الشعب السوداني ومفاجأة الرئيس المشير

أخاف ان تحصل كارثه من كثرة  الحديث الذي  يتداوله  الشعب السوداني في الاسواق وفي الشارع العام وداخل الشبكه العنكبوتيه   ولا يشغل بال الشعب في هذه الايام سوي مفاجأة الرئيس التي أعلن عنها بل وذهب البعض الي تحديدها وقال بان الرئيس سوف يترك الحكم لنائبه بكري حسن صالح  في حكومه انتقاليه   والبعض الأخر يري غير ذالك  واستندوا  بحديث غندور  الذي قال  من يتوقع ذهاب الرئيس عن الحكم ليس بعاقل وقال من المستحيل ان يترك الرئيس الحكم في هذا التوقيت بالذات    وعموما لايستطيع احد ان يجزم عن ماذا يريد ان يتحدث الرئيس في خطابه اليوم فقط  لا نملك غير الانتظار حتي الساعة الثامنه من مساء اليوم وننتظر الخطاب  الذي سوف يلقيه الرئيس  وسوف ينقل علي قناة الشروق  .







انتم ماذا  الذي تتوقعونه في هذا الخطاب



[/size]
[/size]

سلام ميسرة والله خطاب محبط ومفلس .

مسدار الوثبــة =========================== أحمد مجذوب

وثبـة ووثبتيـن والتالتة بـرة الدولة
والقافلين عليك خسرو الرهان والـجولة
يسألك الكريم رب العباد المولي
حلقات المسلسل ام خطابك اولي ؟


يا عمر البشير انا معترض..ما راضي
ممكن انسي ليك كل الحصل في الماضي
الواجعني منك .وفي سبيلو بقاضـي
يا خسارة المسلسل زمنو راح في الفاضي


اتلاقو الجميع كل عِمّة تضرب عِمّة
والناس يا عمر.. آمالا كان في القمة
نسمع بالخطاب قلنا الحكاية مهــــمة
دا الجامعنا ليهو من العصر بالذمة ؟!

يا عمــر البشير الدولة رسبت رسة
وأضحت للجهاز .. نص البلد مُنتسبة!!
السبب القبيل خلي الخلوق مُحتسبة
قنبلة الرئيس طلعت اشاعة ووثبة!!

يا عمر البشير حبل الصبر اتمطي
والـسودان يسير ..بس إلا زي البطة
منتظرين قرارك وقلنا زي الشطـــة
يوم طلع القرار القصة طلعت نطـــة


يا عمر البشير الوثبة تب مرغوبـــة
نتمني العمار لي ارضنا المحبوبة
في عز الخريف ما تشكر الراكوبة
لكن بالخطاب فعلا قلبتا الهوبة
يا عمر البشير هاك الكلام الواعي
البترول يطير ..سودانا ارضو زراعي
خليك للسلامة وللتقدم ساعـــي
لكن للخطاب صدقني مافيش داعي


يا عمر البشير ..ضيعتا زمن الامــة
قلنا لقيت علاج ممكن يزيل الحمي
عاملين للخطاب قومة وشمار و هلمة
قايلنو اسكريم.. لكن طلع داردمــــة!!

اجمل بيت انو زمن المسلسل راح في الفاضي 


رجعتنا سنه اولي يارئيس

الناس خلو خدمتم ومعايشن ومسلسلاتم وحارسين المفاجأة ، وبحق كانت مفاجأة .
تمخض الجبل فولد فأرا ... لك الله ياسودان ...

هذا الخطاب يبدو انه فرشة لمرحلة حكم لا تشبه اي مرحلة من مراحل الانقاذ السابقة
ان صحت قراءتي له فان المتوقع ان يصدر الرئيس قررات جمهورية متعددة تتعلق بالسلام والحريات والاقتصاد والهوية
واذا كان جادا في طرحه فعليه الاستقالة من رئاسة المؤتمر الوطني ومن عضويته ليكون شخصية قومية ومن بعد يقوم بتكوين حكومة وحدة وطنية او حكومة قومية من التكنوقراط لفترة انتقالية تعالج النقاط الاربعة المذكورة في الخطاب ، والفترة الانتقالية تتيح للاحزاب ترتيب نفسها لتدخل الانتخابات في جو شفاف ومعافي ومحايد وبذلك تظهر اوزان الاحزاب الحقيقية وتتكون جمعية تأسيسية تمثل الشعب وتطلعاته

الزارعه الله تقوم في خشم الكدوس
ديل يشكوا ويقطعوا  ويوزعوا
دي اسمها كلمه حق اريد بها باطل
لانشغال الناس بشي وتمرير حاجات 
خفيه لايعلمهاا اصحاب الشان 
والايام الفادمه تكشف لكم ذلك
ولنا عوده

ف

علا  الانقاذيون يظهرون خلاف ما يبطنون
 زي ماقلت يا ابو سفيان ديل عاوزين
يشغلو الناس بالخطاب والقادم ما معروف
يكون شنو  بس ربنا يهون 

ميسره موسي الاحمر كتب:ف

علا  الانقاذيون يظهرون خلاف ما يبطنون
 زي ماقلت يا ابو سفيان ديل عاوزين
يشغلو الناس بالخطاب والقادم ما معروف
يكون شنو  بس ربنا يهون 

تسلم ميسره الله يجيب العواقب سليمه

هههههههههههههه هو البقنعو شنو ياابواحمد يتنازل لانو ماشخصيه قوميه ابدا ولايمثل كل السودانيين الغايظني ومزعلني لو كان عسكري عسكري ماعندوا اي اتجاه والله نحترموا ونختوا في راسنا لكن غشانا من البدايه واتفق مع حزب البصدقوا تاني منو انو زول قومي وهمو السودان كلو الحاجه الثانيه اذكي روح القبليه والعنصريه وحتي خطاباته ماكان تعطينا احساس انه رئيس لكل السودانيين اللهم الا هذا الخطاب الاخير لما يقول الناس كل الناس ناس كتار يمكن حسو نوعا ما ان هناك توجه قومي في رسالته ولكن لا يمكننا التصديق ولا يلدغ المؤمن من حجر مرتين