مرورعامين على عضويتى بالمنتدى

إكتشفت اليوم هو تاريخ تسجيل عضويتى بمنتدانا العامر بأعضائه وزواره الكرام منذ سنتين يعنى اليوم أنا أحتفل بعيد الميلاد الثانى إن جاز التعبير بتسجيل عضويتى بمنتدى المناصير بلدى ، وإنشاء الله مزيدا من الأعياد والتواصل عبر منتدانا ، وأقول فى ذلك الآن هذه الأبيات :ـ أهلا منتدانا البيهو نفخر

لى إرث القبيلة لمً سطر

شاقى طريقو نورو الضاوى يبهر

حانى علينا نرتع فيهو نسمر

نصفح فيهو فرحانين ونسهر

سهًل للجميع بالعندو عبًر

وكل أعضاهو مهما كانوا سُكًر

نياتن صافيه ما بتِتخَجَ تعكر

معدن أصلى زى دهبا مجمًر

{كلنا فيهو رُوكَة جرفنا أخدر}

مشكورين شبابنا الفيهو فكًر

وألف تحية ليهم منى وأكتر

يا سلالالام عليك يا ود زينب بت الفكي
ما شاء الله
شكرا لك لإنحيازك لمنتداك
............
لكن المندي ده أكلة يمينة يا باشمهندس..

امد الله في ايامك واطال الله في عمرك اخي الفكي...وكل عام وانت بخير وبصحه جيده

تسلم يا باشمهندس ـ فأنت أحد اركان المنتدى ـ وأحد عقلائه ـ

مبروك
يازعيم والمنتدى بيك انت يكبر
جرف الروكة فرهد ولوبا خضر
هندست التراث وليهو سطر
ركبت السواقى ولى مصطلحاتا فسر
شجعت الشباب وكان انتاجن اكثر
صافيت الجميع كل ما الجو تعكر
مبروك
باشمهندس --ويا الصدوق المندى عدلناهو

تسلم يا هندسه وعقبال ملايين الاعياد وصح لسانك في هذه الابيات الشعرية يالبيب بس الواحد عنده وقفة عند بعض الكلمات مثلا ( سكر ) عليك الله يا باشمهندس محمد بروي دا السكر قاعدلو وين . بعدين جرف الروكة في واحدين يرعوا فيه بلا خبر . تحياتي لك يا زعيم ( القربللي ) و الاسرة الكريمة وعبرك للاخوة في دول المهجر . كما قال اللبيب : حباب شيخ البلد الليلة بنقر ومن القربللي شايف نوره يبهر ............. ت

نبارك لك العامين ياهندسة لك التحية وللأسرة الكريمة والحمد لله سانقت لينا حسن التليب أصله منهمك في الدروشاب وسط المعايش والجري ونتمنى أن يعاوده الحنين للغربة ونراه بالرياض

[quote="صديق عبدالله علي أبوحنة" كتب ]يا سلالالام يا ود زينب بت الفكي
ما شاء الله
عليك شكرا لك لإنحيازك لمنتداك
............
لكن المندي ده أكلة يمينة يا باشمهندس

شاكرين مرورك ياودأبحنة ، بس عاوز أعرف المندى دى مناسبتها شنو ؟

باين عليك جاتك قرمة لحم ..مع تحياتى وإعتذارى لكم بتأخيرالرد على مروركم الجميل ...

نجلاء زمراوي"]كتبت : امد الله في ايامك واطال الله في عمرك اخي الفكي...وكل عام وانت بخير وبصحه جيده

تسلمى أستاذة نجلاء وإنت إنشاءالله بألف خير وأمد الله فى أيامك ويباركولك كل زين ...

="ود المناصير كتب : تسلم يا باشمهندس ـ فأنت أحد اركان المنتدى ـ وأحد عقلائه ـ

مشكور أخينا الهمام ود المناصير على الإطراء والحقيقة إنت الركن والساس وباقى قدام ديمة فى الراس ...

سلمان عقيد النعوفابى"نظم :مبروك
يازعيم والمنتدى بيك انت يكبر
جرف الروكة فرهد ولوبا خضر
هندست التراث وليهو سطر
ركبت السواقى ولى مصطلحاتا فسر
شجعت الشباب وكان انتاجن اكثر
صافيت الجميع كل ما الجو تعكر
مبروك
باشمهندس --ويا الصدوق المندى عدلناهو

يباركولك السمح إنشاء الله ، وهسع بى كدى إنت خليتنى مع السحاب

ليك شكرى وألف ترحاب وأنا فى كلامى وقولى الشباب ودعقيد سلمان فى الحساب

ده أصلو معروف فى النعوفاب رايو قاطع حلال صعاب

وبى يقول الحق مابيهاب جهدو باين ماهو السراب

تلقى قدام قايد الِركاب للتراث دون بإسهاب

منو ننهل نشرب شراب وللنظم كان جيتو أرباب

عِينى دايمى وبحرا تساب وفى الأعالى يحلق عُقاب

="حسن على التليب"] كتب : تسلم يا هندسه وعقبال ملايين الاعياد وصح لسانك في هذه الابيات الشعرية يالبيب بس الواحد عنده وقفة عند بعض الكلمات مثلا ( سكر ) عليك الله يا باشمهندس محمد بروي دا السكر قاعدلو وين . بعدين جرف الروكة في واحدين يرعوا فيه بلا خبر . تحياتي لك يا زعيم ( القربللي ) و الاسرة الكريمة وعبرك للاخوة في دول المهجر . كما قال اللبيب : حباب شيخ البلد الليلة بنقر ومن القربللي شايف نوره يبهر ............. ت

مشكــــــــــــــــــــــــــــــــور أستاذنا حسن التليب وقد كان من نصيبى وحظى مرورك الحلو زى السكر الغالى الإرتفع وصنقر فى الأعالى ... طبعا اليومين ديل حتى الهضاريب بقت بالسكر وربنا يعين أهلنا الغبش فى السودان عامة وناس البحيرة خاصة ، تمر للبنجقلى ماهو فى والشهر الكريم قرب . والله نحن فرحانين ومبسوطين غاية الإنبساط بوجودك فى مكانك الطبيعى الكان شاغر وراجيك من زمان والحمدلله دابك جيت وإتوهطت فيهو ويللا أسحب قلمك وقول بُق وأبدأ بود البروى ماك شايفو قال عنك شنو ؟ خلى ناس المنتدى كلهم خايفين ويتحسسوا فى جيوبهم ، أمش ساسق على جرفو ماتخلى بتيخى ولا شمامة ولا بينضورة ولا بُوش وشوف لك أسمح قطعى وجيب سلوكتك وأزرع عى كيفك ....يللا مع السلامة ولك منا عاطر التحايا وللأسرة الكريمة....تجشاوووو....

="مصباح محمد مصباح"كتب :ـ نبارك لك العامين ياهندسة لك التحية وللأسرة الكريمة والحمد لله سانقت لينا حسن التليب أصله منهمك في الدروشاب وسط المعايش والجري ونتمنى أن يعاوده الحنين للغربة ونراه بالرياض

شكرا جزيلا شيخنا ودكتورنا مصباح على مرورك علينا بى جاى ويللا إتفضل أكل الشية وأرجى الشاى ..والله لى قولك حسن التليب ده غلبنا غلبه حِتن قدرنا نسانقو ونرسيهو معانا فى حجيرة بحر المنتدى وتانى ماعندو فكاك . والزول ده عرقو غاز فى الدروشاب خلاص وقلعو منها جاى وللا جاى قاسى تب ...والسلام عليكم ...

كل عام وأنت بخير أستاذنا الفكى وكل عام ومنتدانا بخير _

تشكر أستاذ النفر وكل عام وأنتم بخير وإنشاء الله الإجازة ممتعة وكل الأهل بخير مع تحياتى للجميع ...

كل عام وانت بالف خير باش مهندس وكل الجميع بخير ان شاء الله

كل عام وانت بخير باشمهندس الفكى
تحياتنا لك من على البعد وانت تنفخ الروح بالمنتدى
انا لى رأى على اجد الاستجابة عندكم
فقط ان تجمع كل كلمات الشعر التى كتبتها وهى مبعثرة
فى صفحات المنتدى المختلفة وان تكتب مرتبة موثقة فى
منتدى الشعراء فى الصفحة التى تخص اسمك بالتحديد وهى فارغة
ولك منا اجل التقدير والاحترام

هبه الأمباشى كتبت :ـ كل عام وانت بالف خير باش مهندس وكل الجميع بخير ان شاء الله

مشكورة الأخت هبه وإنت إنشاء الله بألف خير مع تحياتى لكل الأهل ...

t;عباس محمد[color=red]"كتب] :ــ كل عام وانت بخير باشمهندس الفكى
تحياتنا لك من على البعد وانت تنفخ الروح بالمنتدى
انا لى رأى على اجد الاستجابة عندكم
فقط ان تجمع كل كلمات الشعر التى كتبتها وهى مبعثرة
فى صفحات المنتدى المختلفة وان تكتب مرتبة موثقة فى
منتدى الشعراء فى الصفحة التى تخص اسمك بالتحديد وهى فارغة
ولك منا اجل التقدير والاحترام[/quote]

لك منى ألف تحية وتقدير مع خالص الشكر ويباركولك كل خير ، أما بخصوص طلبك بتوثيق وكتابة مجموعة الأشعار أشكرك للإهتمام والحرص على لم هذه الكلمات وإنشاء الله ألملم نفسى ووقتى وأكتب كل مره ماتيسر إذا إنسترت الكهرباء والنت معى ، مع خالص تحياتى وسلامى ....

نورالهادى"]كتب :ــ الباشمهندس الفكى صح لسانك للقصيدة الرائعة وان شاء الله يارب عقبال للعام المائة

سلمت وصحيت أخى نور الهادى وتقبل شكرى الجزيل على مرورك الرائع مع تحياتى وسلامى الحار ودمت بعافيه فى حلك وترحالك ... .

شكرا باشمهندس الفكى
ونحن فى الانتظار بان تمتلى صفحتك الشعرية
فى منتدى الشعراء تحكى عن تجارب لشخصك فى الشعر والتواصل
معا من اجل اى يكتمل التوثيق وتجده محفوظا فقد تحتاجه فى مقبل الايام
تقبل المرور مرة اخرى

تسلم أخى أستاذ عباس على هذا النشاط وربنا يقويك ويزيدك وينفع ويرفع بك وبأمثالك من الشباب الغيورين على تراثهم وأهلهم مناصيرنا وكل السودان ، وسيكون ماتريد بحول الله مع خالص تحياتى ...

كل عام وأنت بخير أستاذنا الفكى و دمت ذخرا للوطن وللقبيلة

وانا كذلك اليوم اكملت عامين منذ تسجيلى بالمنتدى 30/7/2010

وكل عام ومنتدانا بالف خير

منوفلى كتب :ـ كل عام وأنت بخير أستاذنا الفكى و دمت ذخرا للوطن وللقبيلة

وانا كذلك اليوم اكملت عامين منذ تسجيلى بالمنتدى 30/7/2010

وكل عام ومنتدانا بالف خير

مشكـــــــــــــــــــــور أخى منوفلى ورمضان كريم ، وكل سنة وإنت طيب وبألف خير وعقبال العام المائة ومزيدا من الحيوية والنشاط والفاعلية لمنتدانا ...

يا سلام على الشعر الرصين
ومن زولاً حسين وعديل وزينة منتدانا
والله ياهندسه أول مرة أشوف الكلام ده
وأنا عندما أغيب
يمننعني الشديد القوي
ولا ألقا فرصة معاهو حتى للمرور ساكت
فمذرة يا من كنت سبباً لتعلقنا بهذا المنتدى
تحياتي للأستاذة الفاضلة