قلة الامطار وانخفاض الوارد في المياه لبعض الانهار هل سيؤدي الي فشل للموسم الزراعي

عازه كتب:مشكله كبيره يعاني منها الرعاه والمزارعين وفي بعض القري الانسان نضبت مياه الابار واصبحت مياه الشرب في مشكله الله يسهل السنه دي شكلوا كدي كان جاء حايكون متاخر وتوقيت الزراعه يؤثر كثيرا في الانتاجيه وعلي العليها التكاليف عاليه شديد مفترض الابحاث الزراعيه توصي بتركيبه محصوليه لايؤثر فرق التوقيت بها كثيرا والاحتياج المائي قليل قبل الفاس ماتقع في الراس والمزارع تبقي عليهو خسارتين صرف وعدم انتاجيه

م بروي كتب:"]عازه بالخيرات مترعه
والسمح كلو مَجَمِعَه
الزرايب ما أوسعها
عيري مقفوله مشمعه
الغنم فيها موزعه
و البقر زينه مربعه
والجمال أربعه وأربعه
والخيول عاملات زوبعه
جايطه في الحوش بي شفعها
والجداد بيضو مجدعه
واللبون عبت مصنعه
النغمه حالف ما أسمعه
وحالف إن جاتني برجعه
واللا بمشي الكوشه أجدعه
وستها إن جاتني بفلعها
راقيه بنتنا ما أروعها
ستها الروعه ومنبعه
سمحه بأخلاقها مطبعه
دره باللؤلؤ مرصعه
مكملها الخالق أبدعها
_______________________
ده كوووووووولو مهد] 
تسلم كتير شاعرنا الهمام والله ماشاءلله الخير كان كتير لكن السنه دي الله يستر علي الناس كلها عازه ساهله عندها كم ماهيه تباصر بيها بهائمه لما الزراعه تطلع بس المشكله الناس المعتمده بس علي الزراعه والحيوان الله يستر عليهم السنه دي 

سهام علي محجوب كتب: عزه ماعندك عوجي دعيتي للمطره *الظاهر عليك شيخه ونحن ماعارفين *بس نحن خلاص كفانا حوليها عليك الله لي ناس الزراعه ديك باقي نحن ناس مدارسنا ديل متحايلين *تشكري عزه علي هذه المعلومه العلميه ونحن الناقصنا كتير عشان نقدر نحصل دول العالم المتقدمه ولايملك المزارع البسيط غير دعواته لله

عازه كتب:تسلم ساري الليل مروركم اسعدنا واتمني ان تتنزل بركات السماء في هذا الشهر الكريم ويظهر الخريف والامور تمشي تمام ذي اول واحسن ولكن بصراحه مفترض نشوف اذا نزلت حبة مطيره الناس تستفيد منها كيفن عشان يطلعو باقله خساره والله في فكره كدا مطبقه علي مستوي بسيط ترسل حدود زراعتك بالجي بي اس تتعالج بالاقمار الصناعيه تجيك رساله فيها معلوماتك المحتاج ليها كلها عن المناخ والري والمحصول الموصي به كم حوجتنا في هذا العام لتقنيات كهذه تساعدنا في الخروج بسلام وامان نحن وبهائمنا وزراعتنا

عازه كتب:مشكله كبيره يعاني منها الرعاه والمزارعين وفي بعض القري الانسان نضبت مياه الابار واصبحت مياه الشرب في مشكله الله يسهل السنه دي شكلوا كدي كان جاء حايكون متاخر وتوقيت الزراعه يؤثر كثيرا في الانتاجيه وعلي العليها التكاليف عاليه شديد مفترض الابحاث الزراعيه توصي بتركيبه محصوليه لايؤثر فرق التوقيت بها كثيرا والاحتياج المائي قليل قبل الفاس ماتقع في الراس والمزارع تبقي عليهو خسارتين صرف وعدم انتاجيه

عازه كتب:شكرا كتير ابوسفيان مرورك اسعدنا والحمدلله ياابو سفيان تنزلت بركات السماء اصلا الانسان في التفكير والعبد في التدبير ربنا يذيد ويبارك انشاءلله تسلم كتير