بمشيئة الله وحفظه يغادرنا الشيخ مصباح وأسرته الكريمة نهاية هذا الأسبوع للسودان والعيد في البلد

سوف يغادر بعون الله وحفظه الرياض نهاية هذا الأسبوع الشيخ مصباح محمد مصباح واسرته للسودان وان شاء الله  سوف يقضون عيد الأضحى المبارك في شري الخضراء لحضور زواج ابن اخيه... وكما يغادر الأسبوع القادم ايضاً الأخوان مصطفى محمد الحاج وعبد الكريم خير الله  ومعتز الأمين وبدر الدين تاج السر. نتمنى لهم اجازة سعيدة وموفقة مع الأهل والأحباب وعوداً حميداً انشاء الله وبلا شك سوف يتركوا لنا فراغاً كبيراً وخاصة الأخ مصباح لأننا تعودنا التنسيق في خرفان الضحية لسنوات عديدة متى نشتري الخرفان واين نذبحها... والحديث يطول.
تقبلوا أطيب تحياتي وكل عام والجميع بخير وربنا يعيده علينا وعليكم بالخير واليمن والبركات... والسودان ينعم بالأمن والسلام.

ربنا يسهل لهم أجمعين وندعو لهم بالسلامه فى حلهم وترحالهم 
تشكر الزعيم عبد الغنى ...

يمشوا بالسلامة ويجوكم راجعين بالسلامة مليانين اخبار سارة عن البلد يا زعيم

يصلو بالسلامة انشاء الله وربنا يسهل طريقهم ويحضرو العيد بين الاهل والاحباب انشاء الله 
ونقل ليكم مقدما كل عام وانتم بخير

نسأل الله أن يحفظهم فى حلهم وترحالهم  ويصلوا بالسلامة الى ديارهم .... نتمنى لهم التمتع بإجازة سعيدة بين أهلهم وأحبابهم وكل عام والجميع بخير ... مشكووور الزعيم عبدالغنى  _

نشكر أخينا عبدالغني والإخوان الذين دعوا لنا بسلامة الوصول للسودان ولهم الشكر جميعا وألحظ أنهم كلهم مغتربين عدا أبو مصطفى . ومعناه يامصباج جاي داير شنو في هذا الجو الملخبط والعكران . وأحب أن أقول لكم رغم طول غربتي إلا أنني حضرت كل الإنقلابات والمحاولات الفاشلة للإنقلابات في السودان وكذلك انتفاضة أبريل وكمان حتى أحداث موت قرنق وما صاحبها حضرتها في السودان يعني ممكن نحضر شئ في هذه الإجازة واطمئنوا أخوتي الكرام. أما للمطمئنين للوضع الحالي إن شاء الله بلدنا تنعم بالأمن والأمان وترسى لبر الأمان.

يصل بالسلامة الى ارض الوطن ويقضى اجازة سعيدة بين الاهل والاحباب .
نتمنى ان نلتقية خلال اجازته لاننى باذن الله ساسافر الى السودان فى نفس التوقيت تحديدا يوم الجمعة القادم بالاماراتية .
لك الشكر اخى عبد الغنى ونتشرف ان نلتقى امثالكم .

تصلو بالسلامه يا ابا احمد وتقضو اجازه ممتعه وسط
الاهل والاحباب سلامي لكل الاهل وخاصة الضقولة
وان كانت اثر بعد عين
 
وكذلك تمنياتنا للاخ نصرالدين ان يصل بالسلامه لارض الوطن 
ويجد كل الاهل بخير وعافيه و يقضي معهم اجازة ممتعه
 
تحياتنا للزعيم عبدالغني

بالسلامه دكتور مصباح نتمنا لك قضاء اجازه وعيد ممتع مع الاهل والاحباب وفى امان الله

يصلو بالسلامة انشاء الله وربنا يسهل طريقهم ويحضرو العيد بين الاهل والاحباب انشاء الله .
يا خال ان شاء الله قدمك يبقى قدم خير على ناس السودان وربنا يفكهم من هذه الحكومة الفاسدة ومبروك لولد الخال وربنا يتمم على خير ان شاء الله . تحياتنا لكل من يسأل عنا فى البلد .

نتمنى لشيخ مصباح طيب الاقامة بين الاهل والاحباب
وان شاء الله اجازة سعيدة
ومنتظرين كل اخبار السودان والبلد منك يا دكتور

ربنا يسهل لهم الطريق جميعا
وعودا حميدا دكتورنا مصباح

رحله سعيد نتمناه لك والاسره الكريم وتقضوا اجازه ممتعه بين الاهل والاصحاب
وانشاء الله الفوده والعوده