 ساعة وانت تكون الدكتور والممرض والمدير والمحاسب.. وهلما جرا. وعلى أي حال في النهاية ليست خسارة معاك .. واذا ما عجبك الوضع تجد مليون مستشفى تبحث عن الكفاءآت السودانية. بس حاول استفيد من وقتك كتير وحضر. وقبل ما تحضر أولادك ممكن تزورنا في الرياض .. لأن الوضع بعدين بتغير كثير. والله نحن نفرح ونسعد بسماع واحد منصوري جاء للسعودية وخاصة الرياض.
شكرا الريس خالد والتحية للجميع.

صديق عبدالله علي أبوحنة كتب:يستاهل الخير محمد
 زول حنين وصميم وفاهم وخلوق ومهذب
.......
 بس الواحد يتأسف شديد
 أولادنا ديل نعلمهم ونتعب فيهم.. والإنسان الأغبش من أهلهم راجيهم يقدموا له خدماته
 ما بيلقى وضع شبه مريح في بلدو ويضيقوها عليهو
 يقوم يلقى فرصة يهاجر
 ويسيب الغبش لى ربهم وأمراضهم الكتيرة  والقرض والحلبة والشب  التى يتعالجون بها
 يصرف عليهم الشعب عشان يتعلموا من الجباية والضرائب والزكاة وغيرها..
 ويروح يلقى خدماته ناس تانيين بكل سهولة
 كان الله في عونك يا بلد
 وكان الله في عونك يا انسان السودان الطيب
 ياريت لو بي يجدوا الاحترام الكافي
 كدكاترة ومهندسين في بلد تاني
 كم استفاد منه الانسان المنصوري خال أبرار وكم راح حملات تطبيب في المنطقة
 وفي اعتصام الدامر كان رقم في التطبيب
خلاص  فقدناه
 ربنا يعدلا عليهو
 سودانا وناسنا ليهم رب
 أنا شايفو حزين جدا  خال أبرار في الصورة بتاعة وداعو في الفيس بوك!
 حزين للفراق
 رغم تغيير الحال للأحسن
 حزين لأنو هو  ولد قدامي.. وخلوق ومؤدب جدا حاسي وشاعر بألم الفراق ..
........
 والله لازلت حزين على... دكتور عبد الله محمد سليمان
 ولازلت حزين على دكتور تاني من أولاد أمرى كان قاعد معاي هنا شهر
 وبعد كدا  لقى شغل في المستشفى العسكري في ابوظبي.. وبعد يومين من استلام الشغل توفى
..........زز
 حزين على دكاترتنا ربنا يحفظ خال أبرار  ببركة ما قدم لأهله

ساري الليل كتب:

عبد الغني نصر الدين كتب:مرحب مرحب بك خال أبرار ... الدكتور محمد عيسى في أرض الحرمين الشرفين.. . والله نحن نفرح ونسعد بسماع واحد منصوري جاء للسعودية وخاصة الرياض.

نحزن كثيرا ان يغادرنا الدكتور محمد عيسي .
ويغادرالسودان احد الكوادر الطبية المنصوريه .
التي يعول عليها في السودان وخاصة المناصير .
ولكن ,,, ولكن
لاباس ان يرتب كل انسان حالة , للعودة مجددا لوطنه .
حمدالله الف علي سلامة الوصول .
وربنا يوفقك ويعدل حالك ويسدد خطاك أينما حللت يادكتور .