مناصير الغد المشرق.. الأم الرؤوم

مناصير الغد المشرق[ندعوك للتسجيل في المنتدى أو التعريف بنفسك لمعاينة هذه الصورة]

يخربني اكان فهمت شئ!!!!!!!!!؟؟؟؟؟؟؟؟

جنس محن الله يهون ...!!!!!!!

معقول يا نجلاء؟
أنت زولة قاعدة تفهميها طايرة
غلبتك دي كيف؟
........
الحمامة الأم. الرؤوم. هي موطن القبيلة أرض المناصير، في المستقبل تحتضن ابنيها وتضعهم تحت جناحيها وتدفيهم من البرد وتحميهم من عوادي الايام..
ولد واحد يمثل اهل المحلي
والولد التاني مناصير الفداء والمكابراب ومناصير الشتات والمغتربين
أها فهمتى يمة..

علي الكليس كتب:

تسلم ياهندسه ..ياريت دا يحصل ...في محاوله جاده ..بس دعواتك

ااااامين
ايدينا على اديكم --نتمنى ان نرى هذا واقعا معاشا
لك التحية اب حن وانت تسعى دوماليتحقق السلام ووالوئام

يسلموا المرور الكليس وأميرة علي
.........
نجلاء يبدو أنك ما عملتي نقرتين بالماوس عشان تفتح معاكي الصورة مكبرة
التقنية كلها في المنتدى هنا قايمة على النقر بالماوس على الصور ,, أن تنقر مرتين على الصورة لتتضح وتظهر أكبر وتري الكتابة التى على الطيور مثلا... أفتكر دي أنت عارفاها..

لا لا يا هندسه التعبير ووووواضح وفهمت الحاصل...بس حبيت اما زحك...تسلم وتسلم انا ملك

انت يا ابحنه صورتك دى قديمى ول جديدى

هههههههه
حبيبنا محمد الحسن طيفور
أهدي ليك قولة ساري الليل عنى( أنت يا صديق جامع بين جيل الوسط وجيل الشباب الحالي)
وهي قولة تنم عن زول محلل جيد..
.......
بعدين يا محمد الحسن وأنت أهلك ختمية مسمنك على زولا ماهو ساهل من محم والحسن..
السيد الحسن اسمو الحقيقي محمد الحسن
..........
قلت ليك يا محمد الحسن
جيل المناصير المتعلم الأول هم مثال
عثمان المقدوم
عثمان صحن
هشام الحسن نصر الدين
وغيرهم
جيل الوسط هم
علي الكليس
صديق عبد الله
مصباح محمد مصباح
النفر
عبد الغني الحسن أحمد
الفكي أحمد
ود عون الله
وغيرهم

والجيل الحديث الجديد
خال ابرار
هناء
محاسن
تماضر
بلسم
إقبال
ساري الليل

جيل الوسط برضو
خالد عابدين
سلمان عقيد
الحاج شرف الدين
الرشيد الأفندي
أبو مصطفى
نجلاء زمراوي
ود الحمود
وغيرهم
ديل في آخر جيل الوسط

الجيل الجديد برضو
ناس أريج
وهي آخر المشتركين هنا في المنتدى
نسأل لها الله أن تكون إضافة لمنتدانا

تسلم ياخال الصوره عجبتني شديد طيره من طيور الجنه شايله صغارها واحد محلي وواحد مهجر بالجد صوره معبره شديد .
وخالي يابومصطفي ماهو غلطان بس انت غير صورتك المعانا في المنتدي وانا ببدلك في مكاني اصلي من الجيل القديم واستأنفت ويمكن يرفضو او يرجعوني للوسط اوالجديد مامعروف حسب

علا عازة من الجيل الجديد
.......
ابو مصطفى أنت عايز نعملك من الجيل القديم؟
خلاص مافي مانع يا ود الأخت يعني عايزك نختك مع ناس عثمان صحن وعثمان المقدوم وأنت عمرك 43 سنة وديك عمرهم 68 سنة
.......
انت في الحقيقة من الجيل القديم بفهمك المنضبط زي ناس زمان..
ومن جيل الوسط بمقدار السنوات
ومن الجيل الجديد عشان عندك شهادة زمالة المحاسبين اللي هي تعادل شهادة الدكتوراه..
زي زميل الجراحين كلية أدنبرة.. زميل اطباء القلب مستشفى القصر العيني..
أستاذ جامعة عين عين شمس.ز
السودانيين يهتموا بي زميل يكتبوها الدكاترة على عياداتهم
والمصريين الدكاترة يهتموا يكتبوا فوق لافتات عياداتهم بالإضافة للغب دكتور يكتبوا أستاذ وأستاذ مساعد في كلية طب كذا جامعة كذا..
وفي بريطانيا ما بيكتبوا اي حاجة الدكاترة على لافتاتهم.. بس يكتبوا رقم
مثلا 65
22
أو 18 بس
اللافتة كلها بس تلقى فيها الرقم ده؟ والرقم ده محفوظ عندهم يعني شنو
زي الاختصار لبعض الحاجات في الإنجليزي
موش في الانجليزي كل لغة تخصص عندها مختصرات
زي
أسع نحن في الهندسة لو ظهر ليك الرقم ده على شاشة مراقبة الأجهزة طوالي تقوم جاري وهو SSR
معتاه لازم تحتاط الخطر وشيك
وحوالي 3000 مختصر زي ده عندها معاني كبيرة.. الشعوب المتحضرة خلت كترة الكلام .ز بس مدلولات... موش عندكم في لغة المحاسبة في حاجات زي دي

خلاص يا ريس
نختك في الجيل الجديد أنت ومحمد الحسن طيفوري
.......
أنت بي عضمة لسانك قلت يا ريس الآتي
مرة ود البلد.. نزل ليهو قصيدة هنا.. وقال من أشعارو.. ما عارف حلوة كيف؟ ما عارف شعرك كيف؟
بعدين أنت قمت قلت ليهو.. ( موش الكلام ده كبرنا عليهو يا ود البلد!!!) هذا يدل على أنك من جيل الوسط
................
بعدين يا كليس نحن المناصير ونستنا جد وجدنا جد.. ( يعني نتونس، وحربنا في محلو )
يعني نتونس وقضية المناصير حاااارة في قلوبنا دائما..
هو لولا التبريدات والتبريد الزي ده!
كان احترقنا من الألم في قضية المناصير
زي البابور السايقي طوالي، هسه البابور لو ما سووا ليها عملية التبريد دي بالموية.. موش راح تسخن وتتكسر وتحرق؟
نحن كدا
نبرد بالحاجات دي
عشان كدة موش بوست واحد وبس؟
لا
هناك في المنتدى باب كامل للترفيه والمواضيع المنقولة والتسلية

أول أنت يا كليس تجري وراء اسم الريس خالد عابدين مالك هو؟!
خالد عابدين ينفع لك شنو؟
خالد عابدين لاهو عضو لجنة ولاهو فلوجة ولاهو كرزاي ولاهو رئيس لجنة حصر..
زول بس قلبو حار على بلدو جمع ولاد بلدو بي هنا..
يعني معناهو يا علي الكليس
لما تلقانا نتونس.. يعني ذلك نتكل في القضية
ولما تلقانا نتكلم في القضية برضو نتونس
زي سير موجة البحر.. قبض وبسط.. انحسار وعلو.. وكان الموجة بتاعة البحر فوق والله تحت ياها موجة في النهاية.. هي تحت تنحفز عشان تبقى موجة عشان تطلع للسطح بقوة أكبر
نحن ننوم ونصحى على قضيتنا يا علي الكليس
زي ما قاعد يقول ود المناصير
نتحسس سلاحنا