نحن جنود النائب ولسنا بلطجية

من طرف **ود حاج** الإثنين 28 يناير 2013, 5:20 am

هذا الشعار قيل لنا ونحن فى لكوندة ود الحاج فى عطبرة فى أيام الاعتصام وصرف لنا شقيق النائب لكل فرد خمسة مليون وقال النائب يريد حرب فى الميدان بين المعتصمين وأنا قبضت الخمسة مليون ومشيت كلمت ولدا لى ناس أبوحنة ولقيت معه واحد لابس نظارات قالوا ولدا لى ود اللفندى وحكيت لهم الحاصل وممكن ود اللفندى أن يحكى لكم ما قلت له , وبعد ذلك جاء الى ساحة الاعتصام تركيبة وهو سكران وذكى كلامى .فنحن جنود النائب ولسنا بلطجية وبنفس هذا الشعار صرفت لنا مبالغ ووزعت لنا مراكب ولكن هذه المرة من النائب بدون وسيط وقال لنا بالحرف الواحد أنا عائز حرب دامية من الكحيلة الى برتى حتى نتمكن من اخلاء المنطقة وقال هذه أوامر أسامة عبد الله لأنه زعلان من الشعبين بعد ما رفضوا تنفيذ أوامره ويا أهلى ناس البحر والله العظيم وأقسم بالله ثلاث أنا حتى الآن لم أذى أى منصورى بالرغم من أننى من ضمن كتيبة النائب والله شهيد على ما أقول فنحن لسنا ببلطجية بل نحن جنود النائب . فيا ناس البحر أتركوا هذا الخيار المحلى حتى تنالوا رضاء نائبكم ورضاء البرلمان !

الكلام ده مافيه مزاح وكمان فيها قروش ويازول أعمل حسابك .

من طرف **ابوسما** الإثنين 28 يناير 2013, 1:18 pm

وين سكينك؟

من طرف **علي الكليس** الإثنين 28 يناير 2013, 2:11 pm

اه ياودحاج كل المناصير اصبحت كديك المسلميه والذي يقال انه يقلوا في بصلته وهو يعوعي .الكل اتفق علي افراغك وضياعك ..شيوخ اللجنه والنائب وحكومة الولايه وادارة السد ..وابناؤك يخربون بيوتهم بايديهم ويقبضون الثمن ..اللهم رد كيدهم في نحورهم واجعل الدائره عليهم ياالله

يا ود حاج اخوى كلامك البى تقول فيهو دا جد جد , ولا تكون متعشى تقيل وجاك اب كباس .
انشاء الله تكون حلمه او مشروع رواية , لكن ان بقت دى الحقيقة يا ود حاج يكون المسيح الدجال قرب يظهر .

من طرف **ود حاج** الثلاثاء 29 يناير 2013, 3:15 am

مصباح محمد مصباح كتب:الكلام ده مافيه مزاح وكمان فيها قروش ويازول أعمل حسابك .

يا شيخ مصباح مزاح ما فى وهذا الكلام نقطة من بحر وممكن تراجع ما كتبه ود المقدوم فكلامه أخطر من هذا , والله الواحد يخجل لهم .

من طرف **ود حاج** الثلاثاء 29 يناير 2013, 3:16 am

ابوسما كتب:وين سكينك؟

السكين يا أبو سما خاتنها لليوم الأسود ذى ما قلت . قرررر قرررر قررر ..................

من طرف **ود حاج** الثلاثاء 29 يناير 2013, 3:17 am

علي الكليس كتب:
اه ياودحاج كل المناصير اصبحت كديك المسلميه والذي يقال انه يقلوا في بصلته وهو يعوعي .الكل اتفق علي افراغك وضياعك ..شيوخ اللجنه والنائب وحكومة الولايه وادارة السد ..وابناؤك يخربون بيوتهم بايديهم ويقبضون الثمن ..اللهم رد كيدهم في نحورهم واجعل الدائره عليهم ياالله

يا شيخ على ود الكليس المشاكل كلها يحلها انعقاد المجلس ولكن حرم على بالطلاق سينعقد المجلس بالسلاح وما دايرين شعبيين ولا وطنيين والأخبار السارة جاياك بعد شوية من العرب الرحل فخلنى أتأكد لك من الخبر وأفتح له بوست .

من طرف **ود حاج** الثلاثاء 29 يناير 2013, 3:18 am

نصرالدين ابوزيد حامد كرار كتب:يا ود حاج اخوى كلامك البى تقول فيهو دا جد جد , ولا تكون متعشى تقيل وجاك اب كباس .
انشاء الله تكون حلمه او مشروع رواية , لكن ان بقت دى الحقيقة يا ود حاج يكون المسيح الدجال قرب يظهر .

يا نصر الدين يا أخوى أصلا المسيح الدجال سيظهر أولا فى المناصير وأقسم بالله هولائى أخطر من المسيح الدجال لكن ليهم يوم .

من طرف **ابوسما** الخميس 31 يناير 2013, 2:56 am

ود حاج كتب:السكين يا أبو سما خاتنها لليوم الأسود ذى ما قلت . قرررر قرررر قررر ..................

هو لسه فى يوم اسود يا ود حاج؟

من طرف **(الحاج شرف)** الخميس 31 يناير 2013, 4:58 am

سلااااااام. ياود حاج يا دفعه
واصل
اشوفك هناك ماتتاخر على. الجماعه.
وجودك مهم

نحن جنود النائب ولسنا بلطجية

نحن جنود النائب ولسنا بلطجية

رد: نحن جنود النائب ولسنا بلطجية

رد: نحن جنود النائب ولسنا بلطجية

رد: نحن جنود النائب ولسنا بلطجية

رد: نحن جنود النائب ولسنا بلطجية

رد: نحن جنود النائب ولسنا بلطجية

رد: نحن جنود النائب ولسنا بلطجية

رد: نحن جنود النائب ولسنا بلطجية

رد: نحن جنود النائب ولسنا بلطجية

رد: نحن جنود النائب ولسنا بلطجية

رد: نحن جنود النائب ولسنا بلطجية