لوحة من شرفاء بلادي

طبت أُمي الغالية حية ، وأنت تمثلين موقع طواف للغاشي والماشي سادر والجاي نازل
كلهم يأتون طوعا ليلقوا السلام
وطبت ايتها الغالية وصيوان العزاء يتحول إلى استفتاء حقيقي لمدى حب الناس إليك
جاءت كل البلد وجاءت المكابراب تسابق الخرطوم وجاءت كسلا تحمل عبارات المكلومين هناك
وطبت أيتها الغالية ومنزلنا البسيط يتحول بفضلك إلى ساحة كبرى تجمع كل ابنائك الخلصاء
جاء الرزين ،، خالد عابدين يحمل إلينا عباءة الصبر الجميل
جاء فلتة الزمان الأرباب سلمان ،، يدفع عنا الحزن دفعا
جاء القلب الكبير علي الكليس يعلمنا كيف نواجه المصائب
جاء الشيخ الورع حسن محمد خير داعيا لنا بكل الخير
جاء الأستاذ الرهيف النظيف ،، شنان يدرسنا معاني الإبتلاءات
جاء الشيخ الراقي الجميل خلقة وأخلاقا عثمان النفر من بعد بعيد ليتلقى التعازي فيك
جاء ساقي الخلاء والريف الرائع الباشمهندس هاشم الجزولي ليقول لنا كلنا معكم
جاء الشفيف صاحب الحرف الحصيف الرشيد طه الافندي بعد ان عانده القلم ليكتب لنا بمداد الإخاء الصادق
جاء ود الفقرا الصديق الصدوق الحاج شرف يحمل قلبا مكلوما لنعزيه فيك
جاء الفتى الأبنوسي نادر نور الهادي يحمل مستقبل بلد كامل ليكون في صفنا
جاء استاذا القوافي صديقي الغالي إبنك عباس محمد ليقول لك طبت لنا اما هنا وهناك
جاء الرجل البشوش الشوش ابراهيم محمد سليمان ليكون لدمعنا مكفكفا فكادت تخذله العبرات
جاءت شرري فيها رجال ،، عادل شرري الصاحب والصديق ومحمد علي الإخ الحبيب تغالبهم الغصة والحزن الكبير
وجاءت أخواتك ،،، أم الشهيد نزار وكدنا أن نجهر بغلبنا لولا رباطة جأشها وقوة صبرها
جاءت بناتك ،، أم وضاح بت المشايخ نجلاء زمراوي ،، ومعها قوة مستمدة من ربها لتكون لنا صبرا وتزيدنا يقينا وإيمانا
جاءت بنتك الغالية ،، نجدة زمراوي فكانت نجدة ودرعا تكسرت عنده احزاننا
وجاء المستقبل كله متمثلا في الشاب الوثاب وضاح ليقول لنا صبرا فإن الغالية ام الجميع
وجاءت بنت اصول بلادي سهام بنت الزين الرزين ابونا واب الكل تحمل بين جنبيها قوة تصبر كل مكلوم
كل هؤلاء وغيرهم من أبنائك وبناتك واخواتك جاءوا لا ليعزونا ولكن ليقبلوا لتعزية منا ومن بعضهم فأنت ام للكل
والشكر يمتد لكل من هاتف وكل من راسل وكل من كتب وكل من دعا وكل من واسى وكل من عزى وكل من نوي ولم يتمكن وكل من سمع متأخرا وكل من لم يسمع وكل من نسي أو سهى
ويا ريت لو أقدر أكتب فيكم كل الكلام الما انكتب
شكرا لكم
جزاكم الله خيرا
عزيتمونا وعزيتونا وشرفتونا وبكم احسسنا بذاتنا بأهلنا بناسا
ولك الرحمة والمغفرة يا من جمعت لنا كل هؤلاء اهلا وعزا شرفا وتاجا ، قوة إيمانا واحتسابا
فهم أكبر من كل كلامي

من طرف **عباس محمد** الخميس 06 يونيو 2013, 8:59 pm

تسلم هندسة
ماعملنا الا الواجب
وربنا يتقبل والدتكم

جزاك الله الف خير اخي ودجيب الله..
شعور نبيل...ربنا يديم المعروف بين الناس

ثم جاء إلينا الشاب المتدفق خُلقا وأخلاقا زينة شباب المناصير .. ساري الليل .. زعيم ابن زعيم
جاء باسرته . معزيا مواسيا متفقدا
فالتحية له ولأسرته الصغيرة ولاسرة الزعيم الذي كان أول الواصلين إلينا وأول الزائرين
جزاك الله خيرا ساري الليل ..نثمن ونقدر فيك هذا الإحساس يا راجل يا راقي

اليوم تشرفنا بزيارة احد فرسان المناصير . رجل بألف رجل . قوة ووضوح ورايا سمح بلحيل

رجل اخو اخوان وزول كرم وضو قبيلة زول ضيفان

زولا اصلو مر وقولو مر هو ذاتو مر .. مر في حلق كل زول يعادي المناصير

اليوم .. جانا العمدة ابو مصطفى .. رجل دماج واوس .. الشارب من بحير الحارة وساكن جنة الفردوس

زيارتك لنا خففت علينا حزننا وواستنا في الدواخل

شكرا ليك يا رمز الاصالة .. يا عمدتنا وزينة ناسنا

جزيت خيرا

من طرف **ابو مصطفى** الأربعاء 03 يوليو 2013, 3:08 pm

ياودجيب الله ..... الحكاية دى انا شايفها اكبر منى بى كتير ..... انشاء الله عاد يوم شكرنا ما يجى قريب ؟؟؟
واصلو جاى جاى ... الموت ؟ لا محالة اتى نسال الله حسن الخاتمة ؟؟؟ ونسال الله ان يجمع القبيلة على خير ؟؟؟؟

والدابو داب نفسو يقولوا ليك قصر ؟؟؟؟؟؟؟؟؟؟؟؟؟؟؟؟؟؟؟؟ كل زول منصورى يكربت بى اربعاتو-- نخوة رجالة اصالة كرم ؟؟ لكن الظروف احكام ياقدر ؟؟
لناس ظروف ... ومعلومة الظروف تحكم كل زول ..... وكل رجل قتل فى غير موضعه ؟؟؟؟
تحياتى
ابو مصطفى

لوحة من شرفاء بلادي

لوحة من شرفاء بلادي

رد: لوحة من شرفاء بلادي

رد: لوحة من شرفاء بلادي

رد: لوحة من شرفاء بلادي

رد: لوحة من شرفاء بلادي

رد: لوحة من شرفاء بلادي