الشوق للبلد

خليت البلد قربت لي حـــــــــولي كان انسي الحصل يا حسرة بتزولي لاكن بألعـــــرض في الذكرى بي طولي في زول بينسي روحو أخِلا قولولي كل ما اقول خلاص انسي اللبدوبا كجنت الفريق خليتو يا أمروبا القى العين تفيض والدمعة مسكوبا الزول كيف يفوت الليهو مكتوبا لو في زول بفوت آ خِلا قولولي ياخِلا الشقا دايما ملازمني الحظ العسير دايما مقادلني ابراهو السراب يظهر يعشمني لو في زول شـرب آ خِلا قولولي يا حليل الزمان الولا يا اخواني معقول اللفات يرجع يعود تاني !!؟؟ كم كت فيهو اذوب همي واحزاني لو في حال بيدوم آخلي قولولي

شكرا محمد الشيخ على هذه القصيدة الرائعة
وعلى ما اعتقد ان هذه القصيدة تغنى بها ثنائى العامراب
ومانطلبه منك اخى ان توضح من هو شاعرالقصيده
حتى توثق له ويحفظ حقه الادبى ان كان منصورى خالص
ولك تحياتى وودى