مقر مجتمعيه ابناء المناصير بحرى شمال

سيتم خلال الايام القادمه  بمشيئه الله افتتاح مقر مجتمعيه ابناء المناصير بحرى شمال  بمخطط نبته السكنى
بحضور كل ابناء المناصير بمناطق السامراب وام ضريوه وداردوق وحلفاية الملوك
الدعوه ستشمل الجميع ان شاء الله

هذه خطوة مباركة أخى الحاج ونأمل أن تكون ضربة البداية لقيام مثيلاتها بالمناطق الأخرى ومن ثم قيام دار جامعة لعيال منصور بالعاصمة _

مالك يا الحاج مصغرها (مجتمعية) ما فهمنا

وفقكم الله وسدد خطاكم

وربنا يوفق وزى مايقولوا القحة ولاصمة الخشم . وعفارم على ناس بحرى وشمال بحرى .
وإن شاء الله ربنا يهدينا ويوفقنا لبيت المناصير الكبير بالعاصمة ...

المهاجر كتب:مالك يا الحاج مصغرها (مجتمعية) ما فهمنا

مجتمعية حتى لانكرر كالاخرين دار ونادى
اردنا بها شمولا وليس تصغيرا
كمعتمديه ومحليه  لنجمع فيها امرنا ونخرج منها للاخرين ونحن نحمل تجربه ناضجه
اليوم كان الاجتماع للمجموعه الاولى  لوضع الخطوات الجاده للم شمل  مجموعه ابناء المناصير من ساكنى هذه الرقعه المعرفه ببحرى شمال
فى مقر المجتمعيه

النفر كتب:هذه خطوة مباركة أخى الحاج ونأمل أن تكون ضربة البداية لقيام مثيلاتها بالمناطق الأخرى ومن ثم قيام دار جامعة لعيال منصور بالعاصمة _

دعواتكم زعيمنا النفر وانت واحدا من ساكنى بحرى شمال

الفكى احمد كتب: وربنا يوفق وزى مايقولوا القحة ولاصمة الخشم . وعفارم على ناس بحرى وشمال بحرى .
وإن شاء الله ربنا يهدينا ويوفقنا لبيت المناصير الكبير بالعاصمة ...

هذه هى البدايه الفعليه ياباشمهندس للمجتمعيه العامه لابناء المناصير والتى ان شاء الله سيكون مقرها بوسط البلد
عند عودتكم لارض الوطن سيكون استقبالكم هناك

عباس محمد كتب:وفقكم الله وسدد خطاكم

دعواتكم الصالحات

تحت امركم 
ربنا يوفقكم 
الي الامام ..ربنا يصرف عنكم عين الكجار والمكاجرين

انجاااااااااز يحسب لكم مناصير بحرى
اتمنى ان تتوالى انجازات المناصير من خلالها
عقبال يحزو حزوكم مناصير امدرمان .... مدينتى

تخريمة : احلى شئ انك ما قلت دار لانى اتعقدت من كلمة دار للمناصير
وما ناوية ادخل تانى اى بوست بمسمى دار للمناصير ...
زهجنا من كلمة نؤيد الاقتراح ونثنى الاقتراح ... والاقتراح يذهب ادراج الرياح

دي الكلام الصاح الناس تعمل في صمت و تنجز 
مايقي كلام ساكت القول والفعل مبرووك الحاج
تسلم والله عمل يشرف

مبروك الاخ الحاج ولكل المناصير بتلك المناطق--والبقية للمناطق الاخرى --لكن --مجتمعية ---شنو تمسية الكيوان دى

[ندعوك للتسجيل في المنتدى أو التعريف بنفسك لمعاينة هذا الرابط]

افتح الرابط

الأخ الحاج لك التحية ونبارك لك المجتمعية ولمناصير بحري شمال وكمان عاوزنك تلكز الرشيد وسلمان عشان يحذوا حذوكم وتكون هنالك مجتمعية بحري جنوب وفقكم الله وسدد خطاكم ويمكن الزمن يسوقنا عليكم ونبقى من ناس سكان بحري شمال.

مصباح محمد مصباح كتب:الأخ الحاج لك التحية ونبارك لك المجتمعية ولمناصير بحري شمال وكمان عاوزنك تلكز الرشيد وسلمان عشان يحذوا حذوكم وتكون هنالك مجتمعية بحري جنوب وفقكم الله وسدد خطاكم ويمكن الزمن يسوقنا عليكم ونبقى من ناس سكان بحري شمال.

شكرا المرور الكرام
اقتبست تعليق الدكتور مصباح بعد ان شعرت برهبه وانا افتح البوست خوفا من تعليق الدكتور مصباح وكنت اظنه
سيدخلنى فى متاهات اللغه
الحمدلله الاسم مر بسلام
اذن الفكره
ان تكون على العموم
انشاء المجتمعيه العامه لابناء المناصير
وتتفرع منها مجتمعات بالمدن واحياء العاصمه
سندعوا كل الرموز انشاء الله للافتتاح الكبير

عمل جميل لكن اسم غريب 
لازم تكون في الجزء الجنوبي الشرقي لمخطط نبتة

لا يا الرشيد ليست هناك
بس بيضو النيه
 قالو القحة ولا صمة الخشم----
 بس ليه ما تشمل كل المناصير في كل العاصمه   او على الاقل تشمل كل مناطق محافظة بحري
 ليه شمال  وحنوب وغرب   --  الم يتعب السودان  من التقطيع والكيمان الزي ده
وسعوها   واكيد حاينضم البقيه  لان  البدايه ولا الانتظار     واظن حايطول انتظار انشاء جمعيه اومجتمعيه او دار او او او
خاصة في ظل الوضع الاقتصادي المتردي والفساد و غلاء الايجارات
 مبروووووك نتمنى لها الاستمرارية والعطاء

المجتمعيه واصلت نشاطها وحضور لاباس به فى المساء

amira ali كتب:لا يا الرشيد ليست هناك
بس بيضو النيه

النية بيضاء تب 
الغرض دايرن نقربا علينا شوية

واصلت نشاطها كيف يا ود شيخنا
 وين الافتتاح والعجل والمهرجان وحضور الشخصيات البارزة

تكوين المكتب الادارى للمجتمعيه

ترجو النجاة ولم تسلك مسالكها ...إن السفينة لا تجرى على اليبس..
لمن إنتهيت من سفينتك يا الحاج لقيت المويه جفت..
ده حال قضية المناصير..
الأخ الحاج المجتمعيه مبروكة ..
جاهزين لاى تكليف..
ما زايغين.
الخيل الحره تجى فى اللفة..