صباح بلدي

من طرف **خالد عابدين** الإثنين 14 مايو 2012, 4:53 pm

صباح بلدي وصباحا زي صباح مكه
تقوم من الدغش فرحان تلاقي طيورنا متحبكه
هموم الناس تلاقي بعض تكون في هم هي متشبكه
خلوق الدنيا في غيرك تكون في ذاتا مرتبكه
معيشتا غير حضن بلدي دماها نزيفه منسفكه
ماانتي الاصل والساس ونحن فروعا متشبكه
حلات لبسة جمال نيلك وكتين للضفاف شقه
وريحة الطيبة فواحة دي ريحة النيل وروحنا معاها مندعكة
تكون هي بلدنا رمز الحن عروسا لبست الشبكة
وياها القمره ضو الليل وبي جمب النجوم ملكة
صباح بلدي وصباحك زي صباح العيد
تحيتنا وكلام الريد نقولو وتاني منو نزيد
صباح بلدي وجمال الريف وبركات الاله السيد
وقدر ما اقرا في فصلك الاقي قليبي تاني يعيد
وقدر ما اقول بريدك جد وفي حبك بقيت غريد
الاقي رويحتي قصرت شديد وانا ذاتي ماني شديد

ياسلام علي الصباح واحلي صباح وناس طيبين وحنان بلحيل
وياسلام علي التصور البديع والخيال الواسع في نظم الابيات
وسلاستها واخراجها في ثوب قشيب
السلام علي شعراء بلادي