الشاعر فضل قبل عشره اعوام

تحيات طيبات لى زول يقدر بلدو
ومطلوب التحيات للزعيم برجوبا
عبدالعاطى واحمد والمعاهم كلو
المقدوم ولدنا اياهوفارس الحوبا
عكريب الوزيروالمعتمد عباس
هامين البلد الاالنفوس مغلوبا
ياحليل البلد ياحليل ليالى صبانا
وياحليل المشارع كانوا يندلوبة
صرخات الصغارفوق الشواطى تملى
الشبال ينح تنكعنا بى ام روبة
يا البلحك سمح قنديلة ودلقاى
وقراصة قمح من نارارابط روبة
غراقك يابلد والله ما راضنوا
نارشوقك تبق جوة القلوب مغلوبا
نقعد فيك نرجاها القيامة قبلنا
شمسك يا مناصير مابندوروا غروبة
سمحة ضفافها نرعى ونصيد حيتانا
والمابى البلد اقرءوا له ص والتوبة
****************
مالها الدولة فى واحدا تقلدوعليها
وفى واحدا تملى تدوسو بى مركوبا
فى ناسايقولولهم تعالوا وسالموا نحن اهلكم
وفى وجه المناصير القبل مزروبا
ياقادتنا ختوها الامور فى نصابا
مابنملك وثائق بكرة يحتجوبا
نحن اهل نضال كل الدول عارفانا
وقعة كربكان فى الماضى يعتزوبا
فراس من قديم مافينا زولا ولى
ماختينا سمعة الناس يلوكوا عيوبا
وعفوا يااهل النية صافية سليمه
والقصد الوحيد تبقى الرجال مكروبة
******
الاخوة الكرام التمسوا لنا العذر اذ خانتنا
الذاكرة فى بعض الابيات من القصيدة
وتسرنا ردودكم وتعليقاتكم وشكرا

الاخ هيثم لو لم تخنى الذاكرة لكان الاخراج اجمل مماوجدت ولك شكرى

شكرا كتيير والله جميله جدا جدا

ارجو من الريس خالد تحويل هذا البوست
الى صفحة الشاعر محمد حسن فضل
مع فائق شكرى وتقديرى