بلد مكفوف الانسانية

بلد مكفوف الأنسانية
يابلدمكفوف الانسانية
ياولد مجهول أحلام وهمية
الفكرة تغازل فى فنكــ
والوحة بتحكى البجراوية
خدعــــــــكـــــ
اديتم فكركـــــــــــــ
وامنتم عرضكــ ـــ ـــــ ـــ
وسلمتهم أرضكـــــــــــــــ
مسكين سلبوك المبداء
واغروك الرشوه تضاهى الماهية
خلوك بطاعن فى ظلكــــــ
الدم السايل خريف أسفكــــــــ
وفى ظنهم أوهام وشعاير صهيونية
والشارع بصارع من اجلكـــــــــ
ومن اجل الحقــــــــــــــــ
ومن اجل الشعب دمقراطية
الشعب يريد الحرية
لكن لحظات ونتفرق
من غريد ريح
وندفق أحرف فى كتاب تاريخ
ونعطر بغاية بارود من الدورية
ياولد جات الدورية
ياولد حزراك من الدورية
والحال يوماتى بيتعسر
والفال جوانا بيتكسر
والناس الصابرة ،وعابرة الشارع
دايشة وداقشة ، ليك بتصور
أمال اجيال ونضال
ومبادى سودانية
يابلد مكفوف الانسانية
ياولد مجهول أحلام وهمية

وطن الكل سودانى

بحلم بيك وطن ثانى
تنعم فية كل الناس
وفية الزول أنسانى
لامحسوبية لا قبلية
لاحب زات
ويبقى الكل سودانى
أنا مابعرفك ياوطن مفتون
لتل مابعيشك هسي
يالفيك اللقمة تحت البوت
ياالكلمتك شلوت
ياالفرقتة كل الناس
واليوماتى شعبو يفوت
ومايرجع لية من ثانى
بحلم بيك وطن ثانى
وتف ياوطن اشجانى
ياوطن اشتى
صباحو دموع
الكل عماهو الجوع
والكلمة للعسكر
والبيحلم بي علاه يتكسر
بحلم بيك وطن ثانى ويبقي الكل سودانى
صوتى مابيشبة ملامحك
ومامسامحك
نيلك هجاك
وتترك أشجار نخيلك تشتمك
انا مابعرفك ياوطن
حالف يدوس الناس
وحكومتو توعد بالفساد
وفى المال العام والنظام
وجيوشو تكسر فى الاقلام
وتتكلم باسم الدين
ولى حكم الله ديل ناسين
وطن جانى على شعبو
وعلى أرضو
وعلى البيصلح متاريس دربو
يتم تفتيشو بالبوليس
وعمل الفيش
عشان مشكلتو أنسانى
بحلم بيك وطن ثانى ويبقى الكل سودانى
تعالو نودع اخر النهار
تعالو ننظم الاوتار
وأيدى فى ايدك ياولد
حرم نعيدك يابلد
نحميك من كل الجلد
ومن كل غدار جانى
بحلم بيك وطن ثانى ويبقى الكل سودانى

من طرف **عازه** الخميس 08 مارس 2012, 3:22 pm

تسلم الأخ ساطع ملحمه جميله وكتابه رائعه من انسان رائع واضم صوتي لي صوتك وأقول الانسانيه وييييين والحنيه وييييين جاءني صوت من الجانب الأخر والشعب يتقاتل والخاسر الأكبر هو ألأجدر هو ألاجمل و النجم يتلألأ ويكتب في السماء الواسع انا السودان .