مفاجأة سارة ---ومن العيار الثقيل

الف مبروك مقدما

وعقبال كل الاولاد والبنات

والدير يدبل كمان اصلوا الحكايه بقت ما حكايه عرس وبس قالوا من ضمن بنود تعمير البحيره يعنى ترخيص مفتوح لكل من تحدثه نفسه

حولينا ماعلينا

سلمان عقيد النعوفابى كتب:شكرا دكتور محمد---


واصلك انت لوريك الفى
الصورة دى ظاهر عليهو وحلان فى الرملة وما قادر يطلع الحدراة –


بعدين انت مالك مارق
نفسك من الترشيح--

والله لورى دا حكايتو حكاية ...غايتو المرق جماعتك ديل يمرقو...منو القال انا مارق نفسى من الترشيح؟؟؟ بس نمرق من الوحل ونترشح..

يس مصطفي كتب:

اما العذابه ناس خال ابرار ارجعوا وراء شويه البجيبلكم خبر منو انتو

مالك علينا يا يس هو نحنا ناقصين احباط..

يا جماعة سلمان جاب خبر ..!!
وانتو قايلين صلعة سلمان دي قامت ساكت .. !!!
(كل شعرة اتحتت من الصلعة عندها قصة)

وهنا : تكمن الخبرات
انا جلاااا

ربنا يتم علي خير
ويسعد كل اولادنا وبناتنا
وزي ماقالو يا خبر الليله بفلوس بكره بلاش,,,,يعني ما مستعجلين

التقيت بوالد العريس بطريق التحدى متوجها للبلد برفقه مهندس مشرف على انشاءات جديده بالبحيره
واكد بان العريس قد رحل الى منزله المشيد حديثا
ليباشر عمليات وضع اللمسات الاخيره
وعليه نؤكد صحه الخبر
ونرجوا الاستعداد لحضور الباشى من عشيه
مع الاستعداد للاقامه مع الاولاد ببيت العرس لمده اسبوع
يمنع اصطحاب الجيران
يوحل مايوحل ماشغلتنا

مبروك مقدما

ربنا يتمم ليهم بخير

يايس انت بره الشبكة –الشغل
دا عرسان جداد لنج—

يوحل مايوحل ماشغلتنا

دا كلام الحاج وسلمان
جاري العزيز المكنه دي شكلها ما نجحت دحين ياصاحبي شيل شيلتك الشي دي وكراني تب

مبرووك لهم مقدما

بس الشمار شديد

ديل منو

مليون مبروك وبالعديل والزين تحفهم البركات والدعوات الصالحات من أعضاء المنتدي .‏

خبر حلو والله
بس الأحلي لو عرفنا من هم

عموما ربنا يسهل ليهم ويفصحوا عنو قريب

خبر جميل
عمل الخير الله يتمه
والداير يدبل الله يسهل له

الله يتمم علي خير
والاهل بالاهل عز
نتمني المزيد من العرسان

والعضوة من منطقة الوسط...

الحاج شرف الدين قابل والد العريس
وعصفورتي قابلت والدة العروس الاسبوع الفات، ووجدتها فى السوق! مشغولة. اي سوق الخرطوم
وعصفورة ود الطرشان قابلت والد العروس قبل يومين
وعصفورة ود المناصير قابلت العروس ذاتا.. وقالت ليها جانا الخبر شايلو النسيم...
عمل خير ربنا يتمو ويسعدهم

الكورة وضحت
وياصديق ابحنه ماتشتت الكوره بعيد
ياللوري تشيل منو
ياللوري تشيل منو
اللوري حل بي
في الودي
جهزو الصاجات
وكفكفو العضلات
وارمو سمح
يالوري تشيل منو

نحن الآن نتواجد

اللهم تتم لهم على الخير

تاني في عرس جديد بين عضو وعضوة. عصفورتي قالت ذلك...
والبركة في منتدانا ده!
أما نحن بعيد من القصص دي!
بس بنارك..
ام حكاية تعمير البحيرة ده موضوع تاني عاد

ربنا يبارك للعريسين وإن شاء الله بيت مال وعيال ومن خلال قراءتي للتعليقات أعلاه عرفت العريس وأنا باقي أهلي فقره ووارث الكثير والمكضب الكلام يجينا بجاي وإن شاء الله كل يوم عريس أو عروسة من المنتدى أما العاوزين يدبلوا فدائما نحن المناصير نعملها كتامية ونستعين بالفقرة كمان . شكرا ود الاخت سلمان .

التهانى والتبريكات الحاره لجبريل وزوبا وربنا يتم على الخير

غزالى البرعى فى ساقية قرافى .

شبّ بين الطرفة والنيل والحلافى..

من زمن بين الحفير نظمّ طوافى..

أنا ما لقيت منك ولا قولت عوافى..

...................................

ما ليك حق من دون سبب دايما تجافى ..

إنت خاصم ونحن مجبورين نعافى..

مبروك جدا للعرسان..

لكن أنا عندى راى كبير فى العرس التكنلوجى ده..

على النت يعنى!!

ما فيهو حوامة بى جنب الحفير والبحر ..وما فيهو ممارسات بريئة..

يعنى تقيف فى نص التنقير وتلبد فى العيش!!

لمن تجى ماشة بى جنبك تشيل منها الجوز..

خايف عليها وتريدا وكدة!!وتقول!!

أنا بزرب حارسومن دفيق..مانع الطير من الحليق..

كان تنصحو يشوفلو طريقة يا البدرى الحرقتو حريقة..

اللهم أجمع بينهما بالخير والبركة وأرزقهما الذرية الصالحة,,