الدفيفيق الماوضح لااتغمل لاشكوك سبح طيروفوق العرجون نبح..خالك القامة يا بت الماحي

محمد حبيب بشير هبرم كتب:الرائعه بت الماحي جبتوها من وين والله المنتدي دا شممنا ريحةالعافي بالكلام السمح دا

محمد حبيب بشير هبرم كتب:يادكتور اليسع النقي دا ما بذكرك المرحوم خليفه ود حمد وكم نحن صغار عشقنا اغاني الحوري الله يجازيكي يا بت الماحي وعليكي الله زيدينامن هذا الابداع

محمد حبيب بشير هبرم كتب:شكرا شكرا الرائعه بت الماحي وأنا لدي زعم قديم أومن به ان ابداع المناصير راحل وليس مستقر فالمناصير بطبعهم حنينين خارج اوطانهم فكناكل ما نزور اهلنا بالجماميع يعجبون من حنيتنا الشديدة في حين نجد الجفوه بين بعضهم البعض وهم جيران ودائما أنا أعزي ذلك لضيق الارض ومشاكل الزراعه والحقوق لكن المنصوري خارج وطنه قلبه رهيف شديد فجدنا علي كرارحبيب هبرم رحمه الله كان رجلا من شباب الختميه وحينما نقر الدليب وهو بعيدا عن وطنه جدع العمه بدأ يبرج ويقول والله أتارينا ضيعنا زمنا في جيلان(يعني كانوا يمدحوايا الجيلاني) مو كدي يا ود العمي اليسع

ابو مصطفى كتب:بت الماحى انت طولت الغياب وانا مستنى روائع ود الحورى والله واقف فوق الرصيف لى زمن دحين الحكاية شنى يازولة كلام ود الحورى قاعد يتور نفسى ويخلينى لا مجنون ولا نصيح عليكم الله ياجماعة كدى تخيلوا معاى دفيق دفيفيق ( فى امه ) وطيروا يغنى ما جايب لى الدنيا خبر ؟؟؟ كلام والله كلام لكن بت الماحى الظاهر عليها نست الموضوع ؟؟؟؟؟ الحكاية شنو يا بت ؟؟؟ الحقى اعمامك شوية ما اصلوا ابحنة كل يوم يبرد علينا ؟؟؟

تحياتى
ابو مصطفى