حسرة على الرحيل

داير اقول للقام من البلد امانى ما ادق فيك خازوق
والبلد من بعد الغراق دابو زايد خيرها مطبوق
قادر كل ماعون فى غطاهو وقادر الله الخلق الخلوق
فى البحر سوينا الشباك والسمك من دبس ودشقوق
وجاتها الات تحفر وتجر وعدلت مشروعنا بى فوق
فى الشرق سوينا بنطون وجابن الجاز عربات ددوق
وأصلوا حالفين تب ما بنقوم حتى لو ما انصرفت حقوق
أصلوا من خيرا فى البلد المبارك ماهو ممحوق
وأصلوا من تالاك يابسط فوق زحل من تالانا بى فوق


مع المعذرة ان كانت هنالك اخطاء

فى البحر سوينا الشباك والسمك من دبس ودشقوق
وكمان شفنا العجب للسمك تيراب
يروموا في الموية ماهوا في الدراب
لك التحيه والاحترام عباس محمد الهمام
مارايك في البكتب في تراثنا وفاك الذمام


تقبل مروووووورررري يا صاحبي

شكرا الباشمهندس ود جيب الله على المرور
واثراء هذا المنتدى الذى صام عنه الكثيرون
عجبت لمن يكتب التراث ويفك عنه الذمام
نحن نريد توثيقا وتمحيصا ومشاركة فاعله
شكرا ياباشمهندس

شديد شده ياعباس ولك جزيل الشكر على الاشعار القيمه وحفظك لهذا االتراث من الاندثار ووالواحد تصيبو الحميه والناس ما تبيع اوطانه والقوز

سألتك بالله الخازوق ادقه فى منو؟

فسر على كيفك يا ابوسما واخد راحتك
فقط نحن نوثق لكلمة الشعر لكل ماهو منصورى معروف

شكرا ابو سما على المرور
شكرا ود قطر على المرور