مناصير..... ماذا دهدهكم؟؟؟؟؟؟

abuahmed كتب:اخي محمد بروي
سلام
مالي اراك اتحت لليأس بابا يدخل به عليك، اليسر يأتي بعد العسر
(ان مع العسر يسرا، ان مع العسر يسرا) ولا يغلب عسر يسرين
ما يدور في المنتدي احيانا يصيب بالاحباط ويدعو لليأس.
اخي بروي
نحن نشحن بطارياتنا منكم فنامل ان تكون جاهزا دائما لهذا الدور مهما كانت الظروف
اثق انك قصدت ان تنبه الناس حتي يفيقوا بفتحك لهذا البوست ولكن بين سطوره اري الحزن الدفين الذي يسرب منك الينا وهذا ما لا نحب
تسلم

عبد الواحد جبريل كتب:الفرق والله باين
بينا والناس الثماله
بين بطن مطفوقه عزه
وبين كرش نافخا العماله
محبة البلد الجمعنا
طفله من رحم الأصاله
لا بتتوزع هديه
ولا بتتباع في البقاله

حاتم طه الافندي كتب:الناس عرفوا الدهاهم

عرفوا الهددهم

عرفوا الهدهدهم حتي ناموا

متي يهتدوا ؟؟؟

خال ابرار كتب:استاذنا بروى المناصير بالف خير طالما ميدان الاعتصام بخير,,,اعلم ان طول المدة اصاب البعض بشئ من الاحباط والملل ولكن اقترب الحلم اما حل واما حد...

منوفلى كتب:دهدهكم دى انا غايتو مابعرفها

لكن بعرفلك الهدانا

وبعرفلك الهدمنا

خالد عابدين كتب:

ود المناصير: يسأل ماذا دهاكم؟
آخر يسأل ماذا دهدهكم؟
وآخر:ماذا هدَّاكم؟
وآخر :ماذا هداكم؟
وآخر:من هددكم؟

داهية تاخد السد من قعورو
ومعاهو ناسو البجورو
والمعاهن في ستين يغورو
بكره بلدنا يضوي نورو
ويخدر جرفو وتتمايل تمورو
والشمتان كيف حيكون شعورو؟

تسلم ياملك وتقبل مروري

سلمان عقيد النعوفابى كتب:

الفرح جاييهو دورو

والشمات وين داير يغورو

كاسوا الفتنة دابن يطيرو

التمر تانى اترص روقو

والدباس قيل فوق لكروقو

واللديق اتعبأ سبلوقو

والبحر شبعنا دشقوقو

والجرف تانى شب سبروقو

والخلا اتردفت بروقو

والتبس تانى قام على سوقو

والجميع حامدين الشفوقو

ود بروى حاولت ابنى لى كم سريقات ولكن اتعوجت على شوية--الظاهر الخُلُت كتر-

سلام

عباس محمد كتب:تسلم نسيبنا ودبروى
مساهماتك تثلج الصدور
ويكن لها الجميع بالبهجه والسرور
طول مدة الاعتصام وطول نفس الحكومة
اصاب الجميع بالملل والرتابة
ولكن مع الصبروالصمود وقوة الايمان
من طرف بت احمد التى بالميدان سياتى زمن العبور
باذن الواحد الاحد انشاء الله
تقبل المرور