الحاصل شنو!!!!!!!!!!!!!!!!!

معقوله يا جماعه خلاص الباسقات انتهت والمنتدى الاجتماعى زول ساهم فيه بكلمه مافى , عشان كدى ود عمتى ودبروى عشره بوستات ماسكها براهو من يوم الخميس مافى زول دخل ايدو معاهو , والله عشره بوستات , دا افترى
 عديل.(تستحق تدخل موسوعة جينس).

بس مشغولين شويه
موجودين
أنتقل التواجد والتواصل الاجتماعي
في الفتره الماضية كان التواصل الاجتماعي في المنتدي يشكل تواجدا كبيرا ملحوظا 
اانتقل التواصل الاجتماعي خارج الشبكة العنكبوتيه واقعا ملموسا
شاهدنا كثير من أعضاء المنتدي في تواصل مستمر لكثير من مناسبات الاعضاء
لمحت عدد منهم في زواج شقيق ( انتصار , ابراهيم ) الاخيره
((( انشغال الناس بالزيارات الاجتماعيه حاجه محموده )))))
دمتم

والله زاتي علقته علي الحته دي *ياجماعه انتو الغيره راحت وين مخلين ود بروي يبرطع بره

سهام علي محجوب كتب: يبرطع بره

 مزيدا من الشرح !!!!

فعلا كما قال ساري..التواصل الاجتماعي في الفتره الماضيه كان علي ارض الواقع..
من عزاء اختنا هاجر جودابي يرحمها الله ويتقبلها..
الي زواج اخو انتصار وابراهيم..
ادام الله التواصل بين الناس..
نحن يا نصر الدين اخوي اكان لينا ودبروي ينزل بوستات ونحن نقرا!!!!!!!

فعلا كما قال ساري..التواصل الاجتماعي في الفتره الماضيه كان علي ارض الواقع..
من عزاء اختنا هاجر جودابي يرحمها الله ويتقبلها..
الي زواج اخو انتصار وابراهيم..
ادام الله التواصل بين الناس..
نحن يا نصر الدين اخوي اكان لينا ودبروي ينزل بوستات ونحن نقرا!!!!!!!

م بروي كتب: ود الخال وساري وسهام ونجلاء
من أجل الزينين أمثالكم نستقطع وقت غالي
من زمننا من أجل عيون الغالين
جيت مندفع واحبطت

 ودعمتى اوعه تكون احبطت من كلامى دا ,انا داير احرك الجماعة ديل .لك العتبى ياود العمه.

يستمد المنتدي جماله من ود بروي ولما يكتب جميعنا نتابع كتاباته  الرائعه ولا نجد كلمات مناسبه نعبر بها نظل نتابع باعيننا بدهشه وانبهار يسلم كتير ويسلم جميع المتداخلين والشكر الجزيل ليك اخونا نصر الدين

عازه كتب:يستمد المنتدي جماله من ود بروي ولما يكتب جميعنا نتابع كتاباته  الرائعه ولا نجد كلمات مناسبه نعبر بها نظل نتابع باعيننا بدهشه وانبهار يسلم كتير ويسلم جميع المتداخلين والشكر الجزيل ليك اخونا نصر الدين

 شوفوا الناس دي  جبارة خواطر كيف
ما اجملكم عشان كده نحن هنا

نجلاء زمراوي كتب:فعلا كما قال ساري..التواصل الاجتماعي في الفتره الماضيه كان علي ارض الواقع..
من عزاء اختنا هاجر جودابي يرحمها الله ويتقبلها..
الي زواج اخو انتصار وابراهيم..
ادام الله التواصل بين الناس..
نحن يا نصر الدين اخوي اكان لينا ودبروي ينزل بوستات ونحن نقرا!!!!!!!

 زعيمتنا  مرات كتيرة فكرت اكتب بوست
تعظيم سلام لكي (المرأة الحديدية المنصورية)
خاطرو نضيف البجبر الخواطر

المرور الكرام ,سارى الليل ,سهام, وقريبتى نجلاء,د.عازه, والعمدابو مصطفى , مروركم اعجبنى كثيرا وبيكم وبقية الرائعين فى منتدى الروعة والجمال تستأنس ارواحنا وافئدتنا ولولا ان لاجسادنا علينا حق ما فارقناكم .
صدقونى اخذتنى الوحشة وانا ارى تناقص الرواد عن المنتدى عموما والاجتماعى خصوصا , لاتدرون ماذا يعنى لنا المنتدى نحن اهل الاغتراب سؤال لايحس بقسوة اجابته الا من جرب , ايها الرائعون بحقنا عليكم ان كان لنا حق عليكم وبحق الاخوة والدماء التى تجرى فى عروقنا لاتهجروا هذا المنتدى .
الرائع والقامة م بروى معليش سوء فهم بسيط منى وامثالكم يذدان بهم هذا المنتدى لا بل انتم شامه على خد الوطن.
سلامى وتحياتى لكم ايها الرائعون .

ابو مصطفى كتب:
معليش يا جماعة انشغلنا بالسفر للبلد وحضور الاجتماع التاسع عشر لمجلس المناصير ؟؟؟؟
حيث  تجمعت القبيلة من برتى للعال فى مدينة امسرح ؟؟ وشالت وختت مع بعض ؟؟؟


تحياتى
ابو مصطفى
عضو مجلس الجزيرة اوس ودماج

 

العمده ابو مصطفى لك سلامى وتحياتى .
شنو حكاية عضو مجلس اوس ودماج دى , انت معين عمده رسمى وشعبى واخذت البيعة من الجميع , انت تتحكر فى الاجتماع وتقول انا عمدة منتدى المناصير من برتى حتى العار ولافخر , دى سامحناك فيها المره دى المره الجايه يمكن يكون فيها حالة طوارئ وتعطيل دستور والباقى انت عارفو .

السيد الشفيف السفير نصر الدين:
عرفناك وما شفناك لكن لقينا زول منصورى سمح وزين..من خلال  ما تجيش به خواطره المتدفقه حبا للأهل وإرتباطا وشيجا وتمسك شديد وريده وحنيه شربانه من النيل المويه العكره وأظنها سارت وراء البهايم وسرحت..
تجلس فى الأمارات قبلة جمال الأرض ومنتجع آل نهيان الذى تتحدث به كل الركبان..
كل ذلك لم يجعل ولدنا ينسانا ويسافر بعيد فهو معنا دايما بكا الإحساس النبيل والإرتباط الجميل..
ليك كل التحايا والأشواق وعبرك لى جارك الخال صديق المعتق الفخيم..
حتما نلاقيك إن مد الله فى الآجال..

ممكن ساري يفهمني غلط والايعمل فيها فاهمني غلط *لكن بروي يفهمني غلط او يفهم نصر الدين غلط مااظن*وبعدين لو فهمتوني غلط كلموني عشان تاني اعمل حسابي *هناك اناس اعزاء لدينا وجودهم يضفي علي هذا المنتدي نكهه خاصه وبديت اخاف طمنوني

اطمئنى وحتى لو فهمو غلط ديل ما بجى منهم الغلط اصلو الغلط فى الزول المن يومو غلط علشان كدا ما تفهمي غلط ويكفينا شر الغلط والناس الغلط وان شاء الله تكونى فهمتينى ما فهمن غلط

اميره الحومرى كتب:اطمئنى  وحتى لو فهمو غلط ديل ما بجى منهم الغلط  اصلو الغلط  فى الزول المن يومو غلط  علشان كدا ما تفهمي غلط  ويكفينا شر الغلط   والناس الغلط    وان شاء الله تكونى فهمتينى ما فهمن غلط

 اختى اميره سلام وشكرا على المرور.
دى بقت غلوطيه

علي الحمود كتب:السيد الشفيف السفير نصر الدين:
عرفناك وما شفناك لكن لقينا زول منصورى سمح وزين..من خلال  ما تجيش به خواطره المتدفقه حبا للأهل وإرتباطا وشيجا وتمسك شديد وريده وحنيه شربانه من النيل المويه العكره وأظنها سارت وراء البهايم وسرحت..
تجلس فى الأمارات قبلة جمال الأرض ومنتجع آل نهيان الذى تتحدث به كل الركبان..
كل ذلك لم يجعل ولدنا ينسانا ويسافر بعيد فهو معنا دايما بكا الإحساس النبيل والإرتباط الجميل..
ليك كل التحايا والأشواق وعبرك لى جارك الخال صديق المعتق الفخيم..
حتما نلاقيك إن مد الله فى الآجال..

 فنانا الرقيق سعادتو على الحمود تعظيم سلام.
شكرا على كلماتك الرقيقة فى شخصى الضعيف .
اخى على الحمود . رغم ان اهلى حياتهم كلها بالمدن تبعا لوظيفة الوالد بالسكة الحديد حتى استقر بهم المقام بعطبره الا اننى تربايت عجوز اخذتنى حبوبتى منهم وعمرى سبع سنوات , وسبحان الله من روضة السكة الحديد كوستى الى مدرسة الكاب الابتدائية , تغيير جذرى فى انماط الحياة (وهنا احولك اختصارا الى نفس الاحاسيس التى كتبها اخونا الباشمهندس هاشم الجزولى مع حبوبتو بنت العطا فى التحكم فى المصير هى نفس الظروف ).درست الابتدائى والثانوى العام بالكاب ثم منها الى عطبره .
كنت اعتقد ان اخوانى اكثر حظا منى لانهم عاشو فى المدينة ولكن عندما كبرت عرفت انى اكثرهم حظا والله يعلم منى ذلك .سرحت بالغنم هزيت  البرم زرعت الجروف وزرعت الصيف والمسور والقمح , حياتنا فى البحر الضحى كلو عوم واكل تمر نلعب فى اى  مكان ونفطر ونتغدا فى اى بيت الحله كلها واحد , فجكنا الترع , نورقنا القمح بالحمير وما امتعه من موسم , دقينا العيش بالجريد فى التقا , واتخيل الشرا ياكل جسمك فى الحر الشديد .لعبنا كعوت وكدكم بالليل وكمبليت والكاك ونحن نسميهو الكاج .
طبعا زمان الناس الكبار ما معاهم راحة شغل من النباه لغاية المغرب باستثناء الظهيرة , سالت مره حبوبتى الراحه وينى قالت لى مع الجماعة ديك واشرت نحو المقابر ( مقابر بريكة).
صدقنى اخى على الحمود تهيجنى هذه الذكريات فى غربتى احيانا فلا تطفئها الا الدموع .
اتمنى ان اجد فرصة فى المستفبل لاكتب عن هذه الذكريات الجميلة .
لك شكرى مرة اخرى.

شاعرنا المرهف , قائدنا الهمام حامى حمى القبيلة والسودان سامى لك التحية محملة بالاشواق .
عطبره وما ادراك ما عطبره , انت جيتنى قاصدنى عديل لا لف ولا دوران كأنك تعرف عنى الكثير , بيوت السكة حديد القريبة من كوبرى الحرية ذات الستارات العالية بيتنا كان احد هذه البيوت قبل عقدين من الزمان لنا فيه ذكريات جميلة , ربطنا بكل جزء فى القبيلة من امرى حتى الرباطاب من نعرفهم ومن لانعرفهم من قبل بحكم القرب من محطة السكة الحديد ومستشفى عطبرة والسوق , ومن جمال وسماحة اهلنا المناصير انه ليس بينهم حواجز لو فى واحد ماشى يتعالج فى عطبره يوصوهوا اسأل من حاج ابوزيد جنب المحطة .كانت من عادة الوالد والوالدة الله يرحمها لا يسالو الضيف انت منو ولا من وين حتى لا يستوحش حتى يعرف نفسو او يستانس وياخد راحتو بالكامل ويتعود على الناس , لايخلو المنزل من الضيوف الا فى الاعياد , تعود سكان حى السكة حديد على اهلنا المناصير , من الطرائف اخى سامى واحد جاء الحى بتاعنا ولا يعرف احد وجد بعض الصبية ادخلوهوا بيتنا بعد يومين اتضح انه دنقلاوى فاتو القطر قعد معانا اسبوع , حياة بسيطة ما فيها تعقيد .بسبب علاقاتنا الحلوه كمناصير صار الجيران يتعلقون بهم ويتسابقوا فى التقرب منهم , وبسبب هذا حدثت تلك العلاقة المميزة بين شمس الدين صالح وجيراننا من قبيلة الحسانية حتى اخبرتنى امهم انها سافرت الى البلد شيرى تحديدا حبا فى المناصير وتقديرا لهم .
السعدابية جزء من اعمامى ولاد عم ابوى مستوطنين فيها من زمن طويل , اولاد سليمان ود كرار (دكيم) منهم محجوب هاشم واخوه البعيو وهم الان فى ابوحمد تجار .
نعم اخى سامى عطبره الآن ليست عطبره التى نعرفها تلك المدينة العمالية ذات الدرجات الهوائية التى نافست جوهانسبيرج يوما ما , انقلب حالها , دخلتها وجوه لم نعهدها من قبل , صار المال سيد الموقف , المباهاه التى لم يعرفها اهل عطبره من قبل حاضرة اليوم , سيارات تنفس سمومها فى كل مكان , جرائم غريبة اغتصابات , قتل , خطف لم تخطر على قلوب اهلها من قبل , اظن انها اصابتها لعنة الذهب .
اخى سامى .
امنيتى ان التقى الرائعين ابناء بلدى واسلم عليهم بالاحضان فردا فردا وزى ما قالو الشوق بحر والريده كتاحة ( لكن ما زى بتاعة ودجيب الله).
تسلم سامى ونلتقى فى الخير وعلى الخير ولك فى القلب مكانا خاصا .

نصر الدين سلام
تعجبني متابعتك اللصيقه
ووجودك المتواصل
اما بالنسبه لشاعرنا الرائع الناس شبه متفقه اتفاق غير معلن
انها تفضي ليهو الساحه يقدل فيها براااهو
ويتابعو ويستمتعو
ماسمعت الفنان محمد ميرغني بقول
إيقاع خطاك في الساحه كان اروع نغم
وكمان مرات مرات بياخد ليهو غتسه والناس ماتصدق وجودو

الاخ نصراللدين  لك التحية بهذه الاشواق والذكريات المتدفقة

اذا انت تعرف  على قسم السيد وابنائه  الذين عرفناهم
ونحن فى  ثانوية عطبرة القديمة عن طريق شقيق شمس الدين صالح

ولو تعمقنا  اكثر فى ذلك الوقت لعرفناكم  وتعرفنا بكم
فانتم اهل  لذلك من تواضعكم وكرمكم الفياض

تقبل المرور

محاسن سلام ورمضان كريم مسبقا .
بعدين رائعنا ودبروى ان فضيتوا له الساحة حقنا راح تانى زول بيقرالنا كلمة مافى , ان جانا مارى ساكت هواهو يطيرنا .
سلامى ,و الجماعة وصلوا.

اخوى عباس الرجل السمح والزين انا من زمان بقول شايفك وين .
بالله عباس تعرف ناس على قسم السيد يا سلااااااااام دى عشرة عمر ياعباس والله اكثر من اهل عشرة اكثر من عشرين سنه فى السكة حديد وما زالت ممتدة .
طبعا الاسم الشائع على العربى وهم من حجر العسل ,بعدين شقيق شمس الدين قصدك جمال صالح ولا واحد ثانى , شمس الدين وجمال عندهم خالهم بتذكر فيهو طار من راسى  سبحان الله بتذكر فيهو لى يومين ماقدرت اتذكروا اسع وانا اكتب اتذكرت اسمو عبد الحى .
تسلم عباس ورمضان كريم وكل سنة وانت طيب .

شكرا الاخ نصرالدين على التعليق والايضاح

شقيق شمس الدين هو احمد صالح المعروف باسم
جده لامه المقدوم
الاستاذ المرحوم عبدالحى محمد سعيد هونسيبهم
زوج شقيقتهم  وقد تزوجها ودالملك بعد وفات عبدالحى

اما خال شمس الدين الوحيد هو عثمان المقدوم
رئيس اللجنة التنفيذية للمناصير سابقا

ولك اجمل التحيات الطيبات