ياعبد العاطي اتقي الله في اهلك ولاتدفن جنازتك بالتحكيم

[color=black]عبد الواحد جبريل كتب:الاخ علي لك التحية.....الله يعينك

اخي علي الميت اهله سبلوه انت موجع قلبك مالك[/color]

قلب الحاجي دا اسوي ليه شنو يادكتور غلبني ..انا الجابني من السعوديه شنو ...شوف الوكره الوقع فيها مقبول

[color=black]احمد عبد الوهاب كتب:والله لو الأمر كما أشرت إليه استاذ علي الكليس ، فالعلاج منع هذه المهزلة بكل الوسائل[/color]

شكرا اخي احمد علي المرور والامر فعلا كما ذكرت ...ادناه اقتبست لك الجزئيه المتعلقه بالتحكيم من لائحة التوطين التي اصدرتها ادارة السد ووافقت عليها لجنتنا

وفقا لاحكام الماده (19 ) من قانون اعادة التوطين وتعويض المتأثرين بقيام سد مروي 2002 م

1 في حالة عدم موافقة مستحق التعويض علي ما قرر له من تعويض يحال الامر الي هيئة تحكيم ويكون قرار هيئة التحكيم نهائيا

2 تشكل هيئة التحكيم برئاسة قاضي وممثل عن الوحده التنفيذيه للمشروع وممثل لمستحق التعويض

3 يصدر قرار هيئة التحكيم بالاغلبيه علي ان يبين القرار مقدار التعويض الواجب دفعه والمصاريف التي نشأت من الاجراءات والاشخاص الذين ينبغي ان يدفعوها

4 تتبع هيئة التحكيم ذات الاجراءات التي ينص عليها قانون الاجراءات المدنيه 1983م فيما يتعلق باستجواب المطالبين والشهود وتدوين البيانات بالقدر اللازم للوصول الي القرار السليم

يس مصطفي كتب:

الاخ علي الكليس سلامات
دا كلام واضح شديد وملومات كانت غائبه علينا تماما .ومما ذكرت عرفنا خطوره التحكيم وألخص ذلك في اثنين
اولا :تكوين لجنه التحكيم زاتها فيه ظلم واجحاف لاهلنا 2ضد 1 لامحاله
ثانيا: الحكم مرده للاغلبيه ودي واضحه جدا وفيها بيات للنيه الكعبه
اتمني وعلي جناح السرعه ان يكتب هنا اي واحد من اعضاء اللجنه عن الموضوع وهل هناك اي فهم اخر غير الذي فهمناه وعرفناه من كلام الاخ الكليس

يديك العافيه اخي يس ....داير ناس اللجنه يردوا ليك ؟؟؟؟؟مااظن ..باقي ليك ناس السد كانوا بيقدروا علي ظلم المناصير لولا مساعدة بعض اعضاء اللجنه لهم..ماسمعت ب البيلدي المحن يلولي جناها ...

([color=black]الحاج شرف) كتب:الاخ على الكليس
قبل ان ندخل معلقين على امر بهذه الخطوره
ننتظر من المتابعين للامر. مزيدا. من التوضيح
[/color]

لك التحيه اخي الحاج

ستنظر طويلا قبل ان تري توضيحا ..(علما اني نقلت نصا من كتاب لائحة التعويضات) نحن نكتب فقط ابراءا للذمه مع يقيننا ان التحكيم سيمر كما مرت من قبله الاستئنافات المشئومه بكل سلاسه وتحت غطاء المدعو اثبات الحقوق زورا وبهتانا ..وليتنا خدعنا من السد ولكن الخديعه كانت من الرائد الذي يكذب اهله ..المشكله اننا نلدغ من الجحر الف مره

[color=blue]علي الحمود كتب:الله الله حكمى سعودى.
أرمى الشركه للبودى.
..........................
اللبودى بتشديد اللام والباء نوع من الطيور يصطاده الأطفال.
صغيرونى زى سرير النوبه ما بشفى الغليل وكت تسلتو وتاكلو.
الدباس سمح والقمرى غلاد غلاد يشبع..
سد مروى وإدارته تنصب شراكها دايما للمناصير أنا ما عارف ليه؟
ياخى الناس ديل ماهن مارقين..عوووووووووك.
تحايانا للزعيم ود الكليس المكلوم من سد مروى واللجنه.
المديدى كل ما تبرد ندور نشربها على الكليس يديها النار تانى.
على الكليس عذبتنا على وزن خلف الله بتاع الإنتخابات..
الشعب يريد جودابى والى لنهر النيل[/color].

الرائع سعادتو ودالحمود لك التحيه تشدني طريقتك في الكتابه فهي من النوع السهل الممتنع ووالذي يقرأ ماتكتب تتراءي الصور والمشاهدامام عينيه. فيها ايحاء ورمزيه وخيال خصب وفيها سخريه ممتعه جدا ..جودابي رجل صادق جدا لانملك الا ان نحترمه رغم اختلافنا في موضوع الخيار المحلي...المناصير كلها مكلومه من السد واللجنه وديل زي احمد وحاج احمد كلهم واحد

د

abuahmedعلي الكليس كتب:

والباقين من اصحاب الحقوق الاصليين عاوز تكبهم في الخور وله شنو ...الحل هو رفض هذه اللائحه حتي يتم تعديلها

تسلم يا الكليس يا اصلي

واصل في الرفض حتي ننال حقوقنا كاملة غير منقوصة]

عليكم الله واحد يتبرع ويشرح لي لينا كلام اخونا ع ب د ا ل ع ا ط ي (ابواحمد ) دا يقصد شنو بمواصلة الضغط ...هل نلنا حقوقنا كامله عشان كدا هو وقع وله عاوزنا نضغط عشان هو يكبر كومه