ود جيب الله الحكمه سعودى

من طرف **ود حاج** الخميس 14 فبراير 2013, 3:50 am

قريبى أبو مصطفى قال الباشمهندس ود جيب الله ماسك العصاية من نصها لكن أظنها العصاية ضاعت منه كالحقيقة التى بدأ يتعمد أن يضيعها وهذه لم نعهدها فيه فالرجل كان فى السابق زول حقيقة ونقاش موضوعى ولكن بعد كلامه الموت الأحمر نحن خفنا ساكت وقنا الروب بدون ما يقنعنا من هو المستفيد الأول من طرد الصارفين من الخيار المحلى ؟؟؟؟؟؟؟؟؟؟؟؟؟ وما هو المقابل بعد ما اصبحنا شرطة تنفذ مطالب ادارة السدود ولم يبقى لنا الا أن نعمل سجون كحركة فتح ونسجن كل من يتحدث أو يسئ لاسرائيل لا لا أقصد لادارة السدود .كدى نحن منتظرين ردك أى ضع دائرة على هذه الخيارات .

1 المستفيد أصحاب الخيار المحلى . ولماذا ؟

2 المستفيد ادارة السدود . ولماذا ؟

3 المستفيد قيادات المناصير .ولماذا ؟

الموت الأحمر .

من طرف **(الحاج شرف)** الخميس 14 فبراير 2013, 3:57 am

اسالنى منو الموت اللحمر ده مقنع كاشفات
بس خرم تخريمه فيها خطوره اصابت البعض عشان يزوغ من ناس المرور
ح يلاقيك معاى فى عياده الاسنان
انت جيت الخرطوم ولا لسع جوراء

ود حاج والحاح
انتوا مالكن اتواتيتوا ود جيب الله كدي ؟
يا ود حاج حج يا حاج
وشوف نايبك وين ؟
وله عايز تبوظ خطة ترشيح ود جيب الله في الإنتخابات الجاي ؟

من طرف **نورالهادى** الخميس 14 فبراير 2013, 5:42 am

شيخ العرب ودحاج أنا كنت مفتكر عنوان الموضوع دقة طنبور متل ناس البحر حلوين خلاص ولكن صدقنى الزعيم ود جيب الله ركن والراجل مدردح بس عيبه على حسب قول الجماعة ماسك العصاية من نصها ووالله العظيم يا ودحاج أنا ما كنت متشجع للتكريم الذى أقامه الأخوة الأعضاء بقدومى ولكن تجدنى دائما أحاول أن لا أقول لأخى سلمان لا وها أنا أكرم لكى ألوى عين الحقيقة وحتى حكاية عربات اللجنة يجب أن لا أقول رأيى فيها وحتى رز الحاجة نجلاء يجب أن أطرشه وحتى وحتى ولكن صدقنى تعرفت فى النهاية على رجل شوش وحبوب متل ود جيب الله وهذا يكفى .

كيف تطرش رز الحاجة نجلاء يا سلمان!
ده كلام ده!
أنا عارفك مجامل من الطراز الأول..
الحمدلله الما طرشتو بسبب الكلام..
ينفعك الرز ده!
ومحاسن قالت برضو باعتة ليك لبن من غنمايتا الدابا ولدت!
أنت محبوب في المنتدى وبين أهلك، لأنك زول صافي، زي لبن غنماية محاسن..

حيلك ياود الحاج عمرك اطول من عمري انا ماشفت نفسي احلم في القصر
متربع وين الجالية السودانية وقفوا لي المناصير صف انت صرف من هنا
عاد انصرف وين امشي غابات افريقيا المظلمة اول المرحبين ملك الغابة
حلم رهيب اللهم اجعلوا خير..!!!
ود الحاج كدي النقلب ونسي دحين تذكرذمنك داك تسوي في الصقرية
هوي ياعرب ناس البحرماقدروا يستحملوا الجوع باعوا الذمة ورموا الصوت
اصلا نحنا معروفين شخب حليب وتمرتين نعدي نهارنا فرحانين خلو يحفر البئر
والموية تطير ومن هناك وقادي نقلبها عرضة وصقرية ود الحاج لعب بالنار
ونائب هداف اتلافاها وبعد يومين شوفت العين مو قوالة تحت الشجيرة ودالحاج
الهديمات والتكوي الما ابتخفي علي والجماعة اتلافوا سريع سريع زي عنقريب الجنازة
وبالليفاية كرشوا والوبر والكدوب كوم كوم وجابو المحمر والمشمر واحده واحده
البطين بطينة لبيني مهرودة علي شويتين هاك يامطر الهيبيت والصراي والضراي
وبطليحة عاد نزل اطباء بلاحدود سلامات نحنا جنودك لتعمير..
موكدي دحين:الي القاء المرحلة الجاي ود الحاج في البوليس
( نطة بالشباك)
صاحبك الطمباري برسليهوا عتيدا ودلبن اسكتو شايفو سنغان يحفر
من غابات افريقيا ارحلوا قرية (البدون)
قرية براها في البحيرة للمساكين والمغشوش
بعد 20سنة الجنسية؟؟
[right]

من طرف **الرشيد طه** الخميس 14 فبراير 2013, 4:54 pm

ود جيب الله حكمو سعودي ما سيد بلد وقاعد في البلد وحارس البلد والولد ولد البلد اي زول عندو اعتراض يمشي البلد الكلام الكتير خلوهو

الهادي ود عقيد راجلا تب ماهو ساهيل. قوي بلحيل ماهو زول قوايل.
وللعقاب سلمان لتقيلة شايل . كلام مسكين طاع تمر شايل.
لاتسمع كلام (البدون)اللخباتين الفتانين اللعروض ماليهم ساتر كن ذي زمان اخبارك نقراه كل صباح وبعدين نمشي نفتش الارزاق
اترك الخزان امركتير فيه العجايب دحين السيف ماهو مسكتو واحده اكرج سنونك وكدب محل ماتميل ميل معاها وري الشعب
هوه السايد ما تخالف الاهل مهما تكون الكاينة وقعوا اقع معاهم دندرب درب عاد قولت الهادي ودعقيد سماكم الصعاليك بقالك برضوها
وللعتزار اوقات وللشدة ساعات انا قلت ارميها فوق البحملا من هناك يقع الهدام المايل الماعندوا حساب اقبلها في خانت العتاب!!!
جبق جمبلوق
ركوب حصان الفتان بسراع يرميك في الشوك
ولي هدام هيرا كبير ماتشوف فيه حتا الظلام تراهو علوقوا متنوع الاصناف.
تحياتنا لك

احمد عبد الو هاب هوي سلا م ودجيب الله من حقه ان يترشح لكن نسبة للظروف والاتهامات المسبقه
لم اترشح في ظل الحكومة العسكريه التي لا تحترم المواطن ولم اترشح في ظل الو ضع الراهن
بعد ان د خل الشعب في حجر ضب وانهيا رالوضع الا قتصا دي وانتشار الحروب والمحسوبيه
بعد ضغط المادي اتطرا العسا كرالي استلام الرشوه والنهب والقلع تقولي اترشح في هذا الوضع
يا احمد بعدين ما بلقي اصوات ناس جنود النائب يصوتوبا لكوم الكبير بعد الاعتراف بجنود النائب
الحمد الله انا شغا ل با لخمسين ارجع البيت مبسوط ويوم اليوميه تكون سبعين اكل الباسطه والعب الحمرر
سوف اترشح في عهد الديمقراطيه والا نتخا بات الغير مزوره امسك الدوله السودانيه بعدين عينة ود حاج
بجيبه جنود با لسلميه؟

اخي نور الهادي....

تشرفنا بمعرفتك وسعدنا بلقائك,,,

واختلاف الراي لا يفسد الود بيننا

عبر عن رائك بكل اريحيه ولا تبالي في قول الحق...

الهادي اخوي انشاء الله الرز ينفعك ...والمره الجايه .......انشاء الله ترجع بالسلامه تستاهل خروف ....

من طرف **نورالهادى** الجمعة 15 فبراير 2013, 5:58 am

صديق عبدالله علي أبوحنة كتب:كيف تطرش رز الحاجة نجلاء يا سلمان!
ده كلام ده!
أنا عارفك مجامل من الطراز الأول..
الحمدلله الما طرشتو بسبب الكلام..
ينفعك الرز ده!
ومحاسن قالت برضو باعتة ليك لبن من غنمايتا الدابا ولدت!
أنت محبوب في المنتدى وبين أهلك، لأنك زول صافي، زي لبن غنماية محاسن..

الباشمهندس صديق تحياتى لك وللاسرة الكريمة وشكرا لهذه الكلمات الطيبات وانا والله كان رائى فى هذه المشكلة يجب ان يوجد حل وسط يرضى الطرفين الذين صرفوا وأصحاب الخيار المحلى وكتبت موضوع الخيار المحلى للجميع ولكن بشروط والحمدلله كل الشباب تجاوبوا مع الموضوع واعتبروا حل جزرى للمشكلة فيا هندسة ما ذنب الأجيال القادمة نحن نورثهم مشاكلنا وسيظل الخلاف الى ان تقوم الساعة بين الأهل واذا كان أخطأ من اختار خيار التهجير فالخطأ لا يعالج بالخطأ وصدقت يا هندسة عندما كتبت المناصير تحتاج لشخصية قوية .

من طرف **نورالهادى** الجمعة 15 فبراير 2013, 6:12 am

الباش مهندس ود جيب الله كتب:الهادي ود عقيد راجلا تب ماهو ساهيل. قوي بلحيل ماهو زول قوايل.
وللعقاب سلمان لتقيلة شايل . كلام مسكين طاع تمر شايل.
لاتسمع كلام (البدون)اللخباتين الفتانين اللعروض ماليهم ساتر كن ذي زمان اخبارك نقراه كل صباح وبعدين نمشي نفتش الارزاق
اترك الخزان امركتير فيه العجايب دحين السيف ماهو مسكتو واحده اكرج سنونك وكدب محل ماتميل ميل معاها وري الشعب
هوه السايد ما تخالف الاهل مهما تكون الكاينة وقعوا اقع معاهم دندرب درب عاد قولت الهادي ودعقيد سماكم الصعاليك بقالك برضوها
وللعتزار اوقات وللشدة ساعات انا قلت ارميها فوق البحملا من هناك يقع الهدام المايل الماعندوا حساب اقبلها في خانت العتاب!!!
جبق جمبلوق
ركوب حصان الفتان بسراع يرميك في الشوك
ولي هدام هيرا كبير ماتشوف فيه حتا الظلام تراهو علوقوا متنوع الاصناف.
تحياتنا لك

الحبيب والصديق الباشمهندس ود جيب الله فى البداية جاوب على سؤال شيخ العرب ود حاج حتى نفهم نحن ما المطلوب مننا .لا أريد أن أكررلك نفس الكلام الذى كتبته للباشمهندس صديق ولكن نحن ان شاء الله بقيادة الريس خالد والحاج والأخ يوسف بصدد تكوين جماعة الوسط وأنا ذكرت هولائى لأنهم اعجبوا بفكرة الخيار المحلى للجميع ولكن بشروط ونتمنى أن ينضم اليها كل شباب المناصير وتعال قل لنا رأيك فى موضوع الخيار المحلى للجميع .وما فى حاجة اسمها يا أبيض يا أسود عندما تخلط الأبيض بالأسود يعطيك رمادى فلازم يكون فى لون وسط .

من طرف **نورالهادى** الجمعة 15 فبراير 2013, 6:34 am

نجلاء زمراوي كتب:اخي نور الهادي....

تشرفنا بمعرفتك وسعدنا بلقائك,,,

واختلاف الراي لا يفسد الود بيننا

عبر عن رائك بكل اريحيه ولا تبالي في قول الحق...

الهادي اخوي انشاء الله الرز ينفعك ...والمره الجايه .......انشاء الله ترجع بالسلامه تستاهل خروف ....

الأستاذة والأخت الفاضلة نجلاء مرة ثانية شكرا لهذا الاستقبال الرائع وأنا والله النقاش فى عربات اللجنة يفقع مرارتى لأننى أتعبت فيها روحى كان ممكن اشتريها من أى معرض سيارات واعطيه عنوان الشحن والسلام . وفى القرية التى أسكن فيها أكثر من عشرين معرض سيارات ووالله العظيم جارى حيطة بالحيطة عنده أكبر معرض سيارات فى القرية ,ولكن عندما اتصل بى عسكورى وقال عايزين عربات لللجنة وبسعر هادى وأعطانى المواصفات بحثت عنها فى النت فوجدت واحدة فى مدينة ماسترخ والثانية فى مدينة أبلدورن يعنى زى حلفا نوملى وأنا أسكن فى مدينة تولبرخ فى الوسط وميناء الشحن فى مدينة روتردام والعربات تحتاج لتأمين حتى تصل محل الشحن والحمدلله بمعاونة بعض الأخوان تم شحنها وكل عربة كان يوجد بداخلها قطع غيار مستعملة يحل ثمنها .

والآن ود جيب الله لا يريدنى أن أقول كلمة واحدة عن تلك العربات أنا خلافات الناس ما عندى معها علاقة خالص المناصير لمان عملوا اعتصامهم وقفت معاهم وقضيت ليلة هناك وقدمت الساهلى وبالاضافة لذلك دعوت أبناء الجالية لوقفة احتجاجية والصور موجودة فى موبائل سلمان . وكل ذلك من أجل المناصير ولكن عندما أجد الغلط لا أسكت فطرد الصارفين غلط فلا بد من حل وسط يرضى الطرفين عدم عرض القضية فى البرلمان أكبر غلط ويجب أن يحاكم النائب . فود جيب الله شابكنا الموت الأحمر بدون ما يقنعنا بطرحه أو حتى الآن لم يبرر طرد الصارفين .الأخت نجلاء أنا آسف جدا للاطالة ومازلت مستعد لخدمة أى منصورى فعند زيارتى للبلد سألنى بعض الأخوان عن أسعار الحفارات سأقوم بتنزيل رابط السوق الأوربى وبالمناسبة حتى الحيوانات معروضة فيه فأى منصورى محتاج لترتر أو حفارة للذهب أو ثلاجة لترحيل السمك فأنا جاهز وما عليه الا أن يشاهد سعرها فى النت ويحول المبلغ بالاضافة لقيمة الترحيل . والآن توجد حفارات داو 320 سعرها حتى تصل بورتسودان 35 ألف يورو والآن الحفارات فولفو تباع فى السودان بمبلغ 1200 مليار جنيه والتسليم بعد ثلاثة شهور . فأنا سأرفع شعار المناصير للجميع والزراعة لأصحاب الخيار المحلى والمهن الهامشية لأصحاب الخيارات الأخرى .

من طرف **نورالهادى** الجمعة 15 فبراير 2013, 6:41 am

شيخ العرب ود حاج أنا آسف جدا جدا ولكن كان لابد أن أرد على بعض الأخوة فالتحية لك وللعمدة ود جيب الله .

ود جيب الله الحكمه سعودى

ود جيب الله الحكمه سعودى

رد: ود جيب الله الحكمه سعودى

رد: ود جيب الله الحكمه سعودى

رد: ود جيب الله الحكمه سعودى

رد: ود جيب الله الحكمه سعودى

رد: ود جيب الله الحكمه سعودى

رد: ود جيب الله الحكمه سعودى

رد: ود جيب الله الحكمه سعودى

رد: ود جيب الله الحكمه سعودى

رد: ود جيب الله الحكمه سعودى

رد: ود جيب الله الحكمه سعودى

رد: ود جيب الله الحكمه سعودى

رد: ود جيب الله الحكمه سعودى

رد: ود جيب الله الحكمه سعودى