ساقية جحا ـ وساقية الحكومة

حكومتنا الرشيدة ـ بعد فضيحة الدجل والشعوذة ـ وحكاية كنز حلفا الجديدة ـ خرجت علينا بقرارات ـ فطيرة ـ مخجلة مضحكة

** تخفيض الدستوريين

** تخفيض امتيازات ومخصصات ورواتب الدستوريين

** تخفيض الإنفاق الحكومي

** رفع الدعم عن الوقود

طيب ـ تمام

* الحكومة هي اكبر مشتر للوقود

* الحكومة هي اكبر مشتر في السوق لكل المواد من اسمنت وسيخ وقطع غيار وآليات وخلافه

طيب ـ

يعني ان كل ما يتم جمعه من الخفض ـ للدستوريين ومخصصاتهم ـ سيذهب لشراء الوقود بسعره الجديد !!

وان كل ما يتم جمعه من خفض للإنفاق سيذهب لمقابلة الشراء من السوق بالسعر المترتب على الزيادات الاخيرة

يعني أن ساقية جحا تسوق وتدي البحر ـ وساقيتنا لسه مدورة ـ وتسوق وتدي كروشا المتدلية حد الساق

يعني عملتو شنو ؟؟؟

طيب ـ الحل شنو ؟

الحل مع هذا التخفيض ـ إيقاف كل المشاريع ـ من طرق ومطارات وموانئ وكباري وجسور ـ وتوجيه منصرفات ذلك لمقابلة الإفلاس الذي يواجه الحكومة ـ وبعد إنصلاح الحال يرجعوا لمشاريعهم هذه

ـ فالمواطن هو اساس التنمية ـ حافظوا عليه ـ ومن ثم ابنوا له ناطحات السحاب ـ وبلاش فلسفة

الحقيقة المرة ان الحكومة تواجه خطر لإفلاس وتزيد من الضغط على المواطن

طيب ـ يوم امس وفي بورتسودان شاهدت ـ العمال ـ في عز الهجير ـ شايلين البوهية ـ وشغالين في الظلط وفي اطرافه تلوين ابيض واسود !!

والانترلوك شغااال ـ العربات والآليات تردم في الرملة والبلك والجماعة شغالين

سبحان الله الطوب والظلط اهم من الإنسان

يا اخي داهية تلفكم

ود المناصير كتب:الحقيقة المرة ان الحكومة تواجه خطر لإفلاس وتزيد من الضغط على المواطن

طيب ـ يوم امس وفي بورتسودان شاهدت ـ العمال ـ في عز الهجير ـ شايلين البوهية ـ وشغالين في الظلط وفي اطرافه تلوين ابيض واسود !!

والانترلوك شغااال ـ العربات والآليات تردم في الرملة والبلك والجماعة شغالين

سبحان الله الطوب والظلط اهم من الإنسان

يا اخي داهية تلفكم

اهميه الانسان من زمااااااااااااان الجما عه ديل مسحوها من ذاكرتهم من بدايه تشيد سد مروي وما اعقبه من مشاكل
اخي ود المناصير ما خلاص الداهيه لفتهم ولعنه المساكين الصابرين ,,,,المناصير,,,,,,حلت بهم.....الله يكون في العون

على اجحنه الفجر ترفرف فووووق اعلامك
ومن بينات اكمامك تطلع شمس اعراسك ارفع صوتك هييييبه وجبرا
خلي جراح اولادك تبرا

نجلاء زمراوي كتب:[quote="[


اهميه الانسان من زمااااااااااااان الجما عه ديل مسحوها من ذاكرتهم من بدايه تشيد سد مروي وما اعقبه من مشاكل
اخي ود المناصير ما خلاص الداهيه لفتهم ولعنه المساكين الصابرين ,,,,المناصير,,,,,,حلت بهم.....الله يكون في العون

ام وضاح ـ صااح

تسلمي يا استاذة

زماان كتبت :

في الصين والدول الأوربية ـ تقام السدود ليحيا الإنسان

وفي السودان يقتل الإنسان ليقوم السد

محاسن كتب:على اجحنه الفجر ترفرف فووووق اعلامك
ومن بينات اكمامك تطلع شمس اعراسك ارفع صوتك هييييبه وجبرا
خلي جراح اولادك تبرا

ارفع صوتك هيبة وجبرا ـ

تسلمي يا استاذتنا المتألقة محاسن

وما أكثر الجراحات

تخريمة :

انا زعلان منك

ليه ؟

انت هنا لأهلك ولإخوانك ـ والناس منتظرنك ـ تقدمي ليهم الجميل وما ينفع ويقدم الناس للأمام

ليه عايزة تحرميهم ؟ من إبداعاتك ؟ من إضافاتك ؟ من إرشاداتك ؟

محاسن انت للمناصير ـ ومن كان للمناصير ـ يطأ على كل جراحاته .. وينسى كل الوخذات ـ ويواصل

تسلمي يا رائعة

نورالهادى كتب:الاستاذ القامة ود المناصير أنت عارف تخفيض الدستوريين هذه أكبر لعبة غزرة ,سوف تقوم الحكومة بصرف حقوقهم كاملة الى نهاية الخدمة وتقوم تانى تعينهم فى وظائف جديدة وأساسا فى بعض المصالح تساعد ناسها تفصلهم وتصرف لهم حقوقهم وتعينهم تانى بنفس رتبهم والله هذه الحكومة فاسدة لدرجة قف !

نور المناصير ـ نور الهادي الأصيل ... سلام

حكومة ولاية البحر الاحمر لم تكمل 5 شهور ولما تم تضريب استحقاقات الوزراء فاقت ال 250 مليون

طيب عندك كم منصب دستوري ـ تقريبا عدد المناصب الدستورية الواضحة يبلغ : 878 منصب ـ مليان فُل

وفي حاجات تحت حت كدا

يعني استحقاقات ساكت البلد تقعد في الواطة ـ وتقعد تكورك يا الله لي

شكرا الاخ ودالمناصير

نورالهادى كتب:الاستاذ القامة ود المناصير أنت عارف تخفيض الدستوريين هذه أكبر لعبة غزرة ,سوف تقوم الحكومة بصرف حقوقهم كاملة الى نهاية الخدمة وتقوم تانى تعينهم فى وظائف جديدة وأساسا فى بعض المصالح تساعد ناسها تفصلهم وتصرف لهم حقوقهم وتعينهم تانى بنفس رتبهم والله هذه الحكومة فاسدة لدرجة قف !

والاسوأ يانور الهادي أن هؤلاء الدستوريين حيجو مدسترين وهم من سيزيدو الطين بله على بلته وتدمير ماتبقى من اقتصاد بفتح اعتمادات تقيلة عبر البنوك ودخول السوق من البوابة الخلفية
تجار استيراد وتصدير وموظفين ودستوريين بالمعاش نالوا حوقوهم كاملة مع تعويض الفصل التعسفي
الله يعينك يابلد

ود المناصير زعلان مني !!! دا كلام دا كلام
تشكر ود المناصير ع الكلام الحلو ده وياسيدي ربنا مايجيب زعل حصل خير وحقكم علي كلكم

الاخ ود المناصير حلولك متكاملة وفى مكانها كانها نابعة من خبير اقتصادى

لكن مين اللى يقول البقلة فى الابريق

ولكن نحن كمناصير نقول
ايها الناس نحن من نفر فوق ضفاف النيل من قديم سكنوا