الباش مهندس الوجيه نصرالدين أبو زيد لقضاء إجازته في السودان

يغادرنا في الغد من الإمارات الباشمهندس نصرالدين أبوزيد حامد كرار من مدينة العين متوجهاً لقضاء إجازته السنوية مع أهله وأحبابه في السودان..
 سفراً قاصدا.. ومعية طيبة.. بين الأهل ورجوع بحول الله بالسلامة..
 شوية أيام بالعاصمة.. وبقية الإجازة جلها في عطبرة..
........
 أعضاء المنتدى ما تقصروا مع الزول ده!
 الراجل مشرع هنا.. وما زول ساهل.. ومفعم بحب المناصير وأهله.. بس الناس بتاعين ( فك التسجيلات ) يبعدوا منو! عشاان عندو بنات حلوات كده صغيرات عايز يربيهن  وخلاص ..بلا شوشرة.. ورافع البيرق برضو هو..
 عودا حميداً وسفراً قاصدا..

مرحب بالاخ الزعيم نصر الدين --نتمنى ان يصل بالسلامة --ويقضى اجازة ممتعة بين الاهل والاحباب----

مرحب بالاخ نصر الدين اجازه طيبه  وممتعه مع الاهل والاصدقاء بالسودان  نتمناها لك انشاء الله

والله نويت اكتب بكرة عن سفر نصر الدين ابو زيد
سبقتنى يا ابو حنه عاد
عموما نتمنى للملك وسيد الكرم الخرافي نصر الدين ابو زيد طيب الاقامه وسط الاهل والاحباب
مع مرسال التحايا مننا للمنصورية الاصيلة زوجته وتحايانا ايضا لبناته

وان شاء الله يجد كل الاهل بخير

نسأل الله أن يحفظ الأخ نصرالدين فى حله وترحاله ونتمنى له سلامة الأسفار وعودا ً حميدا ً للديار وإجازة سعيدة وممتعة بين أهله وأحبابه  _

مرحبا الاخ نصر الدين في وطنك وبلدك بين اهلك نتمني ان نلتقيك باذن الله

اهلا حباب نصر الدين...
انشاء يصل بالف سلافه..

انشاء يصل بالف سلافه... نجلاء كتبت

 سلافة  دي منو يا بت العم؟
 وكمان بدل سلافة واحدة.. ألف سلافة؟ نحن في الجنة وبنات الحور والله شنو يا ربي؟ يعني أنت مؤيدة لى شيخنا الحاج شرف الدين في ( فك التسجيلات؟)
 تعالي يا رجعنالك شوفي...؟
 الليلة لو كان غلطة على الكي بورد. بي نفوتا
 لكن الميم محلها بعييد في الكي بورد من الفاء..

هههههههههه...
ابن عمي سلامي.....
اقصد الف سلامه .....سلافه دي صاحبتي وكنت بتكلم معاها في التلفون عند قراءه البوست...

إذن ألف سلامة لبنت عمي وللباش مهندس نصر الدين..
تسلموووون من كل شر

غايتو الشقي يقع في خشم ابوحنه ،تاني نكتب ونراجع عاد ،تصل بالسلامه الاخ نصر الدين ونتمني ان نلتقي بك انت والاسره الكريمه

لالالا أكتبوا أي حاجة بدون مراجعة يا أستاذة. سهام .. أنا أعرف إنو الناس مستعجلين والشبكة بطيئة ومافي زمن للمراجعة..
 المنصوري بس كيف يجي هنا..
 يجب أن تكون الكتابة أداة تواصل.. باي شكل مقروء بس..
 المنصوري أو المنصورية هو غاية في ذاتو وكل ما عداه وسيلة اليه.

ابو حنه هو الحاصل شنو اليومين ديل الناس مالا خانسي كدي ؟ابو حنه سلامات بعد طول غياب نعم موجودين لكن كان هناك غياب وخلاص سجلنا حضور والحمدلله،نصر الدين عندو محطه في الخرطوم وكم يوم حاتكون اجازتو

الف مرحب بالباشمهندس نصرالدين بين اهله واحبابه وعودا حميدا وانشاءلله يصل هو واسرته بالسلامة تسلم الخال فيك الخير الباشمهندس زول قامة كبيرة من قامات المناصير

ي سلااااااااااااااااااام بجد عجبنا عودة الاخ الصديق نصر
لزياره الاهل والبلد وعودا حميدا لمقره عمله بجد مقابل الاهل الاصدقاء ماهي شي بسيط للمغترب
والعقيه لينا انشاء الله

شكرا اخى وحبيبى وقريبى باشمهندس ابوحنة ودا من اصلك وكرمك ,شكرا لكم اهلى وعشيرتى وعزوتى مشاعركم الدفاقة تخجل تواضعى فانا والله اقل شانا من ان يكتب عنى كل هذا الكلام الجميل وتسكب على هذه المشاعر سكبا .
اخوتى الحمدلله وصلت يوم الجمعة الخامسة والنصف على متن طيران الامارات وقضية ليلة الجمعة بالشجرة عند شقيقتى واسرتها وفى صباح السبت توجهت الى عطبره , الحمد لله الوالد والاسرة بكل خير .
باذن الله بعد العيد ساتوجه الى مدينة كسلا ومنها الى الخرطوم باذن الله لقضاء عدة ايام اتمنى ان اقابل فيها هذه الوجوه الطيبة الكريمة .
لكم شكرى جميعا .

مرحب بالزعيم نصرالدين بين اهله واحبابه

ونتمنى له اجازة ممتعة بين الاحباب

مرحب بالاخ الزعيم ابن خالي الغالي نصر الدين --نتمنى ان يصل بالسلامة --ويقضى اجازة ممتعة بين الاهل والاحباب----

حقيقه الباشمهندس علم كبير نسأل الله ان يحفظه للسودان ولجميع المناصير الحمدلله اني محظوظه شديد وحظيت بمشاهدته لمدة دقائق مرت كأنها ثواني وكان معي اخي وابي لانجد من الكلمات مايناسب وصف هذا العلم غير ان ندعو لهو بالحفظ ودوام التوفيق والتقدم.

تمنياتنا للأخ نصر الدين بقضاء إجازه ممتعه فى ربوع الوطن
بين الأهل والعشيره والخلان والمعارف وعودا حميدا ...

مرحب بالباشمهندس
نتمنى ان نراك بالعاصمه انشاء الله