الشايقيه والاستيلاء علي مواضع القرار في دوله الجهويه"

الاخ عمر سلامات واعل بخير
اسمع دي
السنه الفاتت كنت مع واحد شايقي مدير مالي في احدي الشركات الكبري العامله في مجال الطرق وهو صديق لي وجار لي مناصير بقابلوا عندهم طوالي قلت ليه ياخي ماتدوا غيركم كمان شويه في البلد دي وبعدين نحن نغرق ومروي وكريمه تتعمل فيها شبكات كهرباء وطرق علي حساب السد ياخي بعد دا سموها دوله الشايقيه
اتخيل صاحبي ردو كان شنو
قال لي والله يايسن انا ما عارف امشي وين اهلنا ديل عملوها واضحه عديل لكن اقوليك ديل الساسه ومافي زول طلب منهم اي حاجه هم براهم قاموا بهذا الاعمار في منطقتنا وانا اري في هذا ظلم شديد للاخرين خاصه المناصير هم اولي بكل خدمه من السد وبالتحديد الكهرباء
طبعا الرجل كتل لي الدش في يدي زي مايقولوا

اه رايك شنو وشهد شاهد من اهلها؟

اريد ان اعرف الشروط او المؤهل او المعيار المتبع في اختيار الوزراء والولاه وغيرها من المناصب الكبري ؟هل هو حسب الخبره ام الاقدميه ام هناك حسبه قبليه ؟
المناصير لماذا لايجدون حظهم من هذه المناصب؟
حتي مناصير الموتمر مهمشون لامكانه لهم داخل الموتمر ؟
حزب الامه الوطني حزب الرزيقات هل تعلم؟
حزب المؤتمر الوطني حزب الشايقيه اظنها واضحه؟

وطيب؟

ان يتكاتف كل اهل قبيله علي خدمة منطقتهم هذا شي يحسب لهم فقط مع عدم ظلم الاخرين ..الزغاوه ايضا يفعلون كذالك وقد قطعوا شوطا كبيرا في الاقتصاد والاقتصاد هو الذي سيقودهم الي السلطه ..اما نحن لنا الله مازلنا في كجارنا ...يس هل تصدق عندما طلبت اللجنه من الوالي السابق غلام الدين ان يعين محامي لها كي يعينها في مراجعة الاشياء القانونيه الرجل مشكور ذكر لهم اختاورا المحامي الذي تريدونه وسادفع له راتب 2.50 مليون جنيه شهريا تصدق الجماعه اختاروا واحد شايقي اسمه جعفر وفي عهده مررت كل اللوائح التي ارادها السد ...عجبي تقول لي الشايقيه ما الشايقيه في دواخلنا