السحيلي البالع الكديسي

حكمة  الله السحيلي يبلع الكديسي وما يقدر يهضما ويقوم يطرشا في البحيرة !!! هي بحيرة الجن دي ناقصي ؟ شيء سحيليات وشيء غواصات وقالوا ايرانية الصنع  كمان ..  ؟؟
 حكمتك يا رب  ،، نقوم ونقع وتاني ندوش نقع رُب ،، نحن في حلم وله علم مالنا من هربك لي هربك ؟ بس الكجامة ام سنينات وتسمع الكج وعضيم الشيطان برة طوالي ..
 لاني درويش ولا بعاتي لكن في حاجات كدي قاعد توجع راسي خاصة لو ما لقيت ليها تفسير .. 
  والليلي عندي كم سؤال ؟
  المؤكد جدا انو المجلس واللجنة الجديدي ضمت عدد من الشخصيات المرموقة في عالم الفيس والمنتديات !!
   واحدين مديرين منتديات ومديرين صفحات ورؤساء اقسام كانت عامري   تب ،، 
 فهل ستظل عامري يا ترى ام ان بريقها لحق امات طه  ؟ دحين امات طه ديل كانن مالن ؟ غايتو جنس محن ؟؟
  دحين يا اخوانا اي زول من جماعة الفيس بوك والمنتدى  دخل حوش التكوين الجديد يرفع يدو ويقول فندي ويجاوب ،،
  ان كان من منتقدي اللجنة والمجلس السابق لماذا وقف اليوم الى جانب نفس الوجوه ؟ هل يملك عصا التغيير ؟ أم ان في الامر عجب ؟
  وهل يستطيع ان يحاسب الماضي ام انه ولى وراح ؟
  وما هي خطته للتغيير ؟ وهل هناك تغيير اصلا ام يبنوا فوق القديم ؟ وله القديم غرق في شلال دقيس ولفحو تمساح دولقا ؟ 
 وباي فهم دخل الجسم الجديد ؟ سلام من الداخل وله  سوس ينقر في المرق القديم ؟ وله يا بحر الحاصل  لاك ناشف لا قلمي الفي يدي عصا موسى ؟
  وليه ناس المنتديات بالذات ؟ 
 هل خوفا منهم أم اسكات لهم ؟ ام ؟ أم ؟  أم ؟؟؟ 
  وهل ح يواصلو معانا بي جاي زي زمان ؟ وله يسنو الاقلام وهاك يا دفاع ؟ ومترسة جد ؟؟
  وهل سيسمحوا لنا بالسؤال العندو اجابة وله يفوتونا حوفة ؟
  وما هي الخطة الجهنمية لاخذ الحقوق ورد الظلم عن اهلنا ؟
 وهل يصمدوا في وجه الاسئلة ويبداوا في تنويرنا بكل ما يجري ويجري شايل الهام وعاجل ؟؟
  وهل ستتحول المنتديات والصفحات والمجموعات لمتحدث رسمي باسم الجسم الجديد ؟ والله نخاف الحظر البفوتنا اخوانا !!
  دحين يا جماعة ( ناسي ) ديل انا دايرن يظهروا ويبانو كل باسمه وشخصه ونقوم نعافر معاه في الهوا الطلق دا ..... 
   لا قوالة ولا زعل ولا حرداب ... هنا  .... بس نخت العديل وننجضو         ونشيل الكعب ونجدعو هنووك 
 وله الفهم شنو يا رفاقة ؟؟
 كان حيين بجيكم راجع

الموت اللحمر

سلمان عقيد النعوفابى كتب:الموت اللحمر

والموت الاسود

الاسود دا كيف ياحاج-----لكن ياهندسة انت ضايق مالك --يعنى اى واحد يتم اختياره كعب معناتو انت لايعجبك العجب لا الصيام فى رجب---دحين شوف الناس ديل بعدين احكم---وانت دايرمنو --كدى خلينا نديهم فرصة --ولو ساروا فى مانريد من طريق بعدين ندليم على راسن--لى حدى مايطرشو الكديسى-

يا  ارباب  البردان  يجيب عيدان  
    كدي النديها صنة 
    كلو يظهر ويبان  وانا حارس المخادة

الباش مهندس ود جيب الله كتب:يا  ارباب  البردان  يجيب عيدان  
    كدي النديها صنة 
    كلو يظهر ويبان  وانا حارس المخادة

يا هندسة أنا الخبر العندى البلد ما فيها حكومة بل هم عبارة عن شلليات وشلة أبناء المناصير هى أسوأ وأعفن شله وجائيك راجع لفت الجميع .

الموت اللحمر جايى حامى

الباشمهندس تقول سكران بالمريسى
كلامو داير يجيب لى المغيصىى 
دابو فى سحيلوهو البلع الكديسى
هو ذاتو التقول دايرلو ريسى

أنا جيت بي جاي قلت أشوف السحيلي البالع الكديسى دا شنو؟
 لقيت ليك زي ما بيقول عباس ود محوماد ود حسب الله( ود جيب الله قلبا في حوض الراس طوالي..)

ود جيب الله  دا نفرو برا
حديثو برا هو كلو وكرا
السحيلى فى بحرو قال يطرا
والكديسى كمان جارى ورا
ان كدت عضم الا ينهرا
لكن هو زول نصيحة ومسدرا
كان تبراه تشوف الطيبة بى سدرا
قلبو على بلدو ومابرضى تشذرا
والحقارة على ناسوا الا يودرا

سلمان عقيد النعوفابى كتب:الباشمهندس تقول سكران بالمريسى
كلامو داير يجيب لى المغيصىى 
دابو فى سحيلوهو البلع الكديسى
هو ذاتو التقول دايرلو ريسى

نفور ليهو دمسيسي
بعد ما جاب الغميسي
معاهو بنجض حديثي
يمكن يملالي كيسي