حـُـمارة دَغـْـلـِي، توجد صورة

انسترن معانا في زمنن. لكن ربنا عوضنا عنهن بي مراكب المكنة الفايبر..[ندعوك للتسجيل في المنتدى أو التعريف بنفسك لمعاينة هذه الصورة]

جكجاكة ومي هميمي

أماتنا زمان في أمان الله.. يركبن فوق حميرن.. ويمشن مشاويرن ..
هسي دي عليك الله بنات الزمن ده في واحدي تقدر تركب ليها فوق حمارة؟
لو قلت ليها كدي اربطي السرج فوق الحمارة. وسوي ليهو الضـَـنـََاب.. وأكربي البـَطـَّان.. ما تعرف ليك الضناب من البطان شنو؟ دا خليك من تقول ليها شددي ليك فوقا حزمتين قصب واربطيهن خلف خلاف..
.........

أنا كنت ناوي أحضر لقاء الباسقات داك اجيب لى حمارة واقول ليهن البي تقدر تركب فوق الحمارة دي وتكردا تكون منصورية اصيلة وتأخذ 100 جنيه..
لكن وين؟
حضارات سادت ثم بادت..

شوف عليك الله أنظر للصورة
المرة دي راكبي فوق الحمارة ولابسي شبشب. شبشبا من كراعا ما بيقع..
هسي الزمن ده لو واحدي لابسي جزمة تقع من كترة الخوف من الحمارة..