تعبير لواقع الخيار المحلى

قصيدة فى الخزان

والى نص القصيدة

البلد جفت يا صديق ماتقول جافوها مالا
وفقدت الريد والمحنة وفقدت العز والاصالا
بس فضلت انت وبراك ونسمة من جيهة شمالا
وريدها ساكن فى قلوبنا فى دمانا وديمة سارحين فى خيالا
رغم تهميشها ومشاقها وجازفت ربت عيالا
وقدر المولى ورضينا ولينا سلط اسامة شالا
وثورة الارهاب دى جايرة وشفنا بالعين احتلالا
البشير يوم جانا ينقز الطوينة بكت رمالا
ونحن شيب وشباب نهلل والنساء حتى الرجالا
وضووا ناس خيرة ورضينة وحتى ناس حبوبة هاله
وتبكى شان فقدالهوية وكم رجال شدت رحالا
واصلوا ما عبر شعورنا وما نظر عطفا بحالا
لينا جاب تابيتا ترقص للقرود الفى جبالا
ونحن فى الوالدة العزيزة لينا ما فى شبه مثالا
لو مشيت حلفا القديمة وحتى لا نمولى ونيالا
نحن يا الكارورى مننا وصلتك كم كم رسالا
وتانى لى نافع مشينا وليهو قدمنا ارضحالا
وما افيدنا بلا مآسى وزادت الطين ابتلالا
وفيك يا البرجوب املنا بلدنا يرجع تانى حالا
ولى اله الكون دعانا اجبنى يا الانقذ بلالا
ويتكسر سد مروى تانى بلدنا ترجع لى سواقيها وجمالا

تمت
المعذرة ان كانت هنالك اخطاء املائية او غير ذلك

تسلم يا عباس يا راقي ـ وحدك تحمل هموم المنتدى وتجهد نفسك لتأتينا بالجديد المثير

وفقك الله وكتر من امثالك

شكرا ودالمناصير
نحن نكتب رغم تقصير الناس بالمرور اوالمشاهدة والاطلاع
لاجل مناصير الصمود والتحدى وانى اعلم جيدا امثال الشاعر الفحل
محمد حسن فضل لايهتم بحفظ ورقة واحدة من اشعاره حتى يصل لزمن لايتذكر قصيدة واحدة
هنا تكمن اهمية المنتدى فى ذلك حتى لاتضيع موروثاتنا
تسلم يا زعيم