وصل المدير العام

وصل المدير العام وزنقة كلب في طاحونة تاني كان شفتوا حايم هنا تضحكوا علي وحاله حال الفنان جاء للناس افرحوا بيهو العيد وعيدي جاني نكد يااااااااااااااااناس العيد البتسوي بايدك يغلب اجاويدك

الرشيد طه كتب:وصل المدير العام وزنقة كلب في طاحونة تاني كان شفتوا حايم هنا تضحكوا علي وحاله حال الفنان جاء للناس افرحوا بيهو العيد وعيدي جاني نكد يااااااااااااااااناس العيد البتسوي بايدك يغلب اجاويدك

 أساتذنا الرشيد كل سنه وأنت طيب ,اسرتك والبنية الفنجريه
 وكذلك السيد المدير وأسرته وأهله وأهلكم أجمعين
وكل أخواننا وأولادنا في هذا المحل الجميل
ـــــــــــــــ
هاك دي بمناسبة المدير

مسطول شغال في شركة داير يتصل على البوفيه وإتصل علي المدير بالغلط و قال ليو جيب الشاي بي سرعة لو ما أسرعت بشوتكـ من الشركة دي ..المدير قال ليهو  إنت عارف بتتكلم مع منو؟..المسطول: ﻻﻻ..المدير قاليو انا المدير......المسطول قاليو خلاص طيب إنت عارف بتتكلم مع منو ؟..المدير قال ليو ﻻﻻ .. المسطول قاليو الحمدلله و قفل الخط

عشان كد----ه التلفونات مغلقة

فاتت عليكم
تم استلام العهد
والاختام
ودفتر الشيكات
وطارت حواشات سندس وشهادات شهامه والشقق القلنا ليكم على النيل طوالى
امسكوا عليكم ريالاتكم دى انشاء الله تنفعكم
ح نفتح البلف بالليل بعد ناس سلفا ينوموا
نظام تهجد وكده

المدير العام الغى
جميع القرارات السابقه والماموريات المجدوله واسترجاع النثريات
وتم توزيع المهام
واختص نائب المدير العام بمهمة فك التسجيل واعادة التسجيل
خارج دائرة الاختصاص
فمن يرغب عليه الاتصال فى غير اوقات الذروه للمتواجدين بالوطن
اما المغتربين
فعليهم ارسال التذاكر والاقامه والنثريات  وتحديد اسبوع لكل دوله لانجاز مهمتنا
يمنع اصطحاب الاطفال  عند القدوم لفك  او اعاده التسجيل
يشترط موافقه مكتوبه من مديرك العام موثقه من رئيس مجلس ادارتكم الموقر وهى والده المدير العام
يمنع شرب القهوه بالمنزل لمده عام
وكل سنه وانت طيب يا الرشيد
ونسال الله ان يفك اسرك ويعيدك للمنتدى سالما

الرشيد والأخوة المتداخلين كل عام وأنتم بخير .
والله يا الرشيد انت متشعوش شعوشة شديد خلاص بقيت تكتب كلام يصعب فهمه الرجاء التوضيح لاصحاب الفهم البسيط ؟

سلمان عقيد النعوفابى كتب:عشان كد----ه التلفونات مغلقة

 الاخ سلمان تم فرض حظر تجول لصاحبك وعدم التحرك الا برفقة مامونة

فاتت علينا وين يا صاحب
انت سلمت الدفاتر لكن نحن ما سلمنا المشاكل
ناس سلفا دي حا نضيفا مع المستندات والمرفقات
تفتح البلف بالليل يا جبان
المدير العام فرض حظر التجول وعدم التحرك
والبتسوي بايدك يغلب اجاويدك

نورالهادى كتب:الرشيد والأخوة المتداخلين كل عام وأنتم بخير .
والله يا الرشيد انت متشعوش شعوشة شديد خلاص  بقيت تكتب كلام يصعب فهمه الرجاء التوضيح لاصحاب الفهم البسيط ؟

 الهادي الكلام واضح لكن انت داير لولوة ساكت من حسن الحظ ان ما تقوله لا يفهمه الا انا وكل عام انت والاسرة بالف خير

الف حمد الله علي السلامه وربنا يحقق الاماني

سامى احمد محمد كتب:
ــــــ
اللهم فك أسر كل أسير

 اللهم آآآمين عارفو ما بيحمل الاسر والحبسة

وهو المدير عمل شنو يالرشيد لامن جابلو بود قارد يحرسو ويقفلو في البيت و فيها جلد الله يستر ماتكون فك تسجيلات الشي البعرفو قالو استقبال مولود انشاء الله تبقي زي ماسمعتا

up

سهام علي محجوب كتب:وهو المدير عمل شنو يالرشيد لامن جابلو بود قارد يحرسو  ويقفلو في البيت و فيها جلد الله يستر ماتكون فك تسجيلات الشي البعرفو قالو استقبال مولود انشاء الله تبقي زي ماسمعتا  

 انت يا سهام ما جايب خبر وما عارفا ما هو بتاع فك التسجيلات زاتو وما قادر يفك تسجيلو

للاسف مع كل الجهد المبذول والمتابعة اللصيقة تمت رشوة المدير العام (دي خبرا عند سلمان) لكن انا ما عارفها رشوة او تغطية وطبطبة حتي يتم فك الحبس وترجع حليمة لعادتها القديمة
تخريمة :
ندين بشدة اسلوب الرشاوي والتغطية

الرشيد طه كتب:للاسف مع كل الجهد المبذول والمتابعة اللصيقة تمت رشوة المدير العام (دي خبرا عند سلمان) لكن انا ما عارفها رشوة او تغطية وطبطبة حتي يتم فك الحبس وترجع حليمة لعادتها القديمة
تخريمة :
ندين بشدة اسلوب الرشاوي والتغطية

 اخ دب ؟؟؟؟؟؟؟؟؟؟؟؟؟؟؟؟؟؟؟؟ مدير مرتشى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الاخ الرشيد كل عام وانت بخير سلمان يكون رشوه بطاقية وسبحه وموية زمزم انت حقتك شكلها جلابية