كلمات من التراث....6

ياقعيد الوادي اب رسين
داير اختفك بالعريجين
والسكون بلد التكارين
ياكريم تديني حوشين
كلو حوشا فيهو بابين
كلو بابا عندو عبدين
كلو عبدا عنده كلبين
عندو حربه معاها سكين
كلو خفرا للعريجين

كلو بابا عندو عبدين

المنصوري القديم عندو العنصرية..
وبمفهوم الدين مافي عبد غير الذي تاسره في الحرب..
حتى شاعر المديح الفحل حاج الماحي لم يتخلص من هذه النعرة.. وهي بغيضة.. واصلاً غير موجودة في ديننا الحنيف.. وهي من مراتع الجهل السائد وقتها، وهي من عقابيل الجاهلية.. كاد أن يتخلص منها الجيل الحديث..
شوف حاج الماحي قال شنو؟
القبة اليلوح قنديلا
شوقي وا حساري الليلة
بسم الله رب الحيلة
ياشافي الخلوق وكفيله
ثنيت بالصبوح وجميلا
جميل الناظرين وكحيلا
دينك راح جبال العيلا..
.........................
العيلة يعني العبيد بمفهومه... وراح جبال العيله. يعني انتشر دينك حتى وصل جبال النوبة..والمناصير ينطقونها ( العيلي)

كلو خفرا للعريجين

والله عاد العريجين دي الشاعر المنصوري القديم ما خلا ليها فرضاً ناقص من التمجيد والتبجيل