مشيناها خطي كتبت علينا

لاكثر من شهرين غياب عن المنتدي عسي ينصلح الحال ويثمر النقاش عن رؤية مشتركة وتجد الاقتراحات الجميلة الكثيرة موضعها علي ارض الواقع لكن عدنا ووجدنا البعض ما زال في محطته الاولي يلت ويعجن في مكان واحد نسال الله ان يصلح الحال ويصفي القلوب والضمائر ولنا عودة

أستاذ الرشيد طيب لو جيت صفحة المنتدي علي الفيس بوك كان قلت شنو

بسم الله الرحمن الرحيم.
أستاذ الرشيد كل سنة وإنت بخير وربنا يديك الفي مرادك.ويحافظ علي طهارة يدك وعفة لسانك. لكن لم توضح لنا ماجاء في الإعلان الذي تم نشره في صحيفة الحرة العدد:(1098)الأرربعاء 11شوال1433ه الموافق 29 أغسطس 2021م ولقد كان من طرفك.وكان غامضاً وبسيطاً ولم يتم فيه علي الأقل مخرجات إجتماع شيري فأنت أصدق أنبائاً من الصحف وهذا المنبر مجاله أوسع للشرح والتفصيل وبلاكلفة.
ولك ودي وإحترامي

ماهر أحمد سليمان كتب:أستاذ الرشيد طيب لو جيت صفحة المنتدي علي الفيس بوك كان قلت شنو

ماهر شكرا علي المرور نسال الله ان يصلح الحال في كل مجال

نورالهادى كتب:الحبيب والصديق الرشيد طال غيابك والظاهر المشغوليات كثرت ولا تنسانا من الدعوات الصالحات يا شيخنا . ونحن أيانا نحن والحمير فى طينو وورينا العودة هذه ستطول ولا قريبة ان شاء الله . سألنا منك مرات يقولوا الرجل تعلل بالجهاز وناس الحاج قالوا الرشيد بقى بتاع بزنس ومشغول للطيش وربنا يزيدك يا الحبيب أنت تستاهل كل خير واذا عندك حوجة فى حرس خاص نحنا جاهزين عمالة نحنا جاهزين ولا تنسانا من الدعوات الصالحات يا شيخنا . وسننتظر عودتك على أحر من الجمر .

حبيبنا الهادي تسال منك العافية فعلا كل ما ذكرت صحيح الا ما قاله لك الحاج يا اخوي انت تصدق الحااااج

الجهاز اللاب توب شاخ وكبر وبقي يعصلج علي كل حال البزنس ده ما شغلتنا نسال الله ستر الحال بس

أبو ضوة الوراريق كتب: بسم الله الرحمن الرحيم.
أستاذ الرشيد كل سنة وإنت بخير وربنا يديك الفي مرادك.ويحافظ علي طهارة يدك وعفة لسانك. لكن لم توضح لنا ماجاء في الإعلان الذي تم نشره في صحيفة الحرة العدد:(1098)الأرربعاء 11شوال1433ه الموافق 29 أغسطس 2021م ولقد كان من طرفك.وكان غامضاً وبسيطاً ولم يتم فيه علي الأقل مخرجات إجتماع شيري فأنت أصدق أنبائاً من الصحف وهذا المنبر مجاله أوسع للشرح والتفصيل وبلاكلفة.
ولك ودي وإحترامي

الاخ الشاب ابو ضوة لك الود والاحترام وكل عام وانتم بخير

بخصوص ما جاء بصحيفة الحرة والصحف الاخري فهذه تصريحات وليس اعلان واوعدك انشاء الله بالشرح والتفصيل والحوار

الاستاذ الرشيد عودا حميدا وكل عام وانت بخير انا في راي الناس محتاجه تلاقي بعض بدل الموقع وموقع التواصل الاجتماعي لانو في تقديري المحصله بق زيروووووووووووووووووو والدليل حمير القضيه غطس لي ضنيبو فاعمل علي ان يتلاقي الناس لا لشيءسوي انك سباق ولك علاقاتك

تحياتي

الناس يا ايهاب قاعدين يتلاقو في كثير من المواقع علي المستوي الاجتماعي اما ان كنت تقصد لقاء جامع لمناقشة القضية رائ الشخصي انه غير مفيد علي الاقل في الوقت الراهن

لا اتفق معك في ان حمير القضية غطس لي ضنيبو

الرشيديا ملك الصحافة الى العتب
والله شوقنا ليكم ضمة تسب
تقبل التحيات يازعيم

عباس لك التحية والاحترام وكل عام وانتم بخير شكرا علي المرور

انتصار حجازي كتب:نتمنى ان تصفى القلوب
لانو يبدو ان المشكلة ليست مشكلة سد وقضيه
المشكلة مشكلة عدم تصافي القلوب

الله يصلح الحال
ومراحب بعودتك مرة اخرى

هي المشكلة بالظبط بت الزعيم شكرا علي المرور