برلماني: وزارة الكهرباء خرقت القانون

الانتباهة
الثنين 6 اغسطس 2012م العدد 2307
أكد البرلمان أنه لن يسكت على الإجراء الذي قامت به وزارة الكهرباء بزيادة التعرفة دون الرجوع إليه ، قاطعاً بأنه سيتم معالجة الأمر جذرياً ، بحيث لا يكرر بالشكل الذي الذي يحقق الشكل المؤسسي ومصلحة المواطن ، في ذات الاثناء التي اتهم فيها برلماني الوزارة بخرق القانون واللا مؤسسية ، وقال رئيس لجنة الطاقة بالبرلمان د. عمر آدم رحمة للصحافيين أمس إن لجنته ستتواصل مع وزارة الكهرباء لأجل معالجة جذرية لقضية التعرفة غير مؤسسي وغير قانوني.
إخوتي وإخواتي
كل سنة وانتم بخير
استغربت للخبر واوقفني كثيراً
البرلمان بذات نفس ياااااااااااااااااااااااااادوووووووووبوا اكتشف أن وزارة الكهرباء والسدود خرقت القانون
ونحن المناصير شبعنا موت بخرق القانون فينا وبس مو قانون السدود فقط وكمان قوانين العالم التي تحمي الانسان
والله عجائب

زوبة الحبوبة
الليلة جات من وين بعد غيبة..
رشت الناس ديل رش صاح!
كلام زي الرصاص
شنو الحكاية براحة علينا
ده كلام كبار كبار
نحن ما قدرو
نحن في رمضان هسي دي
تعيبانين وريقنا ناشف
كدي ورينا تمانية شهور غاتسي وين أوع يكون مشيتي محل ماها ملبني والله شنو ؟
المهم نبارك ليك رمضان
والجماعة ديل موش احسن تخليهم يفطروا وبعدين تشتغليهم وكدا!
والله رايك شنو يمه
كان بي هنا
كان في البوست داك مع الكليس
صاح والله انا غلطان

البرلمان عارف نفسو ما قدر كتال اسامة لانو شاف شوف فى الحمداب

امرى

المناصير

القضارف غابة الفيل (وزير الغابات ) .

مكاوى محمد عوض

......

عشان كده اختصر الكلام وقال :

كفى الله المؤمنين القتال

أخونا ومرجعنا أبو حنه

كل سنة وأنت طيب

الظروف هي الكانت حاجز بيننا

معقول كلام حاد للدرجة دي؟؟ لكم العتبى حتى ترضو

معليش والعفو منكم ومن الجماعة كلهم

بين وبينك الكلام في السياسة ما منو نتيجة

خلينا مع سياسة الحرجل والمحريب والحلبة ... الخ

ربنا يديك العافية

وشكراً على المرور

أخي الفكي
كل سنة وانت بخير
شكراُ على المرور
صحيح قولك وين البرلمان !! وين المعارضة!! كلهم همهم يأكلوا ويركبوا عربات فخمة ويمتلك اراضي وبس يتغرض الشعب
بس اقول ليك قولة الغلط مننا نحن الشعب .. انتخبناهم وفوزناهم لا خير في الحكومة ولا خير في المعارضة
جعجعة في الفاضي سمنارات وندوات ونحن ح نطلع الشارع وح نقلب الحكومة وعندنا مخطط
شكلها الحكومة ماسكة المعارضة من يدها البتوجعها
في ذمتك في انسب من قيام انتفاضة في الوقت الراهن.. ما دام ما انتفض الشعب في هذه الأيام العجاف .. عمروا ما ح يقوم
شكلو حيل الشعب مهدود وما لاقي البديل.. ومنتظر الموت البطئ
أكرر شكري لك ع المداخلة