قدامى المغتربين من أبناء المناصير في السعودية و دول الخليج

ما يلفت النظر ان اقل عدد من المغتربين هم ابناء المناصير بالنظر الي باقي المناطق بالسودان هنا اتت قري بأكملها والله احد الاخوة من الجزيرة كل يوم اقابل عندو واحد من اهلو قلت ليهو الحكايه شنو الكريمت كلها جات السعودية ول شنو قال لي من قريتنا بس حوالي 200 واحد اما من الكريميت كلها تقريبا منها حوالي 2000 وهذه حقيقة وكذلك باقي مناطق السودان يأتي احد ابنائها ويستقدم الاخرين وما لفت انتباهي قرية المسعودية علي طريق مدني الخرطوم الجماعة مسحوا حرف الميم ولاحظت ان كل مبانيها جديدة ومن الطوب الاحمر ولكن عندما جئت الي السعودية عزرتهم في مسح الميم لانى وجدت اعدادهم كبيرة جدا فلماذا نحن المناصير لم نستقدم اقربائنا ثم باقي اهلنا عندما كان الزمن زين والسعودية اجمل لماذا بخلنا عليهم رغم انو الواحد ممكن يسدد ما عليه عندما يشتغل والشهادات ما كانت مهمة وكل واحد يأخذ نصيبوا رغم انو لدينا مغتربين من المناصير ناهزوا ال 30 سنه وهم في دول الخليج ومنهم من رجع الي السودان ولكن لم نري احد من اهله قد خلفه !!!!!!!!!!!!!!!
ياتري ما هي الاسباب الحقيقة وراء ذلك ؟

الأسباب كثيرة يا أبا محمد ونفيق شوية ونبدأ نفضفض ويسلموا المناصير وعيني باردة.

من طرف **(الحاج شرف)** الجمعة 27 سبتمبر 2013, 12:46 am

نحمدالله على ذلك لاننا الان فى ارض الوطن
ولو كانوا كاهل المسعوديه والكريمت لكنا الان نعانى من وحشه الغربه
نحن الان مستعدون ان نستوعب العائدين من مغتربي المناصير

من طرف **عازه** الجمعة 27 سبتمبر 2013, 1:38 am

الاغتراب فيهو فوائد كبيرة للشخص نفسه ولأهله اولا الواحد يكون قوي ويستطيع وحده ان يواجه كل المصاعب ثانيا فسحه وغيير جو ثالثا ماديا يختصر كمية من السنوات والجهد والتعب ثالثا التعلم الاحتكاك مع ثقافات كتيره تعلمنا حاجات كتيره الزول افقوا يبقي واسع ونظرتوا للحياة كبيره ماذي المقفول .الاخ عزالدين المناصير هم يحبوا ان يعيشوا مع بعض لذلك قليلين في الغربه انا لاحظته انهم في اي منطقة في السودان لديهم تجمعات كبيره حتي داخل العاصمة رغم سياسة التجمعات في مناطق محدده دائما ماترتبط بالمجموعات التي يجمع بينها عرق او دين وتشعر بالضعف والمنصوري مشهور بأنه قوي في شخصيتوا وممكن يواجه لوحده وكريم وكل الصفات الحلوه فيهو ومشكور شديد اذا سكن وسط الاخرين لكن الظاهر حنين مابقدر يفارق جو القبيله وحتي اذا طلع شويه يمسح اسموا ويكتب المنصوري طبعا دي حاجه حلوه شديد لكن برضوا لها سلبياتها بس قليلة شديد بدليل عندنا مجتمع متكاتف وماشي لي قدام بخطي ثابته.الله يوفقنا اكتر واكتر

الاخ الحاج
الاخت عازه
مشكورين علي المرور والمشاركة
الاخ الحاج طبعا الغربه ليست غاية في حد ذاتها ولكنها كما ذكرت الاخت عازه لها فوائد كثيره وكما قيل ففي الاسفار خمس فوائد:
تفريج هم
واكتساب معيشة
وعلم
وادب
وصحبة ماجد
واهمها اكتساب المعيشة وكل اسرة لديها احد ابنائها من المغتربين تجده قد ساعد اخوانه واخواته في الدراسة ووالديه في اداء فريضة الحج او العمرة ووفر لهم المال للسكن والعلاج واذا كان حال المغترب ميسور انتقلت المساعدة الي ذوي القربي واحيانا نري حالات يندي لها الجبين اسر تعيش حالة فقر مدقع ترك ابنائها الدراسة وتزوجت بناتها رغم صغر سنهن وبمن لايرضين ويعاني الام والاب المرض وليس لهم من يساعدهم .
اما الغربة لها ثمن غالي وفيها تضحية كبيرة وما يجبر علي المر الا الامر منه تجد كثير من المغتربين من فقد اعز الناس لديه امه او ابوه وهو في غربته نسأل الله التوفيق للجميع وان يرد كل غائب الي اهله سالما غانما معافا

تسلم اخي عزالدين لي اسارة هذاء الموضوع وانا والله حزين جد عن البحصل علينا نحن
كمناصير في التعامل في مثل هذه الاشياء . الواحد عندنا يكون مدير شركة وضابط ويد لاحقة
لكن مستحيل يخدم واحد حتي لو كان من اهل عشيرتهي ياسبحان الله اهذاء استحي ام وفاء للدولة
او ارضي لضميرة المهني ؟؟؟؟؟؟؟؟؟؟
انا قريت موضوع في الفيس مكتوب فيهو ( قول كلمة في حق الشوايقة ) قلت ليهو احسن ناس بس ابسط حاجة
لا يملكون الحسد لبعضهم ويخدمون اولاد بلدهم ومناطقهم في الشمال
رغم عمري الصغير في المملكة العربية واحمد الله علي ذلك ان اتوفقت في جيبان واحد
من زمالا الدارسة من زمن مدرسة شيري الثانوية نتمني لهو اقامة طيبة في المملكة العربية وحياء عملية موفقة
بالرغم انا جينا في مثل هذه الظروف والاوضاع الصعبة في المملكة من واتمني
من اهل بلدي الصغيرة المناصير ان يبطلو الحسد او اذكان شئ في نفس يعقوب ما ادري ذلك
علي العموم ربنا يوفق الجميع الي مافيهو الخير لخدمت اهلنا المناصير ...

تشكر اخي عبدالدافع علي المرور
ونقول ليس كل ما يتمناه المرء يدركه
امنياتنا ان يكون كل اهلنا في وضع
طيب يكفيهم شر الحاجة الي الناس

من طرف **علي الحمود** الخميس 03 أكتوبر 2013, 12:38 am

الأستاذ عز الدين لك التحايا ..
الموضوع مهم وفيه سخرية ويبطن حب الخير للناس إن كانت الغربه خيرا لمن لا يجدون فرصة العمل بالسودان..
حقيقة (المناصير )المغتربين ليس لهم ثقافة يخلفنى فى غربتى..ويرون أن الشغلانه ورطه ولا يحبون أن يضعو فيها أحدا..
أما بخصوص ناس الجزيرة هم السبب الأساسى فى اجتهاد الجوازات والشرطه لعمل الجواز الإلكترونى فى السودان لأن أى زول من الجزيرة شايل 3 جوازات والشغلانه دى عندهم ثقافة راسخه ويتباهون بها بجانب بيع العده والبكاسى 82
المناصير بطبعهم لا يحبون المردغه والغربه فيها المردغه .ألا توافقنى الراى؟؟
وليس كل المغتربين الذين يذهبون فى مهن محترمه وذات قيمه فمعظمهم رعاة وسواقين وعمال مزارع وغيرها
أخى عز الدين الموضوع شائك وأنت نيتك سمحه وتحب الخير للناس لكن لكل زول وجهة نظر مختلفة وراى مغاير..
تقبل تحياتى ومرورى وأبلغها للأسرة الكريمه

الاخ علي الحمود لك التحية والتقدير
ورأيك محل تقديري واحترامي
الاخ علي هاجر السودانيون الي استراليا - امريكا - هولندا - بريطانيا - جنوب افريقيا يعني الي كل مشارق الارض ومغاربها عندما ضاقت بهم سبل العيش فبهجرتهم طورا بلدهم وبنوا المدارس والمساجد والمستشفيات ولو تذكر اخي علي كان اول مولد كهربائي انار الجزيرة شري مساهمة من الاخوة المغتربين للمدارس وحاول الاخ السر حسن صالح وغير الاستثمار كل هذا فيه منافع وتطور لبلدنا التي لم تعرفها الحكومات المختلفه والبلاد يبنيها بنوها .
وبعدين انا حقيقة ما اسخر من حد ولا ابطن الخير بل اطلبه وارجوه لاهلي
وكمان الغربة ما ذي ما قلت فيها مردغة وورطه فقد سافر الي السودان بعضنا ورجعوا لان السودان لم يطيب لهم وكمان اولادهم صاروا مغتربين فما اظن واحد يسوي كده لو كان هو في ورطه وليس هنالك مهن محترمه او غيرها طالم الوحد يكسب العيش الحلام واهلنا اشتغلوا الطين في اعز البرد والسمك في حلفا والان تحت الارض يبحثون عن الذهب وتغربوا داخل السودان ما اظن ذلك فيه شئ
انا ذكرت ناس الجزيرة كضرب مثل ولكن كل قبائل السودان موجوده

من طرف **عباس محمد** الأربعاء 09 أكتوبر 2013, 1:43 pm

مشكور الاستاذ عزالدين على هذا الموضوع الهام والذى يحتاج منا البحث والدراسة
يبدو لى ان لدينا كثير من الحسد والانيانية والخوف الشديد من المغامرات والمجازفات
حتى داخل السودان تجد ابناءنا على راس ادارات مرموقة فى الوظائف لايستطيع خدمة
مجموعة مرموقه بشهاداتها الجامعية وتوظيفها فى المؤسسة التى ينتمى اليها سواء فى القطاع
العام اوالخاص الا النادر منهم وله خصوصية شخصية لاتوجد فى غيره
فتجد من اقل منه درجة وظيفية من الشايقية او الدناقلة يدخل عشرة من اهله فى نفس المؤسسه
فهذا الموضوع يحتاج لتشريح وتحليل ولكن ذلك يبدو من طبيعتنا لايمكن تغيير سلوكياته
بسهولة.
فنسال الله ان يسهل امورنا ونخدم بعضنا البعض

عباس محمد كتب:مشكور الاستاذ عزالدين على هذا الموضوع الهام والذى يحتاج منا البحث والدراسة
يبدو لى ان لدينا كثير من الحسد والانيانية والخوف الشديد من المغامرات والمجازفات
حتى داخل السودان تجد ابناءنا على راس ادارات مرموقة فى الوظائف لايستطيع خدمة
مجموعة مرموقه بشهاداتها الجامعية وتوظيفها فى المؤسسة التى ينتمى اليها سواء فى القطاع
العام اوالخاص الا النادر منهم وله خصوصية شخصية لاتوجد فى غيره
فتجد من اقل منه درجة وظيفية من الشايقية او الدناقلة يدخل عشرة من اهله فى نفس المؤسسه
فهذا الموضوع يحتاج لتشريح وتحليل ولكن ذلك يبدو من طبيعتنا لايمكن تغيير سلوكياته
بسهولة.
فنسال الله ان يسهل امورنا ونخدم بعضنا البعض

عارف ياعباس نحن كان عندنا الرجل الثالث في وزارة الطاقه وغيره كثر في مناصب عاليه في نفس الوزاره وغيرها وبالامس رايت احد ابناءنا من خريجي قسم الجيولجيا من عشرسنين ويعمل فحامي وعندما سالته لماذا قال ماخليت حته مارحتها ..ياعباس الشايقيه والجعليين يخدمون بعضهم ولكن كما ذكرت انت نحن لدينا مشكله ؟؟؟؟ هذا لايقلل من شان البعض الذين سعوا لتشغيل اهلهم ...التحيه لصاحب البوست الاستاذ عزالدين

قدامى المغتربين من أبناء المناصير في السعودية و دول الخليج

قدامى المغتربين من أبناء المناصير في السعودية و دول الخليج

رد: قدامى المغتربين من أبناء المناصير في السعودية و دول الخليج

رد: قدامى المغتربين من أبناء المناصير في السعودية و دول الخليج

رد: قدامى المغتربين من أبناء المناصير في السعودية و دول الخليج

رد: قدامى المغتربين من أبناء المناصير في السعودية و دول الخليج

رد: قدامى المغتربين من أبناء المناصير في السعودية و دول الخليج

رد: قدامى المغتربين من أبناء المناصير في السعودية و دول الخليج

رد: قدامى المغتربين من أبناء المناصير في السعودية و دول الخليج

رد: قدامى المغتربين من أبناء المناصير في السعودية و دول الخليج

رد: قدامى المغتربين من أبناء المناصير في السعودية و دول الخليج

رد: قدامى المغتربين من أبناء المناصير في السعودية و دول الخليج