هل تعلم اااااااااااااااااا

البصل الحلو، كان الفاكهة المفضلة عند قدماء الرومان



الزيت والماء يمكن أن يختلطا..اذا وضعت قطعة من الصابون معهما



أن عنق الزرافة يحتوي على عدد من الفقرات يساوي العدد الموجود في عنق الانسان



أن مجموع ماتضعه أنثى الذباب من بيض طوال حياتها أكثر من 500 بيضة



أن ألف سمكة من سمك الفانوس تزن كيلوجراماً واحداً



أن ارتفاع نسبة الملوحة في البحار يستطيع الانسان العوم بدون خشية ان يغرق



أن التمر يزيل الامساك، بينما البلح غيرالناضج يوقف الاسهال



أن نحلة العسل..اذا لسعتك تموت هي على الفور



أن أول الأصوات التي يستطيع الطفل تمييزها، هو صوت الأم



أن مقدرة الحصان والهر والأرنب على السمع..أكبر من مقدرة الانسان، وهي تستطيع تحريك آذانها لالتقاط أضعف الأصوات



الحصان اذا ُقطع ذيله..مات



العقرب اذا أُحيط بالنار يلسع نفسه،ويموت

ما شاء الله عليك رمال الكاب وهل رمال الكاب مازالت موجودة وياحلاة النوم فيها باليل وانت منتظر القطر ولكن الكان محيرنا أننا نتعب ونحن ماشين في الرمال من بيت ناس اسخاق للمحطة ومن بيت الاستاذ هاشم سليم الذي أكرمنا كثير ومن بيت الشهم ود الحسين وكمان من طابونة عثمان الزين لظل الصهريج كنا محتارين ونحن نرى أهل الكاب يجيدون المشي في تلك الرمال وتقبل مررورنا.

شكرا الاخت رمال الكاب على هذه المعلومات القيمه.
الاستاذ مصباح ذكر الاستاذ هاشم سليم وانا اعتقد ان الاستاذ هاشم سليم هو عمك اليس كذلك رمال الكاب.
وبالنسبه للمشى فى الرمال يحتاج الى مهاره خاصه حيث يستخدم نصف القدم الامامى فقط ويمرور الوقت تقوى الرجل من الخلف ممايمكن من المشى بخفه ولكن اذا غاب اهل الكاب عنها فتره طويله تواجههم تفس المشكله ويحتاجون فتره حتى تقوى عضلات القدم مره اخرى .ولكم شكرى

والله رمال الكاب دي دخلتنا مدرسة جديدة
تعال يا نصر الدين حامد كرار قريبي زول الكاب. شوف الحكايات دي؟

سلاماااااات يا باشمهندس أبوحنه.
ياقريبنا اولا انت متين سافرت ومتين جيت والله الا شفت الاخوان ما قصروا ومحتفين بك غاية الاحتفاء وانت اهل لذلك.
بعدين حكاية المشى بنصف القدم دى يبدو انو والله اعلم بتقصر عصبة الرجل من الخلف ,لذلك لومشينا السادى او اى مكان بالغرب نشعر بالام حاده فى البدايه.وسلامى للاولاد.

والله رمال الكاب ماشاء الله عليها
ذكرتنا سفر القطر والخطوات من رمال
الطوينى الى رمال المحطة
تشكرى على المعلومات القيمة

نسيتك ياباشمهندس ابوحنه.
رمال الكاب دى ابوها على سليم استاذ وعمها سليمان سليم استاذ وايضا عمها هاشم سليم استاذ البحميها تدخلنا مدرسه شنو.

شكر لرمال الكاب
وفي الحقيقه اسره رمال الكاب من انبغ الاسره المنصوريه
واكتر الاسره تعليما
عمها من اكبر المهندسين احمد سليم وايضا ود القاضي
ودفعتي عبد الله سليم
واخوالهم اولاد علي بخيت
من اذكي الاسره
فلهم مني جميع التقدير
وهي طالبه طب بجامعه وادي النيل
نرجومنها الكتير
وولاسرتهاالكريمه الاف التحايا

يا حبيبنا ابو سفيان.. ويا نصر الدين. هسي دي الناس داخلين برمال الكاب.. مالكم ومال البحتى.. إلا شيتاً يجي من العضو براه. غير كدة والله تكفينا رمال الكاب بس.
كدة بي تطفشو مننا الأعضاء. إنت يا ابو سفيان موش قلتا عايز المنبر يرتقي لى فوق؟
يكفينا ما يكتب الناس. إلا كان العضو براهو وضح نفسو..
على العموم تشرفنا..

شكرا باشمهندس ابوحنه على هذا التنبيه ورايك محل تقدير واحترام.
ويمكن الغربه هى الخلتنا نبحت خاصه اذا وجدت شخص تعرفو اوتعرف اسرتو لاننا طولنا من البلد وحتى الاجازات ماعادت تكفى لملاقة الناس,تخيل واحد ذى العضو الجيلى شنان ودخالتى شقيقة امى وابوه شنان ودخالة امى لزم يمكن عشره سنوات ما شفتو ولاكلمتو,وكذلك الحال مع العضو غسان السر زرقانى امه بنت عمتى لزم يعنى انا خالو يمكن شفتو فى حياتى مره واحدة وهو صغير ويمكن هو مايعرف هذه الحقيقه. لذلك اعذرنا ياباشمهندس مع احترامنا لخصوصية كل عضو ولكم العتبى جميعا.

لا خلاص يا نصر الدين كان كدي خلاص مافي عوجة.ز فعلا الشوق والحنين والغربة فقدت الواحد كتييير.ز الواحد بمجرد ما يشوف اسم زول منصوري يفرح.ز خليك كمان يطلع قريبك زي ود شنان.ز كيف كيف هو ود خالتك تماما.. رحم الله امكم كانت مرأة صابرة وكريمة ومضيافة يا نصر الدين.. زولة من أهل الله نحسبها..
جابدا جدكم موحوماد ود آدم زول ما ساهل..
عشان كدة نحن بي نقول للناس يا ريت الزول يدخل بإسمو.
الحقيقة حكاية الشوق للأهل دي يمكن نحن المغتربين نشعر بيها اكتر من الناس القاعدين في السودان.. نشعر بلذة التواصل
لأنو زي ما قلتا الإجازة ما بتكفي

شكرا ياخوانا عموما وبعدين انا منكم لاداعى للمناقشات وانا معرفه نفسي في قسم الترحيب والتعارف زى ماتقولوا رمال الكاب هذةالكلمه اتسلي بها وانا في الغربه ماذا افعل اعشقتها
وفجاءه صعب وصولي اليها الا في الاجازات شكرا ليكم اهلي جميعا علي حبكم لرمال الكاب

شكرا دكتور على محبتكم لرمال الكاب

المعلومات العلمية التي أتت بها رمال الكاب هنا . أنا شخصيا استفدت منها..
اما رمال الكاب والمشي فيها. اسألوا عنها أخونا عثمان سلام معنا هنا في الإمارات. يحب يتبطح فيها المغيرب جنب بيتهم في الكاب ويشرب شاي المغرب الصاموتي.. والنعيم محمود الملك لسه مصر عليها وعامل راكوبة محل ما موية البحر وقفت وقاعد يتنسم ريحة رمال الكاب المبلولة بمياه بحيرة السد.