عاجل الشفاء للخال محمد بروي

الف حمدا للسلامه شاعر البلد وربنا يديم عليك نعمة الصحه والعافيه ويحفظك من كل مكروه واجر وعافيه انشاء الله...شكرا دكتور عبد الواحد وطله طله علي المنتدي

ترليون حمد الله على السلامه شاعرنا المرهف الذواق الكلو ذوق م. بروى ودعواتنا
لك بالشفاء التام وشفاك الله من الأسقام بجاه محمد سيد الأنام ، أنا قلت فى نفسى دى
ماها عوايد شاعرنا يغيب قدر كدى مهما كان مزحوم بالعمل وعاوزنك تطمنا عبر
المنتدى ، مع شكرنا للدكتور عبد الواحد ....

حقيقة أخي عبد الواحد تلومت كتير.. كما كتب صاحبك ساري الليل.. يا اخي انا عارفك مشغول شوية ... بمرض اخيك عيسى وحمدا لله على السلامة. ونسبة لغيابي عن المنتدى والرياض منذ الأربعاء الماضية ولأداء العمرة ربنا يتقبل منا ومنكم صالح الأعمال .لم ندري بمرض خالك محمد ونقول لزعيمنا وأخينا العزيز محمد بروي .. ربنا انشاء الله يعطيك مليون عافية وما تشوف شر يا أبو آثــــــــــــــــــــر. تقبل عذري الشديد جدا جداً. وألف سلامة. والعين دي اللي وقعت فيكم لازم تكدها بشيء. وقول ليهم انا ماعندي حاجة عشان تسحروني يا جماعة الخير ... امشو غادي .. غادي .. ابعدوا عني الله يهديكم. وأمس وأنا الشيخ مصباح سجلنا زيارة وطلة سريعة لإبن أختك عيسى جبريل والذي كمان جاء بملاريا قوية والحمد لله ربنا كتب له السلامة.. وقلت له خلي بالك الناس في شنكوكة حسدوك على الحضور للسعودية وواحد طقاك بي عين وقام ضحك.. وعلى اي حال الحمد لله الشيخ مصباح قرأ عليه. وقلت لي عبد الواحد لازم تدينا البياض. نسأل الله العافية لنا ولكم جميعاً
وتقبلوا خالص تحياتي واشواقي.