ديار منصور

بديت القول عاد مجبور

وداير اوصف ديار منصور

بديت بالكارو والحنطور

ثنيت بالطبلة والطمبور

وحتى القمرى والزرزور

واختم ليك بالماسور

وحتى الكهرباء والنور

والسودانى لينا يجور

وما بقدر اقول بالزور

لشان مكانة المنصور

وكيف الزول يفارق لى بلادو يغور

وكيف الزول بيهجر لى ديار منصور

كيف الزول يسيب الموية يمشى على العطش والزور

كيف الزول يسيب واطاتو يسكن فى الخلاء المهجور

وعايشين فى الملك وراثة جدنا المنصور

خيارنا محلى نتحدابو وبى نبنيهو دور فوق دور

وحلاة العيشة لما تكون بين الاهل مسرور