عصفورة الصحافة شرق بدأت ترسل لى صور فطور رمضان2013

وقالت ياريت ناس المنتدى عندكم يكون بالهم واسع يشوفوا صور الإفطار على الطبيعة هنا عندنا حلو كيف في السودان؟ بلا رتوش بلا حواجز.. زي زمان فرحة رمضان قالت في بعض المناطق وعندهم في الصحافة شرق؟ رغم الحالة المايلة والغلاء. لكن قدرو يضحكوا ويبتسموا لرمضان.. ورمضان يديهم فيوضاته بحول الله..
طيب خاتر وطيب نية وضماير بيضاء.. وسودانيين غبش عاديين غير معقدين..
ربنا يجعلنا من عتقائه

[ندعوك للتسجيل في المنتدى أو التعريف بنفسك لمعاينة هذه الصورة]

عصيدة السودان الطاعمي، ومخمرة شوية أصلو لاتقارن بي عصيدة ناس برة المغتربين البي يجبروها ويمرروها بالزبادي ويسووها بي دقيق القمح..

والله زمان ناس الجنينة قبل ما يسحروهم بالحروب دي؟كان في الغرب عندهم حلاة عصيدة.. تسمى الدامرقا.. تقطع وراها أصابعينك
عشت حوالي 20 يوم في الجنينة كانت من أسعد أيام عمري وكذلك ناس زالنجي قعدت فيها سبعة أيام؟
جنة الله في الأرض الغرب ده سحروه ساكت..
( وفضله يعيدنا لجنة الطفولة)

[ندعوك للتسجيل في المنتدى أو التعريف بنفسك لمعاينة هذه الصورة]

فطور متواضع بسيط لكنه جميل ، لكنه مفعم بالروح

طعمية بيت؟
فطور بيت؟
فول بيت؟
.......
مرة واحد  زميل كدة
وهو يريد اللحم؟
واحد زميلنا تالت قال ليهو.. أنت وصديق تعالوا يوم الجمعة أفطروا عندنا في الجريف؟
صاحبنا قال ليهو الفطور شنو؟ في لحم؟
قال ليهو زي اللحم ، يعني فول بيت مدنكل؟
 زعل قال ليهو.. بالله سيبونا ياخي أنت ومرتك؟
الفول ما ياهو فول
كمان شنو فول بيت وما فول بيت؟
بالله أجي ضارب خط من الثورة لغاية الجريف عشان فول؟ بالله قوم
..........
قالت السيدة عائشة رضى الله عنها ( ما عاب رسول الله صلى الله عليه وسلم طعاماً قط؟، إن شاء أكله، وإن شاءتركه)

[url

الحكايه
اشرح بالتفاصيل

التفصيل الممل يا ود شيخنا شرف الدين..!!!

فطور السودان يشهي الزول[ندعوك للتسجيل في المنتدى أو التعريف بنفسك لمعاينة هذه الصورة]

البراعم تساعد الصائمين في تجهيز الفطور في السودان[ندعوك للتسجيل في المنتدى أو التعريف بنفسك لمعاينة هذه الصورة]

شاهدت معظم الجاليات هنا في الخليج.. لحظة الإفطار لايجمعون أبناءهم حولهم.. بل يتركونهم يلعبوا الكورة خارج المنزل.. نحن السودانيين نجعل لأطفالنا معنا حيزاً في هذه اللحظات المباركة. سواء أكان ذلك في السودان أو في دول المهجر كما هو واضح هنا في هذه الصورة .ز نعد لهم مائدة مثلنا تماما.ز فاطرين صغار أو صايمين أشبال مثل هؤلاء..
إنها نخوة السودانيين.. ودينهم الفطري بدون رتوش سياسية[ندعوك للتسجيل في المنتدى أو التعريف بنفسك لمعاينة هذه الصورة]

وليس الأشبال فقط هم الذين نعد لهم مائدة!
وإنما ( اللبوات) الصغيرات أيضاً على قدم المساواة الاجتماعية.ز قدماً بقدم وساق بساق..
إنها العدالة الاجتماعية السودانية بين صغار الإناث وصغار الذكور.. هكذا التربية المستقيمة.. ( ربي الواحد وفكو في الشارع.. يستعدل الشارع) لاتكمكم الولد ولا البنت، فإنهم ينشأون معقدين.. تتقلص مواهبهم جملة وتفصيلا..[ندعوك للتسجيل في المنتدى أو التعريف بنفسك لمعاينة هذه الصورة]

البراعم وما فوق البراعم برضو.. حقهم  موجود..
أنا قايل لغاية هنا كفانا..ونحبس باقي الصور.. والسور التى تتلى.. حتى يتهيأ الواقع في سوداننا الحبيب، لما يريده الله ويرضاه لنا ولشعبنا العظيم.. نختم هذا البوست.. كما ختم شهر رمضان المبارك. ربنا يتقبل حصيلتنا فيه ويجعلنا من عتقائه[ندعوك للتسجيل في المنتدى أو التعريف بنفسك لمعاينة هذه الصورة]

الأطفال في عوازيم رمضان نعمل ليهم صينية زيهم وزي التاس الكبار وعشان ما يخجلوا وهم بين الناس في صينية واحدة نجعل لهم صواني من نفس صواني الكبار.. لحضرتهم ، وذلك حينما نعلمهم أدب العوازيم ، فهم أكثر من الناس الكبار في التقاط أدب الزيارة وأدب العوازيم.. عشان يشعروا بفرحة رمضان ويحبوه منذ الصغر ويعشقون كل ماهو إسلامي بالفطرة.. وليس بالإملاء والغوغائية والخطب الحماسية.. فيحبون رمضان ويتمنون مجيئه..
 أنا شاهدت بعض الجنسيات العربية تطرد أطفالهم في لحظة الإفطار؟ يلعبون برة في الشارع؟ نحن [ندعوك للتسجيل في المنتدى أو التعريف بنفسك لمعاينة هذه الصورة]
السودانين المغتربين لا نفعل ذلك..
 بعض الناس حينما يعزموك أو في الحفلات يقولون ( ممنوع إصطحاب الأطفال؟) وهذا أكبر خطأ.. يا أعزمنى بي حذافيري يا أتركنى؟
 يجب أن نربي الطفل على تحمل المسؤولية، لينشأ سلمياً بدون عقد..
 هم ضغار و قبل ما يتكلمون وهم صغار فهم يستوعبون.. عيونهم زي عدسات الكاميرا.. ومخهم يعقل قبل ما يعرفون الكلام.. لذلك يجب على الآباء والأمهات الانضباط في تصرفاتهم أمامهم حتى وهم صغار لاينطقون، فإنهم يعقلون..  فتترسب الأحداث في أغوار عقولهم ويحنما تأتي خاصية النطق لاحقاً يعرفون ماذا كان يجري أمامهم وهم صغار، فتصيبهم هذه الأشياء بالعقد..
 ولذلك حذاري من أي تصرف مخا بالآداب العامة أمامهم وهم وصغار.. هم ليسوا صغاراً ، فهم موروث الماضي من الحصيلة الآدمية من جدودهم من لدن ( ألست بربكم) هم سلسلة الحياة البشرية المكتسبة والمعاشة
.............

صديق الدخلك في علم الاجتماع حقنا شنو الطفل عباره عن ورقه بيضاء تكتب فيها ماتشاء وانت وكتابتك سلوك الطفل مكتسب من بيئته المحيطه به اذا صلح سلوك الطفل صلح المجتمع فهو النواة لمستقبل مشرق ياريت صديق يتفتح بوست وتشرف عليه انت في كيفية التعامل مع الاطفال ومعالجة اخطائهم وبرضو لو في واي واحد يشكي من سلوك معين ممكن يتم توجيهه

والله يا سهام شايفو عندك باع في الكلام ده
حسب تخصصك.. أكيد حا نستفيد كلنا ونحن بنتمك

معقوله ياعازه الصواني دي كلها فاتتك في رمضان دي اكبر خسارة المره الجاية حأفتح عيوني عشره اي صينيه تمر حايكون عندي فيها نصيب الاسد وبعدين يالخال انت تؤمن بي حكاية تناسخ الارواح ولاشنو يعني الطفل تكون روحوا قديمي بس الجسد جديد انا غايتوا ياخالي ديننا الحنيف ينفي الحته دي لكن انا عندي احساس جواي روحي دي قديمه شديد ههه احتمال لانوا مسميه علي حبوبتي ومرات يقولوا لي حبوبه في البيت كنت متعقده من الحته دي صحباتي كلهم اساميهم سمحه كلمت ابوي قال لي طوالي انتي المره المسميه عليها ماتساوي ضفره صغرني شديد وحسسني اني قدام والدته قزمه من اليوم داك انا شلته الامانه الكبيره دي وبقيت اتمني اكون مثلها رغم اني لم اراها غير في صورة.عفوا الخال سرحته بعيد

هو موش تناسخ أرواح يا عازة! هو  حديث نبوي قال تخيروا أين تضعون نضفكم! فإن العرق دساس) العرق دي سلسلة الزول لى الجد المائة. لابد أنها تكون عندها أثر عليهو.. يقل أو يزيد حسب إجتهاد الفرد الحالي.. لكن لابد أن يكون لعرقك شئ فيك..
 يعني مثلا زول من جدو العشرين ناس خلاوي وقرآن وخدمة ناس وصلاة جماعة في المسجد..
 وزول من جدو العشرين أهلو يبيعو العرقي ويسووا المريسة؟
 هل ديل واحد! أيهما أحق أن تتزوج منهم!
 والله بي تقارنيهم بي بعض
 عشان كدة نبينا صلى الله عليه وسلم قال: ( تخيروا أن تضعون نضفكم، فإن العرق دسـّاس )